1./Dalam mbang họp báo biar harei kabroi 7/5 di HN, dom gah chức năng di VN jeng ndom lac, bruk TQ ba giàn khoan ia dalam HD 981 dalam bhum tasik di VN nan lac sa bruk ngak suan Hukum dubnya, ngak suan panuac sanya bloh di VN saong TQ. Dalam họp báo, ong Ngô Ngọc Thu, phaok tư lệnh cảnh sát tasik VN brei thau, hu labaih 80 kapal dom janih di TQ humbaok di labik nan, dalam nan hu 7 baoh kapal quân sự, kapal mesruh saong rilo baoh kapal pabak ka bruk padang giàn khoan di TQ. Meng harei 3 tal harei 7/5, dom baoh kapal di TQ gam gam pruh ia khang tapa dom baoh kapal di cảnh sát tasik VN, ngak khut rilo pandap angaok kapal. Dom kapal di TQ daok ginuh tapak tame dom baoh kapal di drei.

Mbiah tal tukvak ini, VN jeng daok tui jalan ngoại giao piah ginum biai ba sron mbon. Min VN jeng meda pandar taong abih jalan ngak piah pachap TQ ba giàn khoan nao veik.

2/ Pahadar 60 thun harei jayah ĐBP, harei kabroi (7/5), di labik padeih padei di Đại tướng Võ Nguyên Giáp daok di xã Quảng Đông, huyện Quảng Trạch, tỉnh Quảng Bình, yaok rituh kapul urang dahlau daih ngak bol lin mai meng grap labik dalam taneh ia mai am cuh gilau hadar Đại tướng.

Ralo kapul urang jakar di tỉnh Quảng Bình hu mai am cuh gilau saong mặc niệm tapen kabo Đại tướng brei thau hatai dhar phol tal anek menuac trung hiếu di palei pala.    

3/ Cục khik ramik bruk iek ruak (mintri y tế) bahrau hu harak công văn ka 401 payua ka dom giám đốc dom sang iek ruak, Viện di mintri, Giám đốc Sở Y tế dom tỉnh, ban, di TƯ song urang dang akaok gah Y tế dom ngành ka bruk patagok dom jalan tui iek pambak ruak sởi dalam sang iek ruak. Tui nan, dalam bruk taduan urang mai iek ruak brei sangka parabha labik iek ruak karei ka urang ruak sởi song medhli ruak sởi di Khoa iek ruak. Dom đơn vị hu labik karei taduan urang ruak sởi song medhil ruak sởi di Khoa Truyền Nhiễm song brei paatah di dom khoa lâm sàng karei, dahlau di tuk hu chẩn đoán xác định sởi, padang lưu đồ taduan, parabha urang ruak sởi, medhil ruak sởi di labik iek ruak song hu taduan chip, iek ruak peih bruk pathau khan duah tabiak ruak song tacei ka urang ruak thau bruk khik iek sởi hanjaul di sang song dom cơ sở y tế quận, huyện, balik iek ruak song hu ba tal sang iek ruak dom urang ruak trak. 

4/ Tổng cục thủy lợi, mintri ngak nông saong patagok palei pala barau njauk gauk haong tập đoàn điện lực VN ka lịch điều tiết ia tapa phát điện dom danao thủy điện lưu vực kraong Ba – Bàn Thạch brei ka bruk sinh hoạt saong pala drak bilan hè thu thun 2014. Tui nan, dom danao  ia thủy điện kraong Ba Hạ saong kraong Hinh hu peih dua mbang. Mbang 1 meng harei 15 bilan 5 tal harei 6 bilan 6. Tổng cục thủy lợi caong khin UB bhap bini tỉnh Phú Yên tacei pato dom đơn vị pambuak bruk kuah rok dom pabah mek ia, hệ thống kraong ribaong, kuhria ginup dom điều kiện piah mek ia tuk hu halau ia pabak meng dom danao thủy điện; patagok bruk pathau khan, paglaong akaok sahneng di bhap bini dalam bruk pandar patak pataom ia.

5/ UB bhap bini tỉnh Bình Thuận brei tapa đề án “Pakhang pakajap jalan krong ribong puk palei dom xã padang ngak palei pala bahrau tukvak 2015-2020”. Đề án piah pandar hu kein lagaih song patak patom hu ia pabak ka bruk ngak nong, tagok taneh ngak nong dalam tỉnh hu pruh tagok 70% năng lực thiết kế dalam thun 2015 song 80% dalam thun 2020. Tapa nan, dong tagok glong hệ số jalan krong ribong, trun jien khik ramik, pasiam veik, tagok jalan mbak puk palei, pasiam alam môi trường, dong peih ngak ngak salah bloh bruk padang ngak palei pala bahrau tỉnh BT tukvak 2010-2020. Phun jien piah peih ngak đề án labaih 89tỷ đồng.

