# Piah patagok bruk khik iek glai hu siam mekre, bruk bayar jien dịch vụ môi trường glai jeng yau jao brei khik iek glai daok hu tỉnh Lai Châu peih ngak siam. Tỉnh hu bayar jaik 700 tỷ đồng dịch vụ môi trường glai ka bhap bani hadei di 5 thun peih ngak, ngan haong yaom jien bayar meng 300 tal 500 ribau đồng 1 héc ta 1 thun. Mai meng nan, labaih 65 ribau baoh sang taduan khik iek, pasiam veik glai dalam tỉnh urak ini sahanang hatai kak kajap haong glai.

          #/ Sở Tư pháp ban Đà Nẵng và Công ty Cổ phần bưu chính Viettel –Hà Nội peih dịch vụ “Taduan mek hồ sơ, bayar kết quả cấp Phiếu lý lịch tư pháp tapa  jalan bưu chính Viettel song tut angan ngak phiếu lý lịch tư pháp tapak ”. Tui jalan ngak bahrau, urang tut angan tapak di angaok blah tapak atau tabiak bưu chính jiak di abih di Bưu chính Vietttel nộp hồ sơ, bloh taduan KQ di sang tapa dịch vụ bưu chính, abih takik jien nao mai. Amuk Võ Thị Như Hoa, Giám đốc Sở Tư pháp ban Đà Nẵng brei thau

          Urak ni, yaok bilan Sở Tư pháp taduan meng400-500 hồ sơ xin cấp lý lịch tư pháp.  Tapa nan urang nao tapak tal sở Tư pháp piah nộp hồ sơ song cang KQ yau dahlau deih, ye  urak ni urang meda tapa dịch vụ  bưu chính piah kê khai jeng lac KQ biak mbuan lagaih.

# Tỉnh Gia Lai urak ini hu jaik 14.000 baoh sang ngan haong 62.000 urang eik lipa kurang mbang dalam tuk daok cang bilan yuak; dalam nan hu jaik 12.000 baoh sang urang bangsa takik. Makna ba tal bruk kurang mbang tuk daok cang bilan yuak nan kayua pandiak bhang ngak khut trak tal dom janih phun pala bilan Đông Xuân 2015 - 2016. Anak bruk yau nan, Ủy ban Bhap bani tỉnh Gia Lai hu tacei pato dom pakat KARJA, dom gah chức năng jhul pakhang bruk pasang iek saong hu jalan daong pacang eik lipa chip ka mikva; oh caik ka urang halei dalam bhum tua riya pandiak bhang njauk iek lipa dalam tukvak daok cang bilan yuak.

          #/ Hadei di 5 thun peih ngak danak dak pakat negar padang ngak palei pala bahrau di tỉnh Bình Thuận mek hu dom jak jeng prong, mbaok meta puk palei hu salih bahrau, hu bhap bini njauk hatai song hu mbaok tame. Yaom jien mek tame yaok bilan di sa urang bhum palei pala tagok jang 2 mbang dut song thun 2010.

 # Tui Sở Ngak nong saong patagok palei pala tỉnh Đồng Nai, dalam quý I-2016, dalam tỉnh padang ngak bahrau hu 426 trang trại, patagok trang trại tal tukvak ini labaih 2.837 baoh trang trại. Dalam nan, ralo di abih nan lac raong glang  (2.392 trang trại), patui di nan lac pala drak (330 trang trại), raong kaya ikan dalam aia  (2 trang trại), daok veik nan lac trang trại tổng hợp. Dom huyện hu trang trại raong glang, pala drak saong tổng hợp ralo nan lac: Thống Nhất, Xuân Lộc, Trảng Bom saong huyện Cẩm Mỹ.

          #/ Bilai thú y huyện Dương Minh Châu pambuak bruk song Chi cục thú y tỉnh peih tal pato megru ka bruk padang ngak bhum palei, labik hacih saat jit ruak menuk ada ka urang jarka thú y cơ sở song hu 40 boh sang rong menuk da dok di dom Phan, Suối Đá, ban sit Dương Minh Châu. Tui kuhria tal puac thun 2017, Dương Minh Châu kham merat hu 90% dom cơ sở rong menuk song tong abih xã ban sit dok dalam huyện hu pok brei angan cơ sở an toàn dịch bệnh.

          # Tal urak ini, tỉnh Sóc Trăng trun pajaih hu labaih 30.000 ha njam patam saong phun công nghiệp, samu jaik meteh mblang taneh tui danak bruk ba tabiak dalam thun 2016. Piah pacang caga tua riya pandiak bhang yau urak ini, ralo baoh sang di  Thạnh Trị, Ngã Năm, Mỹ Tú hu khang hatai salih janih phun pala, ba phun njam patam trun pala dalam laok hamu ngan haong dom janih phun tamuh hu dalam pandiak yau: tangiey, tamekai, kadhaoh, pleiy, ratak… ba mai kein laba glaong jang duk saong ngak padai.

          Patui di ni dom khau tin dunya:

          # Ngoại trưởng Campuchia Hô Nam Hông (Hor Namhong) hu mbang taom gaok Thứ trưởng Hàn Quốc Kim Hy-ông Zin (Kim Hyoung-zhin) dok mai rivang CPC piah brei thau jalan ngak di angaok palao Trie62i Tiên. Dua gah hu ginum tal mbang nao rivang CPC hu ba tabiak di Tổng thống Hàn Quốc Pắc Cưn Hê (Park Geun-hye) dalam thun ni.

          # Urang jakar Nhật Bản daok kuhria peih bruk pametai jamaok dalam negar piah pacang cakak bruk pambak prong di vi-rút Zika. Tui bruk ba tabiak, urang jakar Nhật Bản meda jhul pakhang bruk pathau khan piah paglaong akaok saneng di bhap bani ka janih vi-rút ini, abih di nyu lac dalam tukvak bilan 6 tal tuk jamaok nyu caih ralo.

          #/ Takik di abih 10 urang metai song 150 urang karei dok gar di labik jaleih hadei di tuk jaoh tatua harei 31/3 di ban Kôn-ka-ta (Kolkata), bang Tây Ben –gan (West Bengal), Ấn Độ. Gah dong duah song bhap bini njauk mek tangin kuac raok piah duah dom urang njauk bala./.