#/ Trung ương Hội Chữ thập đỏ Việt Nam bahrau brei thau: bruk “ Tết ka urang kan kathaot song urang njauk jru klik kruac” xuân anek sak kara 2016 hu pamong tal bruk jak ba 1 triệu pok pandap tết alin brei ka dom boh sang kan dalam nega. Meng bruk ngak lac “ yaok tin nhắn sa hatai siam ka urang kan mbang tết” danak dak jak ba bhap bini daong brei meng bruk payua tin nhắn TET tal 1409, yaok tin nhắn yaom  18.00o ribau đồng

#  Thun 2015, mBan bangsa tỉnh Sơn La hu peih bruk padang ngak 197 công trình cơ sở hạ tầng ka dom xã, bản kan kandah; bayar jien ka 4 công trình ngak blaoh saong buh jien tame ngak bahrau 6 công trình tui sarak daong di dân piah định canh định cư; peih bruk daong ka 54.829 sang gam saong 242.856 urang  sang kathaot tui sarak daong tapak ka bhapbini sang kathaot; peih bruk daong sang daok, taneh  daok, taneh pala drak saong ia pandar ka bhapbini. Peih jien bayar dalam thun hu abihbruk ba tabiak .

#/Meng kreik bilan 11 tui saka ia bilan, dom palei ngak har rapei cam di tỉnh Phú Yên daok tame bruk ngak har pablei tuk tết. Urak ni piah hu pandap pablei ka tuai, tong abih dom labik ngak har rapei cam njauk ngak rilo jang meng 4 – 5 tuk yaok harei. Tui dom po ngak har, thun ni yaom har rapei cam tagok hasit, urang ngak mboh biak bui sambai. 

# Thun 2016, phun jien di kadung jien karja tỉnh saong jien trái phiếu rajaei, tỉnh Bình Định hu caik jaik 103 tỉ đồng piah patagok cơ sở hạ tầng, daong patagok sản xuất, paglaong jien mek tame ka  bhapbini bhum palei pala. Tui bruk ba tabiak, thun 2016, dalam tỉnh hu veik 12 xã hu mai dahlau, patagok dom xã ngak blaoh bruk padang ngak palei pala barau dalam tỉnh hu 40 xã

#/ Meng kreik bilan 9 thun 2015 mbiah tal n, jit pandiak tabiak darah tagok khang di dom tinh bhum kreik negar song  kan kandah jang yaok thun. Tal tuk vak ni di dom puk palei gah kreik negar hu labaih 23.000 urang ruak pandiak tabiak darah, 11 urang metai, mboh rilo meng Đà Nẵng tal Bình Thuận. Tỉnh khánh Hòa lac sa labik hu urang pandiak tabiak darah rilo di abih di bhum kreik negar ngan song 9.400 urang. Langik tasik oh siam lagaih lac jalan ngak ka jamuk pambak ruak pandiak tabiak drah caih menek. Ruak pandiak tabiak drah daok mbuan si tamuh jeng jit song pambak samar di rilo labik di gah kreik negar, meyah  urang oh paglong hatai sahaneng pacang caga jit ruak ka rup drei song boh sang di drei.

# Tui pilih ruah dom taneh ia Đông Nam Á bo tuai du lich njauk nao ravang barau ini di Chuyên trang du lịch danei angan Thrillist, Việt Nam hu mbaok dalam 5 angan hu taong yaom glaong abih. VN danei angan kayua hu dom labik ravang mein hu khung cảnh thiên nhiên hùng vĩ saong hoang sơ yau Vịnh Hạ Long, Phong Nha - Kẻ Bàng...Taphia di nan, mbang menyum VN hu rilo janih saong daok khik hu ilimo Á Đông, min jeng hu bản sắc karei ka yaok bhum….Dom taneh ia Đông Nam Á karei jeng hu angan dalam top 5 lac Lào, Indonesia, Thái Lan saong Campuchia.

#/ Yaok thun tal bilan jiak tết, palei bingu Sa Đéc, tỉnh Đồng Tháp- prong abih di gah merong negar mboh chreih chrai tagok. Po bein di labik ni dok jar var rami ramik, iek glang ka yaok yot bingu, kiểng piah pablei tết anek sak kara 2016. Urak ni di ban sit Sa đéc hu labaih 400 ha taneh pala bingu, kiểng pabak ka darak pasa dalam song langiu negar. Taeng bilan bingu thun ni, palei bingu hu pala labaih 60 ha song tui kuhria hu labaih 3 triệu yot bingu pabak ka darak pasa tết. Ông Trần Văn Hùng daok di palei bingu Sa Đéc brei thau:

Urang ngak bein pala bingu kiểng di palei bingu ini thei jeng caong hu siam mekre, jak jeng. Caong Tết mai pablei hu , ba jien tame rilo ka sang drei.

Khaw tin dunya

# Bruk srau kadau di darak pasar chứng khoán Trung Quốc  dom harei tapa ngak srau kadau tal darak pasar jien padai, chứng khoán dunya....Chỉ số CSI 300 angaok sàn chứng khoán Trung Quốc harei 7/1 trun labaih  7%, ngak ka darak pasar njauk padheih giao dịch hadei di tuk peih bambang hu 30 minit. Ini lac mbang ka dua dalam adit Trung Quốc njauk kareih bambang darak pasar chứng khoán hadei tuk pandar hukum barau piah plaih bruk pablei thaik cổ phiếu dalam tuk srau kadau.

#/ Mạng xã hội dane angan Facebook harei 7/1 khan lac, urang pandar bruk payuatin nhắn Met-sen-giơ (Messenger) hu tagok tal 800 triệu urang. Piah thau lac yau nan, Facebook hu yaok iek dalam dom urang pandar payua takik di abih sa tin nhắn sa bialn. Dahlau di nan hãng roh duah Ni-ê-sen (Niesel) hu khan lac, dịch vụ Messenger di Facebook lac ứng dụng tagok khang di abih dalam thun 2015.

# Harei ini 9/1, di siêu thị Hi-pe Ca-xê (Hyper Cacher), Pháp hu rah tabiak bruk pahadar 1 thun hadei di bruk khủng bố tòa soạn báo Xác-li Ep-đô (Charlie Hebdo), hu mbaok Tổng thống Pháp saong kapul lambaok dom tổ chức urang Do Thái di Pháp. Dahlau di nan, harei 7/1, Tổng thống Pháp Frăng-xoa Ô-lăng (Francois Hollande) hu kadha ndom puac pok meyaom bruk ndih trun saong dom rik daong di gah ngak tui adat hukum dalam bruk mesruh pacang khủng bố../.