1./ Ủy ban bhap bini ban Hà Nội bahrau tabiak Quyết định jao chỉ tiêu kinh tế, xã hội, jien mek tame, jien pandar cai di ban thun 2015, dalam nan, jien pabak ka bruk miễn thủy lợi phí thun 2015 hu kuhria mboh lac labaih 400 tỷ đồng. Yaom jien ini hu gam công ty thủy lợi khik iek saong hợp tác xã eng drei nyuk ia pruh kayua Ủy ban bhap bini quận, huyện khik iek. Tapa nan daong khik ramik, paglaong năng suất phun pala, abih di nyu nan lac di dom labik ngak nông pataom praong di ban Hà Nội.

2/ Gilang pariak Thương mại Cổ phần Đầu tư song patagok Việt Nam dhar Quảng Bình hu mbaoh tangin tame harak pambuak bruk brei mesraiy jien ngak kapan tui Nghị định 67. Tui nan dalam mbang ni hu 3 urang, đơn vị hu mbaoh tangin tame harak mesraiy jien abih tih labaih 33 tỷ 700 triệu đồng.

3./Di ban Cần Thơ, Pasak Xúc tiến Thương mại Nông nghiệp di mintri ngak nong saong patagok palei pala pambuak bruk haong Kapul urang ngak nong ban Cần Thơ peih danak dak "Nhịp cầu nhà nông". Tapa nan, urang hu pang dom urang ilamu di pasak pachreih nông negar, Tổng Công ty khak drak saong Hóa chất Dầu khí chavap tapak dom panuac tangi di urang nong ka bruk pala drak, raong athur, menuk ada saong kaya ikan..

4/ Thun ni pandiak bhang dui atah, ia mbak njom dalam tame mblang padai ngak ka taneh pala padai song njam patam di tỉnh Bến Tre kurang ia pruh, ngak khat lihik biak trak. Dalam bilan padai đông xuân meng bloh dalam tỉnh hu jiak 700 ha padai dok di dom huyện Thạnh Phú, Ba Tri, Bình Đại, Giồng Trôm jeng lihik abih, labaih 3.200 ha padai trun năng suất meng 40 tal 70 % song yaok rituh ha njam patam phun mbang boh trun năng suất atau metai.

5./Tui kuhria meng bilan 6 tal, Tổng công ty Cấp nước Sài Gòn (Sawaco) meda ba labaih 10.000 m3/ yaok harei tapa jalan nding tỉnh lộ 10, huyện Bình Chánh piah pabak ia hacih ka dom khu công nghiệp tỉnh Long An.  Hu thau, hadei di tuk camereip pabak ia ka dom khu công nghiệp di Long An, Sawaco brei padang jalan nding nao tapa Nhà Bè piah pabak ia hacih ka dom baoh sang daok dalam dom huyen Cần Giuộc, Đức Hòa, Đức Huệ di tỉnh Long An saong công suất labaih 20.000 m3/ngày.

6/ Khoa hacih saat pandap mbang, Pasak y tế ban sit Dĩ An, tỉnh Bình Dương bahrau peih tal pasram megru ilamu hacih saat pandap mbang ka labaih 200 boh sang nan lac po cơ sở sx, pablei salih pandap mbang, dịch vụ mbang menyum ging mbang tập thể, pandap mbang di langiu jalan dok di phường Đông Hòa. Tamat tal pasram megru, dom học viên hu trắc nghiệm kiến thức song hu brei harak chứng nhận ka bruk hacih saat pandap mbang. 

7./ Chi cục khik ramik darak pasar tỉnh Vĩnh Long bahrau ba nao am cuh klaak labaih 74.000 pok pakao nhập lậu. Ini lac dom pakao hu gah khik ramik darak pasar chap mek dalam tỉnh meng puac thun 2014 tal bilan 1/2015, dalam nan hu pakao: Jet, Hero, Golden Deer, kuhria tabiak yaom jien jaik  1,4 tỷ đồng.

Nhạc cắt

Patui di ni dom khau tin dunya:

8/ Mỹ song Cuba hu pambuak veik ginum biai piah yam tapa dom bruk oh ka njauk gauk, yam tal bruk peih đại sứ quán di dua negar song pasiam veik bruk ngoại giao. Tavak tavaiy urak ni lac bruk tự do nao mai di dom urang ngoại giao Mỹ song Cuba. Cuba bahrau ni hu panuac lac meyah Mỹcaong khin dom urang ngoại giao di drei hu tự do nao mai di Cuba, Mỹ brei padeih bruk pandar dom urang ngoại giao ni piah daong ka gah đối lập chính trị di Cuba.

9./ Tây Ban Nhà lac taneh ia bahrau di abih hu panuac lac oh njauk hatai hong jalan ngak di Liên minh châu Âu (EU) ka bruk phân bổ hạn ngạch taduan raok urang tị nạn ka dom taneh ia thành viên kayau Uỷ ban châu Âu (EC) ba tabiak harei 13-5 meng bloh. AFP brei thau, Tây Ban Nha ndom lac, daok caga pacang urang nduac tame châu Âu jang bruk taduan urang tị nạn

10/ Mintri Quốc phòng Ixraen hu panuac brei thau bruk ngak iek 3 bilan, tui nan dom urang Palestintame tame tabiak Bờ Tây brei tapa gam sa chốt an ninh. Urak ni dom urang Palestin meda tame tabiak Ixraen tapa dom chốt an ninh karei di gauk. Min tui jalan ngak bahrau, dom urang ngak brei nao tapa sa chốt an ninh ka mbang nao song mai veik./.