# Ngan haong kadha “Klah rabha dom tanjoh darah bhong”, harei pataom brei darah ngak pahla kayua Thành  Đoàn Đà Nẵng pambuak haong Đoàn Dam dara  Đại học Đà Nẵng peih ngak. Labaih 300 urang đoàn  dam dara, sinh viên hu mbaok tame brei labaih 200 đơn vị darah brei ka dom sang iek ruak, pasak y tế pak bal Đà Nẵng. Thun ini, Thành Đoàn Đà Nẵng meda peih 50 mbang brei darah ngak pahla, pataom mek hu jaik 20 ribau đơn vị darah. Ayut Đặng Ngọc Sang, Bí thư Đoàn Dam dara Đại  học Đà Nẵng brei thau:

          Bruk brei darah ngak pahla hu pambak prong dalam taong abih dom ayut đoàn viên sinh viên. Yaok sa tanjoh darah bdi dom ayut daong ka gilang darah di bal, dom urang ruak daok ndih iek ruak pak dom sang iek ruak meda hu darah piah iek ruak.

          #/ Mban điều phối danak dak dong ba tam nông tỉnh Ninh Thuận peih tal pasram megru ka dom urang jakar dự án dom pakat ka bruk tui iek tong yaom QK yaok thun dalam thun 2016 di dự án dong ba Tam nong. Hu mbaok di khóa bac hu 27 xã bhum dự án song lambaok 10 xã langiu bhum dự án. Bruk pasram megru piah dong ka urang jakar chuyên trách xã tong yaom thau ka khau tin ka bruk ngak hu mbaok di dom boh sang tame bruk padang ngak jalan patagok KTXH di tinh

          # Sở Ilamo – Padhih saong Rivang ma-in tỉnh Tây Ninh pambuak haong Công ty Cổ phần Truyền thông Vương Hậu bal raya Hồ Chí Minh peih nyaom biai  khách hàng, meyaih khan ka lễ hội ilamo, rivang ma-in, pablei salih, palei ngak rapei cam pambu aia kakuan Trảng Bàng. Tui nan, lễ hội meda hu peih ngak meng harei 6 tal harei 10/4/2016, pak mblang vận động huyện Trảng Bàng (bal sit Trảng Bàng). Lễ hội tui kuhria hu mbaok di labaih 200 gian hàng di dom doanh nghiệp dalam tỉnh saong dom tỉnh, bal jaik taphia.

          #/ Xã  Tân Tiến, huyện Bù Đốp, tỉnh Bình Phước urak ni hu 990 ha phun pala, dalam nan hu 200 ha am riak kalu kurang ia pruh. Piah pacang cakak pandiak bhang, urang xã Tân Tiến hu pataom phun jien piah ba ia meng krong Bé tapa 2km mbon ceik ba ia mai pruh ka bein amriak kalu. Urak ni dalam xã hu 40 danao hu kuac raok meng phun jien di bhap bini. Yaom jien kuac danao takik di abih meng 35-40 triệu đồng. Dalam tuk kan kandah, urang di xã Tân Tiến hu jum pataom gauk pacang caga pandiak bhang, ni lac bruk ngak biak siam lagaih.

          # Kapul Chữ thập đỏ tỉnh Đồng Nai brei thau, tamat Lễ hội Xuân hồng thun 2016, dom pakat Kapul  Chữ thập đỏ pambuak haong Pasak truyền darah,  Sang iek ruak Chợ Rẫy saong dom sang bac, doanh nghiệp, jabat dalam tỉnh taduan mek hu jaik 7,8 ribau đơn vị darah, mek hu 129% chỉ tiêu jao brei. Thun 2016, chỉ tiêu darah brei di dalam tỉnh Đồng Nai nan lac 30 ribau đơn vị darah.

          #/ Akaok Pasak Y tế dự phòng tỉnh Hậu Giang brei thau hu tacei ba Pasak tagok bruk tui iek, duan thau samar dom bruk njom ruak viêm não mô cầu,  dom sruh jit ruak bahrau tamuh tabiak ( meyah hu). Hậu Giang, urak ni dok peih bruk klauk vắc xin pacang caga ruak viêm não mô cầu ka yaok ribau urang, abih di nyu nan lac uranaih umo ala 6 thun dok di bhum atah bayah bhum urang bangsa takik. Kayua ngak siam bruk y tế dự phòng, urak ni Hậu giang oh ka hu urang halei ruak viêm não mô cầu. 

          # Mban khik iek bein negar U Minh Hạ tỉnh Cà Mau brei thau, tukvak jaik di ini hu duah mboh ralo janih anek athur glai quý hiếm hu daok dalam glai; dalam nan hu lasa, pabui glai, anek bhai, thuh, ula…Tui akaok bein negar U Minh Hạ, tỉnh Cà Mau, meng khik iek catang nan ye bein negar cakrok patagok siam. Lac labik siam ka dom janih anek athur glai quý hiếm daok, caih menek, taphia di nan ini daok lac labik biak siam ka bruk roh duah ilamu. 

Nhạc cắt

          Patui di ni dom khau tin dunya:

          #/ Bol bala Thái Lan brei thau, takik di abih sa urang metai song yaok pluh urang njauk rambuac dalam dom mbang tong bom rah tabiak di tỉnh  Pát-ta-ni (Pattani), gah merong negar Thái Lan dalam 2 harei 30 song 31/3. Di huyện Ya-rinh (Yaring),, hu takik abih 10 vụ mbang tong bom hu rah tabiak dalam dom labik công cộng. Urak ni oh hu nyaom halei dang tabiak taduan trách nhiệm ka bruk tong bom ni

          #  Văn phòng Tổng thống Mianma brei thau, raja-ei negar ini hu bổ nhiệm 29 akaok mentri khu vực mong iek dom bruk gah sắc tộc ka 13 bang saong khu vực. Taphia di nan, raja-ei Mianma jeng hu padang sa mentri bahrau nan lac Mentri Liên bang ka dom kadha sắc tộc kayua ong Na-ing Thet Uyn  (Naing Thet Lwin) dang akaok.

          #/ Takik di abih 7 urang metai song 5 urang njauk rambuac dalam mbang chuh phao jiak di ni, tame dalam sa sruh radeih buýt di ban ine Mô-ga-đi-su (Mogadishu) của Xô-ma-li. Cảnh sát Xô-ma-li brei thau, sa radeih ô tô pajeng tui rilo urang pan phao ginuh tame radeih buýt ni tuk dok peih di angaok jalan. 3 urang pan phao trun radeih song chuh phao tame radeih buýt, ngak ka 4 urang metai.