1/ Pahadar 68 thun harei thương binh, liệt sĩ, akaok negar ong Trương Tấn Sang hu var taom gaok 65 urang lac dom tướng lĩnh, urang karja, urang dahlau deih ngak bol lin Quân đoàn 3,lambaok ka Ban liên lạc Quân đoàn dalam taneh ia hu mbaok dalam mbang mesruk metak di Mặt trận Tây Nguyên B3. Akaok negar conmg khin Ban liên lạc Quân đoàn song dom urang dahlau deih ngak bol lin brei rik pren yava, ba tabiak dom jalan ngak piah dom jabat chức năng langyah dom tavak tavaiy dalam sarak hukun ka urang hu buh pren yava ka taneh

2/ Pahadar 68 thun harei Thương binh - Liệt sĩ, harei kabroi 22-7, Ủy viên mintri Chính trị, Akaok Ủy ban Trung ương Mặt trận negar Việt Nam Nguyễn Thiện Nhân pan akaok kapul ngak bruk mai pok gilau di canah 3 Đồng Lộc (tỉnh Hà Tĩnh) song nao rivang dom boh sang urang kamei Thanh niên xung phong  var klak rup drei di jalan canah 3 Đồng Lộc.

3/ Dalam 2 harei harei 22 song 23/7 di ban sit Đà Nẵng, Văn phòng Quốc hội peih bruk ginum biai “ paglong bruk tangi sua di QH gam song bruk peih ngak adat hukum” Hukun dok dalam jalan pambuak bruk patagok pakat negar di jabat patagok dunya Hoa Kỳ di VN, tuk vak 2014-2018. Brei panuac di biai ginun, Phó Chủ tịch Quốc hội Huỳnh Ngọc Sơn  khan lac:

        Băng:Panuac tangi sua lac bruk oh bahrau min bruk ni brei hu salih bahrau, abih di nyu nan lac dalam bruk kham merat peih ngak adat hukum bahrau. Hukum peih ngak QH pasiam veik hu hiệu lực song hukum peih bruk tui iek di QH, Hội đồng bhap bini hu tui iek brei tapa. Dom panuac tangi sua di nyaom biai nan lac dom khau tin prong rik dong pasalih bahrau.

4/ Urak ni , tỉnh Phú Yên hu 28 po kapan hu mesraiy phun jien ngak bahrau, pasiam veik, ngak kapan tong chap kaya ikan, kapan dịch vụ hậu cần  tui nghị định 67 di rajaei. Min, urak ni bahrau hu gilang pariak (BIDV) dhar Phú Yên hu panuac sinya brei ka 5 po kapan mesraiy labaih 35 tỷ đồng piah ngak bahrau 4 kapan kanduh kayau pren khang labaih 800CV song pasiam 1 kapan kanduh kayau .

          5/ Meng ni tal thun 2020, Đồng Nai pataom 27 cụm công nghiệp song tong abih taneh prong jiak 4.500 ha. Urak ni, puk palei bahrau hu 2 cụm công nghiệp ngak salah bloh hạ tầng, 10 cụm hu po đầu tư min 7 cụm oh padang ngak hạ tầng. Tal tuk vak ni, ĐN dok 15 cụm công nghiệp oh hu po đầu tư hạ tầng. Tuk vak anak tal, tỉnh ĐN njauk patabiak jalan ngak karei piah pachreih dom DNKT buh jien tabiak patagok hạ tầng cụm công nghiệp, hu sarak cambaih laih, dong ba ka DN mbiah song sit

6/ Harei kabroi 22/7, labaih 100 urang ngak di Công ty Trách Nhiệm Hữu Hạn Meraki FW hu ba tame sang iek ruak Quân đoàn 4 (Dĩ An, Bình Dương) kayua mboh khin taaok khang. Hu thau, dom urang ngak mai meng Công ty Meraki FW (Khu công nghiệp Sóng Thần, ban sit  Dĩ An, Bình Dương), ngak vali,  kadung bak…njauk tame sang iek ruak kayua mboh pandik tain bloh taaok

7/ Harei kabroi 22/7, Sở Công Thương ban raya Hồ Chí Minh peih bruk parang  iek dunya mbang ka 5 ka Công nghệ, pandap patak pataom năng lượng song  năng lượng hijao (Enertec Expo 2015) song parang iek dunya mbang ka 8 ka Công nghệ song  Thiết bị điện (Vietnam ETE 2015) song hu mbaok di 130 DN. Hu mbaok di parang iek mbang ni, langiu di dom DN dalam negar dok hu rilo DN mai meng dom negar yau Nhật Bản, Hàn Quốc, Trung Quốc, Malaysia, Thái Lan, Thụy Sỹ...Mbang parang iek hu rah tabiak meng ni tal abih harei 25/7 

Nhạc cắt

Patui di ni dom khau tin dunya:

Taduan panuac daa di ong U Nyan Tun, Phó Tổng thống Cộng hòa Liên bang Mi-an-ma, dalam dom harei meng harei 21 tal 23/7, ong Bun-nhăng Vo-la-chit, Phó akaok negar CHDC bhap bini Lào song haduik di ong hu nao rivang song ngak bruk di CH Liên bang Mi-an-ma. Jeng dalam mbang ni, phó akaok negar  Cộng hòa dân chủ bhap bini Lào hu var taom gaok ong U Nyan Tun, Phó Tổng thống Cộng hòa Liên bang Mi-an-ma piah ginum biai ka talei pambuak bruk meng kan siam mekre livik saman song bruk jia tame gauk di Lào song Mi-an-ma dak harei dak siam lagaih jang.

9/ Dom hãng kapan haoh Ôxtrâylia hu panuac khan lac brei padeih tong abih dom mbang par tame tabiak palao kaoh padeih takai Bali di Inđônêsia.Hsngin khang ngka par thur meng ceik apui Ra-ung (Raung) mai tal mblang kapan haoh di angaok palao BaLi. Hãng kapan haoh yaom lap  Jetstar di Tập đoàn Quan-tas (Qantas) Ôxtrâylia hu panuac khan brei thau sa dalam mbang par di hãng njauk brei gilac veik Men-bơn (Melbourne) kayua hangin khang ngak salih mbang par oh hu khan dahlau .

10/ Hãng Uôn-hap (Yonhap) di Hàn Quốc bahrau brei thau, Cộng hòa Dân chủ bhap bini Triều Tiên dok kuhria ka sa mbang cuh tên  lửa atah bahrau, dalam bilan 10 anak tal, hadei di tuk ngak salah bloh bruk patagok căn cứ phóng vệ tinh di drei. Tapa duah thau, Uôn-hap khan lac, urang dang akaok Triều Tiên Kim Châng-Un hu tabiak panuac lac brei Jabat patagok Hàng không Vũ trụ negar ni peih sa mbang cuh tên lửa gam vệ tinh bahrau, pahadar 70 thun harei padang Đảng lao động cầm quyền di harei   10/10 anak tal./.