#/ Ban chỉ huy quân sự ban sit Buôn Ma Thuột tỉnh Đắc Lắc peih bruk tabiak mbaok pasram chiến đấu ka gah tapon nyaom bol pan phao krong ban thun 2016. Hu mbaok di lễ ra quân thun ni hu lambaok vakil di  Ban Chỉ huy Quân sự 21 xã, phường, dom jabat, kapul nyaom, đơn vị tự vệ song labaih 200 urang jakar, urang lin hu mbaok tame bruk pasram megru Thượng tá Trịnh Sơn Nhất, Chính trị viên – Ban chỉ huy quân sự ban sit Buôn Ma thuột, lac

Dalam thun ni khol hulin peih mô hình học vụ, tapa mbang pakacah ni piah paglong akaok sahaneng di dom Ban chỉ huy quân sự xã, phường dalam mbang kuhria caga bruk pasram megru. Thun ni hu salih bahrau kayua gah angaok tacei ba peih bruk nduac việt dã dahlau di tuk pasram megr, nan lac bruk ngak bahrau thun 2016 

#/ Pachreih tui bilan dam dara, urak ni, gah đoàn viên dam dara tỉnh Tiền Giang peih rilo bruk piah pabak ia taba ka mik va di bhum pandiak bhang song njom mbak rah tabiak. Labaih 30 urang đoàn di Công ty trách nhiệm hữu hạn Một thành viên pabak ia Tiền Giang harei melam dui jalan ia hacih meng ban sit Gò Công mai pabak ka labik kurang ia. Langiu di nan, gah ni dok samar caik 500 đồng hồ ia brei saoh ka bhap bini dok di huyện Gò Công Đông.

          #/ Ngan saong kadha “Dam dara Sóc Trăng tự hào saman Hồ Chí Minh”, bilan dam dara thun 2016 tỉnh Sóc Trăng pachreih hu labaih 1000 dam dara Sóc Trăng hu mbaok. Bilan dam dara tỉnh Sóc Trăng thun 2016 hu pataom tame dom bruk ngak yau pato bruk ngak, langyah bruk ngak ka dam dara, jhul pakhang bruk pachreih ba “ Hatai anit ranam palao tasik”… Saai Lý Mảnh Xuân, Phó Bí thư Đoàn khối doanh nghiệp tỉnh Sóc Trăng brei thau

Adit ka sa hu angan nghề nghiệp song bruk ngak, Đoàn khối pambuak bruk song huyện đoàn Thạnh Trị peih bruk ra quân bilan dam dara di xã Thạnh Trị. Tapa nan hu nao rivang brei pandap ka dom boh sang sarak karja, amaik VNAH, brei pok jien bac, radeih juak ka anek saih kan kathaot bac megru naih joi.

#/ Yaok thun, bhum taneran kronmg CL hu labaih 500 tỷ m3 ia, pabak ka taneh riya siam mekre, jang yau lagaih mesam, njom likum, ngak hacih mblang padai song pabak ia pandar ka urang. Thun ni, pandiak bhang, kurang ia rah tabiak di bilan ia ndik ngak ka labik halei dalam bhum kurang ia taba. Ia di krong Mê Kong trun samar song beir abih dalam 90 thun tapa yau nan ye bilan thun 2015- 2016 di bhum taneran krong CL meda kurang ia biak khang.

#/ Quỹ Thiện tâm (di Tập đoàn Vingroup) bahrau dong ka tỉnh Bình Định 1.000 limo anek pajaih hu yaom labaih 17 tỷ đồng piah dong ka dom boh sang kan kathaot dok dalam tỉnh. Tỉnh Bình Định hu taduan bloh song parabha ka dom puk palei pabha ka dom boh sang hu rai duik kan kandah. Dom huyện hu dong  nan lac Tuy Phước, Phù Cát, Hoài Nhơn, Tây Sơn, Hoài Ân, Vĩnh Thạnh, An Lão, Vân Canh, Phù Mỹ, ban sit An Nhơn song ban Quy Nhơn.

#/ Meng ni tal thun 2020, tỉnh Hậu Giang hu buh tabiak labaih 5.219 tỷ đồng piah patagok bruk ngak nong khang kajap, dalam nan, phun jien karja hu labaih 50% dok veik nan lac phun  di DN, song bhap bini menyim di dom kapul nyaom gilang pariak. Gam song nan, tỉnh Hậu Giang jhul pakhang dom “ mblang taneh prong” tui jalan ngak bahrau, chất lượng sản phẩm glong, yaom kaom beir, tagok bruk meriak gauk padai brah di darak pasa dok dalam song langiu negar.

#/ Tỉnh Cà Mau pachreih ba urang peih prong bruk rong hadang càng xanh di angaok taneh pala padai tui jalan ia taba song kham merat peih prong 1.500ha dalam thun 2016, tagok taneh rong hadang càng xanh labaih 7.500 ha. Tỉnh Cà Mau kuhria tal thun 2020 hu peih prong 2.500 ha, tagok taneh rong hadang càng xanh dalam tỉnh hu 10.000 ha. Bhum taneh rong hadang càng xanh lac bhum ia taba, dok di 3 huyện U Minh, Trần Văn Thời song Thới Bình.

Nhạc cắt

Patui di ni dom khau tin dunya:

Thủ tướng Nhật Bản Sin-dô Abê (Shinzo Abe) hu raok Tổng thống Ai Cập Ápđen Fa-ta An-Si-si (Abdel Fattah al-Sisi) dok nao rivang Tô Ky ô, song hu panuac khan lac dom công ty di Nhật Bản hu mbaok tame dự án hu yaom labaih 17,7 tỷ đôla Mỹ di dom negar Bắc Phi ni. Tui khau tin meng Mintri Ngoại giao Nhật Bản, dom dự án dok dalam gah điện năng song dom bruk karei kare. Tui kuhria, dom DN 2 negar ni hu tut angan tame 10 biên bản ghi nhớ ka talei pambuak bruk dalam harei 2/3

          #/ Breik panuac anak quốc hội anh, Akaok mintri quốc phòng Mai cơn pha lần(Michael Fallon) brei thau, negar ni payua labaih 20 sĩ quan quân đội tal Tuy ni di, piah dong ba song pasram megru gah an ninh negar ni dalam bruk tui iek jalan tapen negar song Libi. Quyết định ni di mintri Quốc phòng Anh hu ba tabiak dalam tuk urang nhập cư meng dom negar dok jiak tapen Libi suan adat tame Tuy Ni Di dak harei dak rilo.

#/ Harei kabroi 1/3, Quốc hội Liên bang Myanmar hu mek harei 10/3 lac harei palih ruah tổng thống, salih ka harei 17/3 hu kuhria dahlau di nan. Tui nan 3 nyaom lambaok dalam QH ( dalam nan hu Hạ viện, Thượng viện song nyaom lambaok ka gah bol bala ) hu yaih khan ứng cử viên di drei piah pok ngak Tổng thống Myanmar./.