#/ Harei 3/5, Tổng Bí thư Nguyễn Phú Trọng hu nao rivang song ngak bruk di tỉnh Phú Yên. Tổng Bí thư Nguyễn Phú Trọng mboh lac jalan patagok dok biak prong. Xã song huyện njauk patagok palei pala bahrau khang kadang jang, gam pasang iek bruk patagok, salih jalan ngak mbang siam lagaih. Saong brei patagok glai, urak ni bahrau hu labaih 23% ka bruk patagok khang kajap, khik glai, khik ia. Tổng Bí thư pok meyaom urang jakar, urang đảng dalam xã kham merat hu mbaok dalam bruk patruh eik patrun kathaot, ba boh sang kan patrun dok 4%, khik ramik an ninh trật tự.

#/ jeng dalam harei 3/5, ủy viên mintri chính trị, phaok thủ thủ tướng rajaei Trương Hòa Bình hu nao rivang mikva  urang CHăm daok di phường 1, quận 8, ban raya HCM. Phaok thủ tướng caong khin, gam saong bruk paglaong akaok saneng, ba drei tame rai diuk chính trị, dalam tukvak tal, mikva njauk kham merat hu mbaok tame ralo jang dom bruk, dom gah. Daok gah karja palei, dom kapul nyaom di puk palei, brei duah ralo jalan ngak piah  daong ka mikva tani tanat rai diuk, hu bruk ngak mbang, hu mbaok tame dom bruk XH.

#/ UB bhap bini ban sit Đồng Hới pambuak bruk song Sở Công thương, Sở ngak nong song patagok palei pala tỉnh Quảng Bình bahrau peih dom labik pablei kaya ikan di ban sit Đồng Hới. 4 labik pablei kaya ikan di darak Đồng Hới song darak Công Đoàn, ban sit  Đồng Hới. Dom janih kaya ikan pablei di labik ni hu blei tapak meng dom kapan tong ikan song hu gaht chức năng dut iek brei harak chứng nhận hacih saat pandap mbang

 #/ Biar harei kabroi 3/5, sa mbang hajan praong tuh trun ban sit Buôn Ma Thuột, tỉnh Đắc Lắc saong labik jaik taphia. Ini lac mbang hajan praong akaok meti hadei di ralo bilan pandiak bhang di labik ini, brei mboh bruk pandiak bhang oh daok dui atah. Tui Rayo khí tượng thủy văn tỉnh Đắc Lắc, jaik dua adit ini mai, ban sit Buôn Ma Thuột hu hajan min hajan biar harei ini lac praong abih, daong ngak brei ban sit la-ar jang. Ong Nguyễn Đại Ngưỡng, Giám đốc rayo khí tượng thủy văn Đắk Lắk brei thau: “barau ini jeng hu hajan min oh praong, dom ly min tok ngak brei la-ar. Min mbang hajan ini, tui taong yaom di kol dahlak nan lac jaik 48 ly lac biak quý, biak siam ka bruk sinh hoạt saong phun pala dalam pandiak bhang ini”.

          #/ Di dom quận Ninh Kiều, Cái Răng và huyện Phong Điền, harei kabroi hu hajan khang daong ngak ka langik liar veik. Ni lac mbang hajan prong ka 2 dalam 3 harei tapa di ban Cần Thơ, hadei di di dom harei lingik pandiak meng 36-37 độ C. Min dom gah chức năng hu panuac kakei lac, bruk hu dom mbang hajan jung bilan dalam tuk langik pandiak bhang. Yau nan ye urang nong caik hatai sangka tuk trun pajaih padai hè thu di dom labik oh ka ginup ia taba pruh ka phun padai.

#/ Dalam 4 harei padeih lễ, tỉnh Bình Thuận taduan labaih 100.000 mbang tuai mai me-in, padeih padei. Dalam nan, ralo meng lac di Mũi Né – Phan Thiết. Tuai mai ralo, radaih  ralo ngak ka bruk nao mai suai damuai jang. Piah khik kajap an toàn jalan mbak di pasak Phan Thiết saong di dom labik du lịch, công an ban Phan Thiết hu mbaok grap dom labik hu ralo tuai damuai. Kayua yau nan ye, bruk an toàn jalan mbak hu khik kajap.

Nhạc cắt

Patui di ni dom khau tin dunya:

# Harei 3/5, di Trụ sở Ban Chỉ huy Quân sự ban ine Viêng chăn (Vientiane)- Lào, hu rah tabiak bruk jao talang urang lin halan hatain song chuyên gia VN ndih trun ka CM Lào di ban ine Viêng-chăn. Lambaok Ban Chỉ huy Quân sự ban ine Viêng-chăn hu jao 3 bộ talang urang lin halan hatain song chuyên gia VN ndih trun ka CM Lào di ban ine Viêng-chăn ka mban ngak bruk đặc biệt tỉnh Hà Tĩnh. Ni lac 3 bộ talang hu duah mboh, patom mek meng bilan 3 tal bilan 5 thun ni.

#/ Takik di abih 50 lán trại khuah abih, labaih 2 ribau urang oh hu labik daok dalam mbang khuah khang barau rah tabiak di sa trại tị nạn brei ka urang Islam Rô-hin-ga di gah pai Mi-an-ma. Kapul daong padam khuah samar hu mbaok padam khuah saong daong dom urang njauk rambuah di trại tị nạn ini. Urak ini jeng oh ka thau makna ba tal khuah biak khang ini.

#/ Rajaei Philippin brei thau, tong abih dom jabat di negar ni daok caga ka bruk palih ruah tổng thống tui kuhria hu rah tabiak di harei 9/5 anak tal.Tui  Thư ký Văn phòng truyền thông di Tổng thống Philippin, ong ông  Hơ-mi-ni-ô Cô-lô-ma (Herminio Coloma), dom gah chức năng dok ngak dom jalan ngak piah khik caga siam mekre, salamat ka mbang palih ruah jiak si rah tabiak./.