# Ong Đinh La Thăng, Ủy viên Bộ Chính trị, Bí thư Thành ủy Bal raya Hồ Chí Minh bahrau hu mbang ngak bruk haong Liên đoàn Lao động Bal raya Hồ Chí Minh. Tui pathau khan di Liên đoàn Lao động Bal raya Hồ Chí Minh, meng thun 2013 tal ini, bal raya hu 265 mbang meriak gauk dalam bruk ngak ngan haong 90.535 urang ngak hu mbaok tame, makna dom mbang meriak gauk nan mboh ralo pambuak pagam tal jien bilan, tăng ka meblah tal 55% dom bruk. Ralo tổ chức công đoàn oh ka peih bruk ndom biai nao mai di doanh nghiệp haong urang ngak piah patrun bruk meriak gauk ka quyền saong lợi ích, ba tal dom mbang padeih ngak đình công…  Bí thư Thành ủy Bal raya Hồ Chí Minh Đinh La Thăng lac: Dom bruk công đoàn ba tabiak tok lac cambuai ndom meyah kol drei oh ba tabiak ngak. Tuk halei jeng lambaok quyền saong kein laba njauk adat hukum ka urang ngak saong doanh nghiệp nan lac lambaok hagait? Sa-ai njauk lambaok tuk bo gam haong doanh nghiệp ngak ka doanh nghiệp siam jang saong dak ngak dak mek hu ralo siam mekre”.

#/ Cục Thú y brei thau, urak ni dalam negar hu 15 sruh jit laka cambuai tapok kakau rah tabiak di 8 huyện dalam 4 tỉnh lac Bắc Kạn, Hà Tĩnh, Quảng Trị song Đắk Lắk oh ka tapa 21 harei. Dom palei dalam labik mbuan si tamuh jit ruak, abih di nyu nan lac dom tỉnh hu dự án pabak anek pajaih athur rong, patruh eik patrun kathaot, brei pasang iek duah mboh samar sruh jit, peih bruk klauk jru vắc xin laka cambuai tapok kakau, tui iek catang bruk pajeng ba athur, sik ngak rilow  athur piah patrun bruk njom mbak jit ruak.

# Dalam dom harei tapa pak xã Tân Tiến, ban sit La Gi  saong xã Tân Lập, huyện Hàm Thuận Nam hu dua mbang khuah glai di bhap bani pak palei Hiệp Tiến, xã Tân Tiến ngak khat lahik jaik 5 ha glai di dom baoh sang pak ini. Makna ba tal khuah nan kayua  urang nao jalan njuk pakao atau pandar apui bất cẩn. Taong abih dua mbang khuah ngak khat lahik taong abih glai.

#/ Hadei di mbang khuak glai di ceik  Chứa Chan, huyện Xuân Lộc ngak ka yaok pluh ha glai khuah, tỉnh Đồng Nai hu patagok bruk pacang caga khuak glai. Urak ni labik mbuan si khuak glong lac glai di dom uyện Xuân Lộc, Tân Phú, Định Quán, bein negar Cát Tiên. Thun ni, tỉnh ĐN hu buh tabiak labaih 20 tỷ đồng blei pandap panda ka bruk pacang caga khuak glai bilan thu, ngak labaih 5 ribau 600 km jalan pacang apui Ông  Lê Việt Dũng, Phó akaok Chi cục Kiểm lâm tỉnh Đồng Nai lac:

Chi cục Kiểm lâm hu pataom abih tame bruk pacang caga khuak glai. Bruk khik iek, saong lực lượng hu mbaok luac harei melam, dalam tuk vak tui iek ye lực lượng ni hu ba tui pandap pacang pui khuak, meyah mboh labik halei khuak  ye samar pandam, oh caik ka pui khuah tabiak

# Sở Y tế Cao Bằng tacei pandar dom Pasak Y tế huyện, bal patagok dom bruk pacang caga jit ruak kayua vi rút Zika dalam bhap bani piah patrun bruk cakrok patagok di jamaok. Pasak Y tế huyện, bal meda pasang iek catang jit ruak piah samar duah mboh dom urang nghi ngờ njauk ruak kayua vi rút Zika pak dom jabat y tế saong dalam bhap bani; kuhria caga jru, hóa chất, pandap phòng hộ, manuac urang caga pacang jit ruak. 

