1 # Thủ tướng Raja-ei bahrau mboh tangin tame angan dom bruk di Dự án ba aia hacih ka huyện pulao Lý Sơn, Quảng Ngãi pandar phun jien mesre ODA oh bayar veik di Raja-ei Hàn Quốc. Dự án piah pabak aia hacih mek hu tanut vệ sinh pakat negar pak xã An Vĩnh saong An Hải, huyện Lý Sơn, meng nan paglaong chất lượng rai diuk di bhap bani; pasiam bruk ngak mbang tui jalan khang kajap ka dom baoh sang di dự án, abih di nyu nan lac dom baoh sang kathaot, jaik kathaot kurang aia hacih.

2/ Tỉnh Quảng Ngãi, urak ni hu 56 po kapan hu brei mesraiy phun jien ngak bahrau kapan ikan song 5 urang hu mesraiy jien pasiam kapan ikan tui Nghị định 67 di rajaei ka “dom sarak patagok kaya ikan”. Urak ni, tỉnh ni hu 35 kapan hu ngak bahrau. Dom dhar gilang pariak dalam tỉnh Quảng Ngãi hu mbaoh tangin tame brei mesraiy ka 18 po kapan tui yaom jien brei mesraiy abih tih labaih 161 tỷ đồng, song hu peih jien brei bloh 72 tỷ đồng

          3 # Bahrau ini, bal Quy Nhơn (tỉnh Bình Định) hu peih bruk bruk pahadar 70 thun padang  Hội đồng bhap bani saong Ủy ban bhap bani dom pakat bal Quy Nhơn (22/11/1945 – 22/11/2015) saong taduan mek angan Anh hùng Lao động. Dalam 10 thun tapa (2005 - 2014), kinh tế bal Quy Nhơn oh padeih patagok, thun hadei glaong jang thun dahlau, GDP patagok kuhria rah tapa labaih 12% sa thun, dang akaok tỉnh Bình Định. Lac pasak kinh tế di tỉnh Bình Định, Quy Nhơn daok pachreih dui dom dự án prong, dang akaok tỉnh gah bih jien tame ngak, năng suất, chất lượng, kein laba..

4/ Meng harei 6/1/2016 dom radeih du lịch cá nhân meng 4 labik dok tagok, meyah lac oh hu pandap pacang padam apui khuak njauk taong phạt glong di abih lac 500 ribau đồng. Ni lac bruk ba tabiak dalam thông tư 57 di Mintri công an ka bruk caga pandap pacang padam apui khuak ka radeih peih angaok jalan. Thiếu tướng Đoàn Việt Mạnh, akaok Cục Cục Cảnh sát pacang, padam khuah saong cứu hộ cứu nạn, Mintri Công an brei thau:

“Meyah oh ngak njauk tui bruk ba tabiak di Thông tư ye njauk taong phat tui Nghị định 167/2013 di Rajaei brei xử phạt vi phạm hành chính dalam gah an ninh, trật tự, an toàn xã hội saong pacang padam pui khuah.

          5 # Tui kuhria tal puac thun 2015, Cần Thơ meda palih ruah saong pato bruk ngak ka 40.000 urang, samu bruk ba tabiak, patagok bruk urang ngak hu pato bruk ngak dut haong taong abih urang ngak daok ngak bruk dalam nền kinh tế quốc dân nan lac 51%. Sở Lao động - Thương binh saong Xã hội meda pambuak bruk khang kajap haong dom sở, ngành piah pathau khan, pato tacei paglaong chất lượng kapul gru pato. Taphia di nan,  Sở pambuak bruk haong dom gah chức năng salih bahrau asal kadha, danak dak saong jalan pato bruk ngak, pasiam cơ sở vật chất, pandap panda pato megru.

6/ Meng bruk jak ba “ Padang boh sang 5 oh, 3 saat” tui rilo jalan ngak karei di gauk, dom pakat Kapul urang kamei tỉnh An Giang patak patom hu labaih 10 tỷ đồng, dong phun ngak mbang ka 2.520 urang kamei kan kathaot yam tabiak truh kan kathaot, tani tanat rai duik. Lingiu di nan, dom pakat kapul urang kamei An Giang dok hu peih bruk pathau khan ka 269.420 boh sang ngak dom bruk yau: Kapul urang kamei pacang tệ nạn xã hội; dong gauk blei bảo hiểm y tế, raong glang siam ka alam môi trường.        

          7 # Dalam dom thun tapa, Tỉnh Bạc Liêu tuk halei jeng sangka, brei ngak dahlau saong iek glang tal rai diuk bhap bani bangsa Khmer dalam bruk dak padang saong patagok kinh tế - xã hội di tỉnh. Dalam nan, patagok bruk pato megru bhum bhap bani bangsa Khmer hu mong lac jalan ngak prong dang akaok. Taphia di nan, dom pakat raja-ei puk palei biak sangka tal bruk khik ramik ilamo, adat cambat tanarakun saong rija roya meng kan di bhap bani Khmer

Patui di ni dom khau tin dunya:

8/ Tui panuac khan di Ban Thư ký báo chí Nyaom biai pakat glong Hiệp hội dom negar Đông Nam Á mbang ka  27 (ASEAN 27), urak ni hu labaih 1800 urang vak, nhà báo tut angan ba khau tin ka ASEAN 27  song dom nyaom biai pagam tal, rah tabiak di Pasak ginum biai Kuala Lumpur meng harei 18-22/11. Dalam nan hu 750 urang vak di Malaysia song labaih 1.000 urang vak dunya mai meng rilo hãng thông tấn, jabat mbao chí dom negar ASEAN song dom hãng yau  Reuter, AP, AFP, Kyodo, Tân Hoa xã, CNA...

9 # Cục Khik iek tasik praong saong Khí quyển Mỹ (NOAA) bahrau brei thau, bilan 10 lac bilan pandiak abih kuhria meng thun 1880 di Mỹ, saong lac 8 bilan gam dalam thun ini ngak tayah kỷ lục ka nhiệt độ dunya. Nhiệt độ trung bình bilan angaok mbaok taneh saong tasik praong di dunya glaong jang kỷ lục hu padang di thun bloh lac 0,2 độ C. Hu 8 bilan dalam thun ini phá kỷ lục bilan pandiak abih dalam dakrai sajarah. Dak tui thứ tự ye bilan 1 saong bilan 3 dang ka dua saong ka klau ka độ pandiak.

      10/ Rajaei Nga brei tabiak adat oh blei pandap mbang menyum di  Ukraine, meng harei  1/1/2016. Akaok mintri patagok KT Nga Aleksey Uliukaev (A-lếch-xây U-liu-ca-ép) brei thau: kayua Ukraine hu mbaok tame bruk cagar Nga, yau nan ye rajaei Nga brei tabiak jalan ngak ni piah khik caga KT Nga./.