1/ Harei ni, 7/5/14, njauk di harei taneh ia drei chreih chrai pahadar 60 thun ja yah sajarah ĐBP ( 7/5/1954- 7/5/2014). Daa mik va song tong abih gauk pang dom khau tin ka dom bruk ngak salam uan pahadar sajarah prong prang ni.  

Harei ni 7/5 danak dak mitinh, diễu binh, diễu hành pahadar 60 thun ja yah ĐBP (7.5.1954 - 7.5.2014) hu peih ngak dalam prong prang di ban sit Điện Biên Phủ, hu mbaok Tổng bí thư Nguyễn Phú Trọng, akaok negar Trương Tấn Sang, Tổng bí thư dahlau deih ong Lê Khả Phiêu, ong Nông Đức Mạnh; akaok negar dahlau deih ong Trần Đức Lương, Thường trực Ban Bí thư Trung ương Lê Hồng Anh, Akaok UBTUMT negar VN Nguyễn Thiện Nhân song rilo urang dang akaok, urang dahlau deih pan akaok dom mintri, dom gah, dom puk palei, dom lão thành cách mạng, anh hùng tapon nyaom bol pan phao kraong, Anh hùng Lao động, dom amaik VNAH, dom tướng lĩnh quân đội song công an, dom urang pan akaok song lambaok vakil bhap bini tinh ĐB, dom urang dahlau deih ngak bol lin, dam dara halan hatain hu mbaok dalam chiến dịch Điện Biên Phủ, hu mbaok dalam mbang mesruh metak pacang khol Prang. Abih di nyu nan lac daok hu kapul 60 urang lambaok vakil ka dom urang ngak bol lin Điện Biên dahlau deih

2/ Pahadar 60 thun jayah ĐBP (7/5/1954-7/5/2014), rayo sap ndom Việt Nam peih ngak danak dak papar sap đặc biệt meng 5 tuk tal 14 tuk harei ini 7/5 hu 5 phần ngan saong kadha “Huyền thoại bilan mban rak”, “Dom quyết định sajarah dak rai”; “papar sap tapak mbang mít tinh pakat karja pahadar 60 thun jayah ĐB”; “Jayah ĐBP – pren khang samar HCM” saong “dom ilamu bac megru hu meng jayah ĐBP saong khát vọng ka dom ĐBP dalam samar barau”. Tapa dom kadha vak, dom kadha daoh pablak tame, dom dalikan đời thường druc drui saong hu tính huyền thoại atah di ini 60 thun gam saong dom langyah di dom tuai damuai daa mai, danak dak hu ngak brei diuk veik ký ức hào hùng, dom kadha praong oh var hu dalam chiến dịch ĐBP, piah urang pang rayo thau cambaih laih jang ka “cột mốc sajarah dak rai meng ameh” ini di bangsa, brei mboh bruk jum pataom bangs, pren khang di bol bala bhap bini VN, bruk daong ba di ayut sahabat dunya saong bruk tacei ba hadah krah di Đảng, di chủ tịch HCM saong Đại tướng Võ Nguyên Giáp.  

3/ Pahadar 60 thun harei peih paha ĐBP (7/5/1954-7/5/2014) saong piah thau dar phol dom rairah hu ngak jeng ja yah sajarah hadah hadai ini, di cung ilamu hữu nghị Việt Xô, Thành ủy, Hội đồng bhap bini, Ủy ban bhap bini, Mặt trận negar ban ine Hà Nội, hu peih danak dak taom gaok ndom nyai nao mai haong dom nhân chứng lịch sử thun 2014. Di mbang taom gaok, dom urang nan, lac dom urang lin dalam chiến dịch ĐBP dahlau deih, dom urang hu rik dong tapak pren yava di drei ngak jeng sa ja yah dane angan di angaok dunya, tatuan megei baoh taneh, hu chreih chrai khan veik dom kadha oh meda var hu.

Jeng dalam mbang taom gaok ndom nyai nao mai, urang pan akaok ban ine HN hu alin pandap ka dom amaik Việt Nam anh hùng, dom anh hùng tapon nyaom phol pan phao krong, dom urang dahlau deih ngak bol lin, song boh sang dalam sarak karja hadah krah dok di ban ine.

  4/ Sang bac ĐH Quảng Bình hu peih nyaom ginum meyai “Đại tướng Võ Nguyên Giáp saong jayah sajarah dak rai Điện Biên Phủ” hu mbaok di jaik 50 Giáo sư, Tiến sĩ, urang ilamu, giảng viên dom sang bac đại học dalam taneh ia. Di nyaom ginum meyai, dom urang ruah duah, urang quân sự pataom tame ginum meyai dom bruk ka đạo đức, nhân cách, tài năng saong dom rik daong biak praong di Đại tướng Võ Nguyên Giáp brei ka bangsa. Nyaom ginum meyai hu ngak brei mboh cambaih jang dom rik daong praong di Đại tướng Võ Nguyên Giáp ngan saong bangsa dalam dom gah quân sự, ngoại giao, chính trị, sajarah dak rai, ilamu, đạo đức, văn học. 