# Tui pasak y tế Dự phòng ban raya Hồ Chí Minh di mbang giao ban rah tabiak mesup harei 2/3, bruk  menyum pabak vắc xin OPV ka uranaih umo ala 5 thun di ban raya HCM hu peih tabiak meng harei 9/3 tal harei 20/3. Bruk nan hu peih ngak di 7 quận huyện mbuan si hu ruak bại liệt glong  yau quận 12, Gò Vấp, Thủ Đức,  Tân Phú  Bình Tân song 2 huyện Hóc Môn,  Bình Chánh. Mbang ka 2 di bruk ngak ini meng harei 10 tal harei 24/4. Tui kuhria hu labaih 199.500 uranaih di ban raya hu menyum vắc xin pacang bại liệt OPV dalam mbang ni.

   # Urak ini, pak tỉnh Tiền Giang aia mbak dak harei dak njaom tame dalam gah akaok halau. Pak kraong Tiền dalam bal Mỹ Tho aia mbak hu labaih 1 binah ribau. Tui kuhria dahlau dalam tukvak anak tal, độ mbak daok tagok glaong jaik 3 binah ribau meda pambak 1.200 bè ikan angaok kraong Tiền. Anak bruk yau ini, gah chuyên môn tỉnh Tiền Giang hu panuac tacei, daong ka urang raong ikan patrun hu khat lahik tuk raong ikan bè angaok kraong Tiền. Ong Phan Hữu Hội, phó akaok Chi Cục  Thủy sản tỉnh Tiền Giang lac: Chi Cục thủy sản hu kakei mikva raong ikan dalam tukvak ini padeih bruk palao pajaih. Ka dua nan lac tui iek bruk quan trắc môi trường, tui iek độ mbak. Meyah độ mbak tapa 3 binah ribau meda ngak kan kandah pren yava di ikan.

          Patui di ni dom khau tin dunya:  

          #/ Palao Hốc-cai-đô (Hokkaido) di gah barak negar Nhật Bản dok hu bão tuyết trak abih kuhria dalam rilo thun tapa. Gah Khí tượng Nhật Bản brei thau, bão nan khang tal 144 kilômét sa tuk, tui nan, tal harei 2/3 bão nan nyu ngak jeng sa tal tuyết kapan labaih 40 xentimét tagok palao Hốc-cai-đô. Kayua bão tuyết nan ye labaih 120 mbang par di labik palao Hốc-cai-đô njuak padeih par.

           # Tạp chí Pho-bét (Forbes) di Mỹ bahrau brei thau dom angan yaok thun dom urang meda abih dunya. Tui nan, urang padang hãng Microsoft, ong Bin Ghết (Bill Gates) daok dang akaok dom urang meda abih dunya. Ini lac mbang ka 17, tỷ phú Bin Ghết khik hu labik dang akaok dom urang meda abih dunya dalam 22 thun tapa, yaom lac drap ar di ong urak ini trun daok 75 tỷ đô la dut haong labaih 79 tỷ đô la di thun dahlau.

          #/ # Đặc phái viên Liên hợp quốc ka bruk Xyri ong Xtê-phan đờ Mi-xtu-ra (Staffan de Mistura) brei thau, Liên hợp quốc brei kadun harei peih bruk ginum biai siam mekre ka Xyri tal harei 9/3 anak tal. Bruk kadung harei ginum biai te jang 2 harei dut song bruk ba tabiak piah palagaih ka bruk padeih cuh gauk di Xyri. Tui bruk ba tabiak tuk camereip, ginum biai ka Xyri hu peih tabiak di Giơ-ne-vơ (Geneva), Thụy Sỹ harei 7/3 anak tal