1/ Thủ tướng Nguyễn Tấn Dũng mai tal HN tamat mbang nao rivang Ấn Độ. Thủ tướng Nguyễn Tấn Dũng song Thủ tướng Ấn Độ Narendra Modi hu ndom veik bruk sinya pambuak taong abih bruk di dua taneh ia, njauk gauk ka dom jalan ngak prong piah patagok talei rohim 2 negar dak harei dak siam lagaih, hu kein laba,  abih di nyu nan lac dom bruk chính trị, KT quốc phòng an ninh, khoa học công nghệ song ilamu pato megru.

2/ Patui mbang nyaom 8, QH mbang 13, harei 29/10, QH ginum biai di hội trường, pang akaok mintri jalan mbak pajeng ba Đinh La Thăng pathau khan ka bruk kuhria padang ngak mblang kapal haok Long Thành saong pang chủ nhiệm UB kinh tế di QH Nguyễn Văn Giàu puac harak pathau khan taong yaom ka bruk  padang ngak mblang kapal haok Long Thành. Patui nan, QH ngak bruk di tổ ginum meyai ka dự án hukum kadung jien karja (pasiam veik) saong dự án hukum kiểm toán karja (pasiam veik).

3/ Melam kabroi, di Pasak Hội nghị Quốc gia Mỹ Đình, Hà Nội hu tamat mbang pakacah tangin gheih ASEAN mbang ka 10. Di mbang pakacah ni, kapul VN dang di sa song mek hu 15 huy chương meh, 6 huy chương pariak, 7 huy chương ban.

4/ Tỉnh Thanh Hóa barau peih nyaom roya dom bangsa takik tỉnh mbang ka 2. Brei panuac di nyaom roya Phó Thủ tướng Nguyễn Xuân Phúc taong yaom glaong dom bruk bo bbhap bini dom bangsa tỉnh Thanh Hóa saong bhap bini dom bangsa takik tỉnh Thanh Hóa ngak hu dalam tukvak tapa, abih di nyu nan lac dom salih bahrau praong gah cơ sở hạ tầng, rai diuk, bruk ngak mbang kinh tế, khik ramik ilamu, yah klak dom adat oh siam, patrun kathaot samar saong khang kajap bhap bini bhum ceik Thanh Hóa.

 5/ UB bhap bini huyện Lý Sơn, tỉnh Quảng Ngãi hu blei mepiah 50 tấn brah piah khik ginup brah mbang ka bhap bini tuk tasik hu riyak praong lavik harei. Meng brah ni, jiak 22 ribau urang di angaok palao tasik oh dok huac kurang brah mbang tuk oh tame tabiak baoh taneh hu dalam bilan hajan ribuk yau dom thun dahlau. Urak ini karja huyện Lý Sơn jeng hu jak ba bhap bini khik piah padai brah, pandap mbang dalam bilan hajan ribuk thun ni.

6/ UB bhap bini dom huyện, ban sit, tỉnh Đắk Nông barau peih bruk alin hadiah 1000 drei limo pajaih ka 1000 baoh sang mikva bangsa takik kan kathaot daok di 7 huyện saong ban sit. Ini lac bruk ngak di danak dak daong 5000 drei limo pajaih ka mikva bangsa takik kan kathaot daok di 5 tỉnh Tây Nguyên nan lac Đắk Lắk, Đắk Nông, Kon Tum, Gia Lai saong Lâm Đồng kayua kadung jien Thiện Tâm di Tập đoàn VinGroup (Hà Nội) daong. Hadei di tuk taduan mek limo pajaih, dom baoh sang hu puk palei, dom gah chức năng daong, tacei ilamu iek glang, pacang cakak ruak piah taphon limo hu khang kajap.

7/ Hadei tukvak jao taneh glai ka bhap bini khik piah song eng drei peih bruk sx, bruk khik ramik glai di tỉnh Cà Mau hu rilo salih bahrau. Glai oh njauk palai pajoa, oh njauk khut, yaom lac glai dok patagok kayua mik va halan hatain peih bruk pala glai. Tui nan, “2 sang” jeng hu kein, karja patrun bruk áp lực glai njauk palai pajoa, khuak glai, urang nong ye hu taneh sx patagok KT boh sang.

8/ Di mbang nyaom di ban tacei jalan Tây Nam Bộ saong UB bhap bini tỉnh Sóc Trăng saong dom đơn vị hu pambuak tal piah brei tapa kịch bản peih mbaok diễn đàn pambuak bruk kinh tế bhum taneran kraong Cửu Long (MDEC) – Sóc Trăng 2014, ong Nguyễn Phong Quang, phaok akaok ban thường trực ban tacei jalan Tây Nam Bộ brei thau: tal urak ini, mban tổ chức hu pachreih dom đơn vị daong đầu tư, rik daong tame kadung jien an sinh xã hội ka bhum taneran kraong Cửu Long hu 385 tỷ đồng, dalam nan hu dự án daong padang ngak sang iek ruak di huyện Duyên Hải, tỉnh Sóc Trăng 50 tỷ đồng.

Patui di ni, lac dom khau tin dunya:

9/  Hội nghị Bộ trưởng Môi trường ASEAN không chính thức mbang ka 15 (IAMME) hu rah tabiak dalam 31/10 anak di Lào. Ni lac hội nghị hu peih ngak yaok mbang song dok dalam kadha pambuak bruk môi trường di dom negar thành viên ASEAN, ASEAN+3 song dom negar đ61i tác. Hội nghị hu ginum biai song tapa rilo kadha prong pagam tal bruk biến đổi khí hậu song môi trường di dunya.

10/ Barau ini, rayo papar sap pakat dunya HQ hu peih danak dak daoh takơ hu angan “baoh sang hong gauk” pahadar sa thun papar sap danak dak “Dahalak ranam HQ”, brei ka dom baoh sang đa văn hóa saong bhap bini urang Việt di HQ. Danak dak “dahlak ranam HQ” di rayo papar sap pakat dunya KBS papar sap tuk 15 tuk meteh harei adit yaok adit, lac danak dak dua - dua sapHàn – Việt akaok meti hu papar sap dalam sa thun tapa./.

11/ Dịch tả dok rah tabiak di Ni-giê, ngak takik di abih 51 urang metai. Liên hợp quốc brei thau, hu labaih 1 ribau 300 urang njauk ruak tả meng akaok thun tal ni. Kuhria taeng bilan 9, hu 38 urang metai kayua ruak tả. Urang njauk ruak song metai kayua ruak tả dok tagok samar kayua hajan dui atah meng bilan 6, ngak ka rilo labik duak ia, jit ruak pabak samar. Jabat điều phối pahla di LHQ hu panuac ieu brei ba tabiak rilo jalan ngak piah pacang cakak jit ruak pambak tapa dom labik bahrau./.