6/ Kapul ngak công kayua ong Trịnh Đình Dũng, akaok mintri padang ngak pan akaok hu nao pasang iek bruk padang ngak saong khik iek sang daok urang ngak di ban raya HCM. Urak ini, hu meng 80 tal 90% urang ngak di ban raya HCM daok pah sang kayua bhap bini tự xây. Hadei di tuk nao pasang iek di dom labik sang trọ ka urang ngak, akaok mintri padang ngak Trịnh Đình Dũng brei thau: karja hu công nhận, daong phun jien saong quy hoạch piah pachreih bhap bini gam hu mbaok padang ngak sang daok ka urang ngak. Meng nan, dak harei dak paglaong rai diuk ka urang ngak, rik daong patagok kinh tế di puk palei. 

          7/ Hadei di rilo thun khat lihik, urang nong Bến Tre jak gauk salih taneh tabau tapa pala dom janih phun karei, ngak ka taneh tabau nguyên liệu di labik ni trun labaih meteh dut song atah di ni 2 thun. Tui Công ty cổ phần tabau saradang Bến tre, vụ tabau meng bloh taneh tabau dalam tỉnh dok 2.100 ha trun jiak sa ribau ha dut song vụ tabau thun dahlau. Song taneh ni meda pabak hu 40% nguyên liệu ka sang mac di palei pala. Tui kuhria vụ tabau tal taneh tabau di dalam tỉnh meda patrun. Makna lac urak ni hu labaih 1 ribau ha tabau hu urang nong pala pablah dalam bein liu song tuk liu paik bloh ye taneh ni oh pala phun hagait.

  Patui di ini dom khau tin dunya:

8/ Nhật Bản saong gah Hiệp ước Bắc Đại Tây Dương (ieu lac NATO) barau njauk gauk pambuak bruk khang kajap jang gac dalam ralo gah, dalam nan hu an ninh hàng hải. Thủ tướng NB Sin-dô A-bê saong Tổng thư ký NATO An-đơ Phóoc Rát-mút-xen harei 6/5, hu mbang ginum meyai di Brúc-xen (Brussels, Bỉ). Bỉ nan lac labik padeih takai luac di abih dalam mbang công du 6 taneh ia châu Âu di ong A-bê. Di mbang ginum meyai, thủ tướng NB Sin-dô A-bê ndom lac, Nhật Bản nan lac gah pambuak bruk di NATO, đóng vai trò praong dalam pambuak bruk saong đồng minh ini meng quan điểm ka “sarak rik daong kham merat ka bruk sron mbon”.  

       9/ Ấn độ hu padang quy tắc hàng không dân sự bahrau ka dom hãng kapan haoh dalam negar, piah khik caga tui iek tukvak pajeng ba di dom sruh kapan haoh. Bruk ngak ni di Ấn Độ hu peih ngak hadei di tuk kapan haoh MH370 di hãng kapal haoh Malaixia lihik  harei 8/3 urak ni oh ka duah mboh. Oh lac hu Ấn Độ, hadei di kapan haoh MH370 lihik, Châu Âu jeng tagok dom jalan ngak siam ka jalan kapan haoh . Gah An toàn hàng không dân sự châu Âu hu panuac caong ba tabiak hadei di mbang lahik pakan haoh di Hãng hàng không Pháp angaok bhum tasik Đại Tây Dương thun 2009, min oh ka tuk halei hu peih ngak./.

10/ Tạp chí Thông tin tự nhiên (Nature Communications) di TQ barau khan brei thau bruk ruah duah, sa janih prôtêin dalam drah di urang hu pambuak saong bruk metai kayua virút cúm H7N9 rah tabiak. Ini lac công trình ruah duah di dom chuyên gia Đại học Triết Giang, Học viện Y học Trung Quốc saong pasak pasang iek saong pacang cakak jit ruak TQ. Rauh dauh ini brei mboh lac, mức độ huyết tương Angiôtenxin 2 galong jang di dom urang njom H7N9. Urang ruak njom H7N9 ngan saong lượng Angiôtenxin 2 glaong jang jeng hu ralo virút jang. Brei mboh ini hu pandar piah kuhria mức độ suy yếu ka thể chất di urang ruak, meng nan daong ka dom y bác sỹ hu jalan iek ruak lagaih./.