# Harei ini (6/4), tui danak dak mbang nyaom, Akaok negar hu pok tagok Quốc hội miễn nhiệm Thủ tướng Raja-ei. Patui nan Quốc hội ginum biai ka bruk miễn nhiệm Thủ tướng Raja-ei. Quốc hội jeng biểu quyết brei tapa dự án Hukum taom gaok thông tin, Dự án hukum jru (pasiam veik) saong dự án hukum pasiam veik pabak dom paka di Hukum thuế giá trị gia tăng Hukum jien je tiêu thụ đặc biệt, Hukum khik iek jien je saong dự án Hukum jien je pablei tabiak negar langiu, blei tame (pasiam veik).

#/ Bilai y tế xã, phường, thị trấn di ban Quảng Ngãi, tỉnh Quảng Ngãi pambuak bruk song dom sang bac peih bruk klauk vắcxin Sởi – Rubella ka uranaih umo meng 16 tal 17 thun. Rilo sang bac hu caik rilo bilik bac piah palagaih  ka bruk klauk jru, jak ba anek saih nao bac ginup piah klauk  vắcxin Sởi- Rubella. Ong Võ Văn Phú, Phó Giám đốc Pasak  Y tế dự phòng tỉnh Quảng Ngãi brei thau:

          Di dom labik klauk jru brei takik abih 2 balik. Sa balik klauk brei laneing lanoi,  sa labik tui iek dalam 30 minite. Piah hu siam mekre dalam bruk klauk jru, kadha praong di abih lac khám sàng lọc.

# Bahrau ini, Sang iek ruak pulao Trường Sa, huyện đảo Trường Sa (tỉnh Khánh Hòa) hu taduan mek, cấp cứu urang ruak Lê Quang Vũ, umo 58 thun, palei daok pak Bình Thuận, Bình Sơn, Quảng Ngãi dalam tình trạng kan suak yava. Sa-ai Vũ nan lac urang nao taong ikan angaok sruh gilai QNg 95418 TS,  dalam rup hu ruak hen phế quản saong phổi tắc nghẽn mãn tính. Dahlau di nan 3 harei, urang ruak ini njauk laik trun tasik, tuk sraong tagok ye njauk tức cada, kan suak yava. Dom y, bác sĩ di Sang iek ruak pulao Trường Sa hu khám, chụp XQ saong chẩn đoán sa-ai Lê Quang Vũ njuak hen phế quản bội nhiễm. Hadei di tuk điều trị meng khí dung, kháng sinh, urak ini, urang ruak pasiam veik pren yava, hu daok veik pasang iek pren yava angaok pulao.

          #/ Peih ngak sarak 67 di rajaei ka dom sarak patagok kaya ikan, urang tong ikan hu mesraiy phun jien patagok kapan tong ikan di kreh tasik atah, UB bhap bini tỉnh Bà Rịa-Vũng Tàu hu mbaoh tangin tame harak angan 86 kapul nyaom, menuac urang ginup điều kiện ngak bahrau, pasiam song mesraiy phun jien lưu động piah ngak bahrau kapan saong yaom jien abih tih 924 tỷ đồng. Tal tuk vak ni, dalam tỉnh hu 3 kapan pasei hu ngak bloh saong yaom jien jiak 100 tỷ đồng saong daok hu ba nao taong ikan. Ong Huỳnh Văn Liễu, urang tong ikan di ban sit Phước Hải, huyện Đất Đỏ, tỉnh Bà Rịa-Vũng Tàu lac:

          Dahlau deih bruk tong ikan atah, mik va gaok rilo kan kandah, oh hu ginup jien piah ngak kapan prong,  hu karja  dong bs, brei mesraiy jien di gilang pariak yau nan ye patrun patakik kan kandah.

          # Urak ini bilan thu tame tukvak tabung glaong nan ye mblang taneh dom janih phun pala njauk thu lagu, kurang aia pruh dak harei dak ralo. Kuhria tal ini, Đắk Lắk hu labaih 40 ribau ha phun pala njauk thu lagu, kurang aia pruh ngak patrun năng suất meng 30 tal 70%, atau lahik abih, khat lahik tui kuhria labaih 1 nghìn tỷ đồng. Langiu di bruk pathau khan, jak ba bhap bani dom bangsa chủ động ứng phó haong biến đổi khí hậu, patagok bruk kuac kuah dom baoh kraong, danao kavei, tỉnh jeng daong ka dom puk palei labaih 26 tỷ đồng piah cao bingun, padang ngak dom công trình ba aia pataom piah mek aia brei ka bruk ngak mbang ngak huak, pacang caga tua riya pandiak bhang.

  #/ Urak ni, karja song bhap bini dom xã tapen krong Tiền di dom huyện Châu Thành, Cai Lậy song Cái Bè di  tỉnh Tiền Giang dok samar ngak pasiam veik ar pacang piah khik ia taba, cakak njom mbak song pacang pandiak bhang dong ka labaih 15.000 ha bein phun durieng dok kurang ia. Tuk ia di krong Tiền trun mbak ye karja song bhap bini peih bruk jhuk ia  ia tame bein.

# Tui Mentri Công Thương  saong  Mentri Tài chính, yaom pablei dom janih xăng menyek meng 17h biar harei kabroi 5/4, hu ramik veik yau ini: xăng RON 92 tagok 518 đồng/lít; xăng E5 tagok 551 đồng/lít; menyek diesel, menyek khuah saong menyek mazut khik tamo oh tagok yaom. Yau nan, yaom pablei tabiak dom janih xăng meyek bhian pandar angaok darak pasa urak ini nan lac: xăng RON 92: oh glaong jang 14.940 đồng/lít; xăng E5: oh tapa 14.442 đồng/lít; menyek diesel 0.05S: oh tapa 9.873 đồng/lít; menyek khuah: oh glaong tapa 8.905 đồng/lít; menyek mazut 180CST 3.5S: oh tapa 7.225 đồng/kg.

Nhạc cắt

Patui di ni dom khau tion dunya:

# Harak Thời báo phố Uôn”  song roya papar binguk CNN di Mỹ brei thau hãng công nghệ praong di Mỹ lac Apple dalam tuk vak meng bilan 6/2007 tal puac bilan 2015 pablei tabiak darak pasa  abih tih 900 triệu boh điện thoại iPhone song tui kuhria jien mek tame meng pablei iPhone di  hãng meda tal tanut 1 tỷ boh dalam thun ni. Domk blah mạng công nghệ tong yaom iPhone lac sa dalam dom điện thoại pablei laik di abih.

             # Gah cứu hộ Pa-ki-xtan hu panduan ba saong daong ka yaok ribau urang njauk hajan prong ngak jeng ribuk aia sua saong glut jaleih taneh trak pak ralo labik. Urang jakar Pa-ki-xtan dahlau di nan brei thau ribuk aia sua nyu ngak takik abih 65 urang negar ini metai. Tui Jabat Khí tượng Pa-ki-xtan, hajan prong rah tabiak pak Pa-ki-xtan saong daok nao gah Đông Bắc tal gah Barak Ấn Độ.

            #/ Dom urang ilamu Ô Tray lia dok peih ngak iek sa thiết bị par oh hu urang peih điều khiển meng atah, di dom mblang tasik hu angan je di bang Niu Sao Uên (New South Wales) di negar ni, piah dong ka gah chức năng dalam bruk dong ba song khik caga siam mekre ka urang tal labik ni main sambai, menei ia tasik. Thiết bị par ni hu angan  Lít-tồ Ríp-pờ (Little Ripper), trak labaih 25kg, hu thaik thaot yua sa boh kapan trực thăng./.