1/ Tui Sở Lao động, Thương binh song Xã hội tỉnh Lào Cai, meng akaok thun 2011 mbiah tal ni, tỉnh Lào Cai hu peih bruk tuyển sinh, pato bruk ngak ka 65.000 urang ngak, duah bruk ngak ka 57.000 urang ngak hu bruk ngak siam lagaig. Dom bruk pato pakai di Lào Cai dalam 5 thun tapa patom tame 6 gah praong praong nan lac khai thác mỏ, padang ngak, du lịch, ilamu ngak pandap kaya nong, thủy điện, iek glang pren yava bhap bini. Amuk Đinh Thị Hưng, Giám đốc Sở Lao động, Thương binh song Xã hội tỉnh Lào Cai cho biết:

          Jalan pato bruk ngak ka urang ngak di Lào Cai  piah daong paglaong ilamu urang ngak ka tỉnh Lào Cai dalam tuk vak meng bloh, saong peih tabiak jalan ka tukvak 2016 – 2020 hu urang ngak ginup khang piah pabak ka dom bruk ngak. 

2/ Tal tukvak ini, labaih 450 binek kavei, 63 danao ia thủy lợi di tỉnh Kon Tum jeng daok kurang ia. Bruk njauk duh hatai nan lac 15 danao ia praong saong mbiah di tỉnh daok kurang ia biak khang. Yau danao Đắc Uy, xã Đắc Ui, huyện Đắc Hà; danao Đắc Yên, xã Hòa Bình saong danao Đắc Chà Mòn, xã Đắc Blà, ban sit Kon Tum barau hu jaik meteh ia duk saong dom thun dahlau. Bruk ini ngak kan kandah praong tal bruk pala drak bilan đông xuân 2015 – 2016. Patak pataom ia pak dalam bilan hajan daok lac sa jalan ngak hu gah chức năng tỉnh Kon Tum peih ngak.

          3/ Hu gac 8 xã di tỉnh Quảng Ngãi bahrau mek hu tanut palei pala bahrau. Yau nan, gam song 2 xã Nghĩa Lâm (huyện Tư Nghĩa) song Bình Dương (huyện Bình Sơn), urak ni tỉnh Quảng Ngãi hu 10 xã mek hu tanut chuẩn palei pala bahrau. Thun ni, dalam tỉnh hu 13 xã mek hu tanut palei pala bahrau. Ong Phạm Trường Thọ, Phó akaok Ub bhap bini tỉnh Quảng Ngãi brei thau

          Tong abih dom bruk  padang ngak palei pala bahrau di dom xã dalam tỉnh Quảng Ngãi, abih di nyu nan lac 13 xã ngak salah bloh dalam thun 2015 jeng hu kein laba. Oh hu bruk halei ngak mek thành tích, atau ngak meng ngak piah mek hu tanut ba tabiak. Bo ngak lac nao gam song pandar

4/ Duh ka bilan pala glai thun 2015, dom bein pandih pajaih dalam tỉnh Phú Yên pandih, iek glang 8 triệu phun pajaih lâm nghiệp piah pala 4.000 ha glai; dalam nan, keo lai pala hom meblah jaik 60%, daok veik lac dom janih phun pandih meng asal yau bạch đàn, keo hala tràm, keo tai tượng, sao juk, dầu rái…. Thun 2015, tỉnh Phú yên kham merat paglaong độ che phủ glai tagok 40% duk saong taneh tự nhiên, ralo jang 1% duk saong thun 2014.

5/ Piah dong ka DN yaih khan pandap Việt saong dong ka urang pandar ngak krein song blei pandap Việt chất lượng yaom lap, tuk vak tapa, Sở Công Thương tỉnh Đồng Nai bhian peih dom danak dak ba pandap Việt mai palei pala. Nyaom darak công nhân, adit pandap Việt…pachreih hu rilo urang mai blei. Lingiu di nan, Sở dok hu peih bruk brei ka 70 DN dalam dom kalup kapul pandap Việt mai palei pala dong ka tỉnh B.Thuận, Tây Ninh peih 5 mbang darak pasa dalam danak dak pagam pambuak meng Đông Nai song dom tỉnh Đông Nam bộ.

6/ Tui mikva bhum pala me-mbat di huyện Tân Phú Đông, tỉnh Tiền Giang, dalam adit akaok bilan 10/2015, yaom baoh me-mbat tagok hasit, yaom meng 18.000 tal 20.000 đồng sa kg, tagok yaom jang meng 2.000 tal 3.000 đồng sa kg duk saong bilan dahlau. Ong Lê Văn Gạo, sa urang nông pala 3.500m2 me-mbatdi xã Tân Thạnh, Tân Phú Đông brei thau, ngan saong năng suất meng 15 tal 17 tấn sa ha, yaok ha me-mbat brei ka urang nông jien mek tame labaih 300 triệu đồng, hadei di tuk kaoh bloh phun jien daok veik laba meng 60 tal 70% nan ye mikva biak chreih chrai.

          7/ Dalam tuk vak tapa, labaih 3000 ha cam sành njom ruak katam hala  hu tỉnh Hậu Giang tak klak piah cakak jit ruak, urang nong hu salih tapa pala kroic aik, cam xoài, cam mật di angaok taneh prong 1.600 ha, pala bahrau 32.000 ha cam sành song dom janih phun pajaih oh ruak, hu pren pacang ruak glong. Tui panuac khan di gah ngak nong tỉnh Hậu Giang, ruak katam hala kayua vi khuẩn liberobacter asiatus rah tabiak dalam rak katak di phun, urak ni oh ka hu jru pasiam’ 

Patui di ini dom khau tin dunya:

8/ Bruk suak pui kayua khuah glai bilan pandiak di Indonesia ngak ka labaih 300.000 bhap bini taneh ia ini njauk dom janih ruak jalan suak yava. Ini lac số liệu hu mintri y tế Indonesia brei thau harei 6/10, brei mboh bruk biak catang meng ô nhiễm sauk dhur kayua khuah glai dak harei dak ralo. Tui akaok mintri y tế Indonesia Ni-la Mâu-lô-ếch, dom urang njauk ruak jalan suak yava nan tagok jaik 20% hadei di tuk khuah glai di dom pulao Xu-ma-tra saong Boóc-nê-ô di bilan dahlau

          9/  Urang jakar ngak praong di Ai Cập bahrau brei thau, rajaei negar ni brei peih veik pambah mbang negar Ra-pha (Rafah) pambuak pagam haong Dải Gaza dalam 4 harei ( meng harei 7/10 tal harei 10/10). Bruk peih pambah mbang negar ni rah tabiak dalam tuk vak katut panak, piah palagaih ka urang Palextin nao mai piah  iek ruak kik.

          10/ Urang ngak praong TQ harei 6/10 brei thau, 19 urang metai saong 4 urang daok lahik hadei di mbang ribuk nhiệt đới Mu-ji-ga-ê  tuh tame tỉnh Quảng Đông, gah meraong taneh ia ini puac adit bloh. Takik di abih 3 ribau 374 baoh sang par tabung, 282 ribau 700 ha taneh pala drak njauk palai pajoa, ngak khat lahik labaih 23 tỷ nhân dân tệ (jaik 3 tỉ 650 triệu đô la Mỹ). Mbang ribuk nan jeng ngak khat lahik ka  jaik 2 triệu bhap bini labik quảng tây jaik taphia, ngan saong 400 baoh sang khut, tayah./.