1/ Anak bruk patagok samar urang ruak pandiak tabiak darah song ruak tangin takai cambuai di dom sang iek ruak ban raya HCM dalam 2 adit tapa, beir harei kabroi kapul ngak bruk di mintri Y tế kayua akaok Cục y tế dự phòng Trần Đắc Phu ba akaok hu var ngak bruk song dom sang iek ruak song urang dang akaok Sở Y tế ban raya ka bruk pacang caga jit. Meng akaok thun tal ni ban raya  hu 10.624 urang ruak pandiak tabiak darah, rilo jang 80% dut song tuk vak ni thun bloh. Ban raya HCM hu 5 urang metai, dalam nan hu 3 urang prong song 2 uranaih. Ong  Trần Đắc Phu, akaok Cục Y tế dự phòng (Bộ Y tế) hu panuac kakei dom sang iek ruak:

          Patrun urang metai hu 2 kadha, patrun urang ruak ye patrun urang metai. Ka 2 lac iek ruak siam hu patrun metai. Brei tui iek ruak trak atau hajual, chuyển tuyến yau habar piah patrun quá tải. Urang ruak trak iek ruak di labik ni njauk ye, chuyển tuyến brei njauk, oh caik ka urang ruak trak nao labik ni labik deih di y tế tư nhân, tal tuk ruak trak tame sang iek ruak tuk nan daok cang metai min. 

2/ Rajaei barau tabiak nghị định 86/2015/NĐ-CP ka sarak mek tame, khik iek jien bac ngan saong labik patao megru saong sarak miễn, giảm jien bac, daong jien bac meng thun bac 2015 – 2016 tal thun bac 2020 – 2021. Tui nan, khung yaom jien bac ngan saong dom danak dak pato bac pakat bac mầm non saong pato megru phổ thông công lập thun bac 2015 – 2016 hu quy định meng 60.000 đồng tal 300.000 đồng sa bilan labik thành thị; meng 30.000 đồng tal 120.000 đồng sa bilan labik palei pala, meng 8.000 đồng tal 60.000 đồng sa bilan labik bhum ceik. Iek tui dom quy định nan, hội đồng bhap bini pakat tỉnh quy định yaom jien bac cambaih laih yaok thun lagaih saong yaok bhum palei dalam tỉnh.  

3/ Mban tacei jalan Tây Bắc pambuak bruk song tỉnh Sơn La bahrau peih tal pato bruk rong pala, tong chap khik piah, ngak kaya ikan ia taba ka urang dok di huyện kan kathaot bhum Tây Bắc. Ni lac bruk ngak piah dong ka dom puk palei dalam bhum Tây Bắc patagok KT, patruh eik patrun kathaot song palagaih  ka bhap bini patagok KT boh sang. 

4/ Tal urak ini, tỉnh Thừa Thiên Huế hu labaih 200 urang njauk ruak pandiak tabiak drah, mboh ralo di huyện Nam Đông saong huyện Phú Lộc. Ruak pandiak tabiak drah daok patagok saong pambak tapa 8 huyện, ban sit dalam tỉnh. Anak bruk ini, UB bhap bini tỉnh Thừa Thiên Huế hu tacei pato dom puk palei patagok bruk pacang cakak ruak pandiak tabiak drah, langyah abih sruh ruak oh caik brei tamuh jeng jit, abih di nyu nan lac dom labik hu ralo menuac daok. Dom labik y tế caga ginup jru, hóa chất piah taduan, iek ruak urang ruak.

5/ Hadei di jiak 3 thun peih ngak danak dak dong ka urang hu buh pren yava ka CM hu sang dok, urak ni, tỉnh Quảng Ngãi hu ngak salah song ba tame pandar labaih 3000 boh sang saong yaom jien ngak abih tih jiak 98 tỷ đồng, dalam nan hu 9 tỷ đồng meng jien dong di dom urang ngak pahla. Bruk samar dong sang dok ka urang hu buh pren yava ka CM piah palagaih ka urang hu sang dok, tani tanat rai duik, brei mboh bruk menyum ia hadar halau ia di dom pakat Đảng song bhap bini.

6/ Peih ngak chỉ thị 23 thun 2013 di thủ tướng rajaei brei pasang iek veik taong abih bruk peih ngak sarak daong urang hu buh pren yava ka cách mạng, tal urak ini, tỉnh Khánh Hòa pasang iek hu labaih 7.000 urang hu buh pren yava di 8 huyện, ban sit dalam tỉnh. Amuk Trịnh Thị Hợp, Phaok giám đốc sở lao động, thương binh saong XH tỉnh Khánh Hòa brei thau:

“Dom urang ginup điều kiện, ginup hồ sơ ye Bộ chỉ huy quân sự tỉnh patui pasang iek, duah thau. Daok dom urang lahik hồ sơ gốc, brei ngak veik hồ sơ samar payua ka dom jabat hu chức năng piah pasang iek. UB bhap bini tỉnh jeng hu tacei pato dom gah hu pambuak tal, abih di nyu nan lac dom puk palei jhul bruk ini dak samar dak siam”.

7/ Harei kabroi 6/10 di ban raya HCM, Tổng Công ty văn hóa Sài Gòn song Công ty Phát hành sách ban raya Hồ Chí Minh (Fahasa) hu peih tabiak  Nhà sách angaok mạng Fahasa.com song brei thau lac daok kuhria peih 10 sang tapuk meng ni tal puac thun, patagok sang tapuk di Fahasa dalam negar labaih 600 ribau tapuk, tốc độ 10.000 urang truy cập/minite Fahasa.com hu pagam tal rilo blah thương mại điện tử dunya, dong ka urang puac tapuk meda duah hu dom janih tapuk puac bac dok dalam taneh ia song dunya.

Patui di ini dom khau tin dunya:

8/ Di ban ine Viêng Chăn, akaok mintri khoa học saong công nghệ lào Bò-viêng-khăm Vông-đa-la ndom lac Lào daok caga ka bruk dang tabiak peih nyaom meyai akaok mintri khoa học công nghệ ASEAN mbang ka 16, rah tabiak meng harei 2 tal harei 6 bilan 11 tal di Viêng Chăn, Lào. Dom akaok mintri khoa học công nghệ dom taneh ia ASEAN hu ginum meyai dom bruk praong piah jhul pakhang talei pambuak bruk patagok khoa học công nghệ saong sáng chế di ASEAN, jalan patagok khoa học công nghệ sáng chế di ASEAN tukvak 2016 – 2025 saong dom bruk karei karei.

9/ Lambaok gilang pariak dunya bahrau brei thau bruk iek lipa kathaot rambah di angaok dunya meda patrun ala tanut 10% dalam thun ni. Gilang pariak brei thau ini lac “ bằng chứng bahrau brei mboh urang kan kathaot gam patrun dalam 25 thun tapa song dunya dok mai jiak jang tal bruk abih bruk iek lipa kathaot rambah dalam thun 2030

10/ Di Braxin, rup patau chúa cứu thế angaok tabung đồi Cô-cô-va-đô, biểu tượng di ban Ri-ô đờ Jan-nê-rô hu truac hadah pui sambo hồng harei 6/10 piah gam saong bhap bini dunya pachreih tui bilan patagok akaok saneng ka bruk ung thư tasau. Bruk ini kayua dua tổ chức phi lợi nhuận Phăn-đa-cao La-cô Rô-xa và A-me-ri-cát A-mi-gát  peih tabiak, caong pachreih hu bruk sangka di yaok ribau urang, tapa nan daong ka urang mboh hu yaom glaong di bruk patagok akaok saneng ka ung thư tasau./.