5/ Sở ilamu thể thao song Du lịch tỉnh Bình Dương pambuak bruk song Sở pato megru, Tỉnh đoàn song Báo Bình Dương peih bruk pataom iek veik saong jao giải bruk pakacah cih vak duah thau 60 thun ja yah ĐBP (7/5/1954 – 7/5/2014). Bruk pakacah hu peih tabiak song taduan hu 22.890 kadha payua tame pakacah.. Dalam nan hu rilo kadha hu ngak biak công phu, roh duah rilo harak tư liệu, thaot binguk siam, brei mboh bruk caik hatai sangka roh duah sajarah bangsa. Mban peih bruk hu jao 1 giải nhất, 3 giải dua, 6 giải klau, 60 giải khuyến khích song 6 giải kapul nyaom. Giải nhất kapul nyaom laik tame tangin Tỉnh đoàn Bình Dương, Giải nhất cá nhân hu ka amuk Nguyễn Thị Tuyết Mai, dok ngak bruk di jabat pato megru ban sit Thuận An. Bruk pakacah nan lac mbang sinh hoạt chính trị piah pathau khan dalam bhap bini tỉnh Bình Dương ka sajarah meng kan hadah krah di bangsa dalam mbang mesruh metak pacang khol Prang bo tabung glong nan lac ja yah ĐBP.

6/ Harei kabroi, Thành Đoàn ban raya Hồ Chí Minh hu peih danak dak nghệ thuật hu angan “Âm vang Điện Biên – Hào khí tuổi trẻ”. Danak dak hu mbaok di biak ralo urang dahlau daih ngak bol lin, urang dahlau daih ngak thanh niên xung phong bhian hu mbaok tame chiến dịch ĐBP, gauk gar dom anh hùng liệt sĩ saong ralo urang đoàn dam dara ban raya. Danak dak nghệ thuật “Âm vang Điện Biên – hào khí tuổi trẻ” nan lac sa dalam dom kadha praong di bruk salam uan 60 thun jayah ĐBP di urang đoàn dam dara ban raya. Danak dak hu rik daong pabak hatai ranam taneh ia saong bruk tự tôn bangsa di rai rah dam dara, ba hatai jia nan jeng bruk ngak cambaih laih, siam lagaih mboh di anak meta.   

Patui di ini dom khau tin dunya:

7/ Thủ tướng Trung Quốc Lí Khắc Cường hu panuac đề xuất TQ song Châu Phi brei tagok tong abih dom bruk gah jien ndua, pablei salih, patrun kan kathaot, khik caga sinh thái, taom gaok ndom nyai song bhap bini, jhul pakhang hòa bình song an ninh. Dalam harak ndom puac di Trụ sở Liên minh châu Phi daok di Ađi Abêba (Êtiopia), ong Lí Khắc Cường hu ba tabiak sarak Châu phi di TQ song hu khan veik panuac sinya brei pambauk  pakhang jang talei pambuak bruk tong abih gah di TQ saong Châu phi. Dom thun tapa, kim ngạch pablei salih di 2 gah tagok samar song tui kuhria meda tagok hu 400 tỷ đôla di thun 2020, rilo jang jiak 2 mbang dut song thun dahlau.

8/ Cộng hòa dân chủ bhap bini Triều Tiên  brei pacadu dom thủ tục hải quan ngan saong tuai damuai du lịch TQ. Cambaih laih nan lac, tuai damuai TQ mai meng dom tỉnh jaik taphia negar TT yau tỉnh Cát Lâm  saong Liêu Ninh hu adat  nao du lịch tapa negar” tal TT saong hu daok veik dalam 24 tuk. Jeng dalam tukvak ini, TQ brei peih veik jalan radaih apui meng ban Đồ Môn di tỉnh Cát Lâm tal ban pabah lamnge Chông-chin di ia-san Triều Tiên hadei di sa thun pasiam veik.

9/ Juak radeih labaih 2000km piah brei mboh hatai anit ranam ka harak tapuk song pachreih hatai takre harak tapuk, oh lac brei hu pren yava khang, bo dok brei hu hatai takre ka "kho tàng tri thức" di menuac sia dunya. Urang ngak jeng bruk ni,  lac biên tập viên sách Mi-sen Ma-di-a-ni di nhà xuất bản Ediciclo song Tony Tô-ni Guyn-lơ, urang vak rilo tapuk du lịch dane angan di dunya Lonely Planet. Dalam luac jalan nao, 2 urang nan hu taom gaok 20 nhà xuất bản song hu nao tal 80 gilang tapuk, sang patabiak tapuk,  dom nhà văn, urang puac tapuk, urang vak báo, dom urang ngak ilamu  piah peih tabiak bruk pachreih menuac urang puac harak tapuk song pachreih ba urang nao radaih juak./.