1/ Tổng cục Thống kê (mintri Kế hoạch song Đầu tư) bahrau brei thau chỉ số giá bilan 9 song 9 bilan thun 2015. Tui nan, kuhria meng akaok thun, lạm phát bahrau di tanut 0,4%, beir di abih dalam 10 thun tapa song daok atah tanut bo QH brei tapa lac 5%. Tanut yaom pandar 9 bilan tagok 0,74% dut song tuk vak ni thun dahlau. Dalam 11 nyaom pandap panda song dịch vụ, hu 7 nyaom tagok song 4 nyaom patrun. Dalam nan nyaom pato pakai tagok khang di abih nan lac 1,24% kayua yau nan ye bilan 9, dalam negar hu 25 tỉnh, ban tagok jien học phí.

 2# Nyaom biai alamu ka ruak ralai darah bẩm sinh di negar mbang yaka sa kayua Viện Huyết học- brei darah Trung ương pambuak bruk saong kapul ralai darah bẩm sinh barau peih tabiak di Hà Nội. Di taneh ia drei, yaok thun hu jaik 2.000 uranaih ndih tapui tabiak hu gen ruak kurang darah, ralai darah bẩm sinh saong jaik 200.000 urang ruak trak njauk hu iek ruak gam gam. Ruak mboh hu di dom tinh, ban dalam taneh ia, min rilo di abih lac bhum urang bangsa takik, dalam nan bangsa Stiêng meblah 64%  urang hu gen ruak , patui di nan lac bangsa Ê đê, Mường, Khơ me hu meng labaih 20% tal 45%.

3/ Di HN, Cục rong glang, mintri ngak nong song patagok palei pala bahrau peih nyaom biai “ Patagok pren meriak gauk ka gah rong glang menuk ada VN anak bruk ba drei tame TPP” urak ni dalam negar hu labaih 7 triệu 860 ribau boh sang rong menuk ada, rilo meng rong palao, meda hu labaih 7 ribau boh sang rong tui jalan trang trại. Rilo urang ndom lac, piah paglong bruk meriak gauk, gah rmenuk ada VN njauk patagok bruk palih ruah pajaih hu chất lượng glong lagaih song yaok bhum palei.

4# Di Hà Nội, Viện Hàn lâm alamu  xã hội Việt Nam peih nyaom roya pakacah gauk anit taneh ia mbang yaka 7, tukvak 2015-2020. Nyaom roya pok meyaom rilo menuac urang, kapul nyaom ngak hu rilo bruk praong dalam  5 thun tapa di  Viện. Min, bruk pakacah di Viện jeng daok dom tavak tavaiy yau: daok hình thức, kurang gam gam. Dalam pilih ruah saong pok brei dom angan pakacah mboh daok nể nang, cào bằng …

 5/ Tui quy định bahrau pa tabiak di UB bhap bini ban raya HCM song hu ba pandar di harei 24/9, tong abih dom đại lý labik truy nhập internet công cộng dok di ban raya tok hu adat peih ngak meng 8 tuk mesup tal 22 tuk yaok harei. Min tui pasang iek di urang vak di rayo sap ndom VN, hadei di 22 tuk melam 24/9, tong abih dom đại lý, tiêm internet dok peih pabah mbang song oh niêm yết tuk vuk peih pabah mbang. Tuk hu tangi sua, tong abih po đại lý song labik truy nhập internet ndom lac, urang oh thau hagait ka quy định ni di UB bhap bini ban raya.

 6 #  Ming ini tal thun 2020, tỉnh  Trà Vinh daok ieu dom doanh nghiệp buh jien  tame ngak mbang dom gah yau: dak padang saong patagok bhum nguyên liệu praong piah chế biến kaya nong, kaya ikan dalam ia;... hadei jaik dua thun peih ngak cơ chế, sarak  ưu đãi di gah ngak nông, palei pala, tỉnh Trà Vinh pachreih hu  8 doanh nghiệp đầu tư, saong yaom jien abih tih labaih 130 tỷ đồng; patagok doanh nghiệp đầu tư di gah ini lac 28.

Patui di ni dom khau tin dunya:

7/ Pahadar 70 thun harei padang gah Năng lượng hạt nhân Nga (24/09/1945-24/09/2015), Jabat Năng lượng hạt nhân Nga (Rosatom) hu jao kỷ niệm chương ka 3 chuyên gia Việt Nam. 3 chuyên gia Việt Nam hu taduan kỷ niệm chương mbang ni nan lac ong Ngô Đặng Nhân, dahlau deih ngak Cục trưởng Cục an toàn bức xạ hạt nhân; ong Nguyễn Mộng Sinh song ong Nguyễn Thanh Bình, dahlau deih ngak Phó Viện trưởng Viện hạt nhân Đà Lạt tuk vak 1998 - 2015. Ni lac dom urang hu bac tamat bloh ĐH song hu tuk vak ngak bruk di dom cơ sở hạt nhân di Liên Xô klak, lac dom chuyên gia dang akaok di VN dalam bruk hạt nhân song hu dom rik dong prong dalam bruk patagok năng lượng hạt nhân di VN 

8# Sa ông taha praong thun urang Nhật Bản barau khik hu thành tích di drei hadei di tuk hu mbaok tame mbang pakacah nduac nước rút barau peih ngak di ban Kyôtô, sa harei hadei tuk ông bak 105 thun. Di sân vận động Ni-si-ki-ô-gô-cu  (Nishikyogoku), ông Mi-y-a-za-ki ngak hu blaoh bruk nduac di drei dalam 42,22 giây ka  100 mét, dalam sap pok meyaom, pachreih tui di urang maong. Thành tích saong bruk kham merat di ong Hi-đê-ki-chi Mi-y-za-ki (Hidekichi Miyazaki hu Tổ chức Ghi-nét dunya thun 2010 alin brei vận động viên praong thun nduac nước  rút samal abih dunya .

  9/ Dom sang bac tiểu học song trung học di Xinh-ga-po dok kreik pabah mbang kayua bruk ô nhiễm thur mun di negar ni dok trak jang. Tui số liệu meng Jabat khik ramik môi trường negar Xinh-ga-po, meng  2 harei tapa, tanut ô nhiễm daok tagok. Bruk ô nhiễm không khí di Sinh ga pore dok rah tabiak tui jalan khang jang tuk thur mun  khuak glai meng negar indonesia dok pambak tapa negar ni./.