# Thủ tướng Raja-ei tabiak Quyết định tacei tabiak bruk ngak thủ tục biên phòng điện tử pak dom pabah lamnge kayua Bộ đội Biên phòng daok dalam Mentri Quốc phòng khik iek. Quyết định brei thau cambaih laih, harak ba-ar biên phòng điện tử hu peih ngak 24/24 tuk yaok harei. Tuk Cổng thông tin hu pambuak pagam haong Cổng thông tin sa bambang negar, urang ngak harak ba-ar peih ngak báo cáo bản khai điện tử saong payua hồ sơ điện tử ka Biên phòng cửa khẩu cảng. Meyah Cổng thông tin sa bambang negar nyu hu sự cố, urang ngak harak ba-ar biên phòng điện tử cảng tasik tapa Cổng thông tin.

#/ Sở ilamu Thể thao ban raya Hồ Chí Minh peih bruk pakacah blah rup cih jak ba, kadha daoh salam uan pahadar 40 thun harei ban raya hu mek angan Chủ tịch Hồ Chí Minh (2/7/1976 – 2/7/2016). Asal kadha di dom blah rup cih, dom kadha daoh salam uan nan lac dom jak jeng salaih bahrau dalam bruk patagok Kt ilamu, XH tapa 40 thun angan Wa Hồ, pok meyaom ban raya, bruk hadah mbaok meta di urang ban raya, pachreih ba dalam bruk padang ngak palei pala bahrau di ban raya dom thun tapa. Họa sỹ Uyên Huy, Chủ tịch Hội Mỹ thuật ban raya Hồ Chí Minh lac: Bruk ni my ngak hadah mbaok meta dom nghệ sỹ ban raya, brei mboh lac ban raya daok tagok hadei di Nyaom roya mbang 12. Bruk prong di abih nan lac nghệ sỹ brei mboh hu bruk patagok di ban roya, nyu oh yau thun dahlau. Ysau nan  nghệ sỹ brei thau bruk di anak meta, bruk daok rah tabiak di ban raya

.

          # Pak sang pakacah tỉnh Đắc Lắc rah tabiak lễ peih pakak Hội khỏe Phù Đổng mbang ka 13. Hội khỏe Phù Đổng mbang ini hu mbaok di 71 đơn vị dalam nan hu 15 duk Pato megru, 54 sang bac Trung học phổ thông saong 2 pasak Giáo dục thường xuyên ngan haong labaih 1800 vận động viên hu mbaok tame. Dom  vận động viên meda ma-in meblah di 8 bộ môn thể dục thể thao. Adei Lê Quốc Việt, vận động viên taong mbanh huyện Cư Quynh, lac: Adei biak bui tuk hu mbaok dalam Hội khỏe Phù Đổng hu peih ngak  2 thun sa mbang di tỉnh drei. Sang bac saong gru pato hu palagaih ka khaol dahlak mboh biak tani tanat piah ka adei hu mbaok tame pakacah oh njauk pambak hagait tal bruk bac mgru. Baoh sang jeng pachreih adei hu mbaok tame nyaom pakacah ini.

#/ Meng sản lượng labaih 20 triệu tấn padai dalam sa thun, yaok thun di bhum taneran krong CL hu labaih 20 triệu pong nerang. Urak ni pong nerang hu pandar piah rong glang, ngak nguyên liệu pala bimao, pandih phun pala. Tiến sĩ Phan Hiếu Hiền,  sang bac  Đại học Nông lâm ban raya Hồ Chí Minh lac: Urak ni hadei di tuk yuak bloh hu padai brah song pong, cam song haleik. Pong song padai brah lac sa tam giác di sa mbang yauk  padai brah. Jamriak cuốn pong lac bruk peih mbaok ka dom jamriak yuak padai song xử lý pong. .

# Vụ amariak kalu thun ini, dom sang bein pala amariak kalu dalam tỉnh Đồng Nai biak bui sambai kayua njauk mùa gam njauk yaom. Abih di nyu, dak harei dak ralo baoh sang pandar ilamu kỹ thuật pruh aia patak pataom daong ka phun amariak kalu mek hu năng suất, sản lượng glaong. Urak ini amariak kalu daok hu dom đại lý duah blei ngan haong yaom meng 160.000 – 170.000 đồng/kg. Ngan haong năng suất saong yaom amariak kalu yau urak ini, dom baoh sang pala amariak kalu mboh biak bui sambai kayua lac daok dang anak mùa vụ bội thu. 

#/ Bilan Đông Xuân 2015 – 2016, Tiền Giang trun pajaih hu labaih 74.000 ha; dalam nan hu 3.850 ha ngak tui jalan mblang hamu prong. Tui urang dang akaok UB bhap bini tỉnh Tiền Giang, urak ni urang nong  dalam tinh yuak meng akaok vụ hu labaih  35.000 ha, năng suất tui kuhria 72 tạ/ha, tagok jang 2 tạ/ha dut song bruk ba tabiak song sản lượng labaih 250.000 tấn padai. Tỉnh kham merat dalam vụ Đông Xuân 2015 – 2016 mek hu labaih 500.000 tấn padai pabak ka bruk chế biến xuất khẩu.

# Urang nong Bạc Liêu hu palao pajaih raong hadang thun 2016 hu labaih 130.000 ha, yau nan min kayua tua riya pandiak bhang hu ngak ka jaik 6.000 ha hadang raong njauk khat lahik. Vụ hadang thun ini, urang raong gaok ralo kan kandah kayua daok pandang mbaok haong tua riya pandiak bhang. Kayua nan ye, gah ngak nong tỉnh brei thau dahlau, urang nong njauk chủ động pacang cakak tua riya saong hu jalan padang khik aia; taphia di nan pasiam veik ar pacang, kuac kuah ribaong piah ba aia tame danao kavei. Ta-eng labik gah Meraong jalan Quốc lộ 1A njauk caga aia tasik ndik glaong dalam kreh bilan 3/2016.

Nhạc cắt

Patui di ni dom khau tin dunya

# Mintri Y tế Braxin brei thau, hu 641 uranaih ruak akaok sit song 139 uranaih ndih tapui tabiak njauk jaoh jo song metai, meng di tuk jit Zika tamuh tabiak di negar ni meng bilan 10 thun dahlau. Tui panuac khan bahrau ni di mintri  Y tế Braxin, jit ruak akaok sit tagok 10% dut song  adit dahlau. Dahlau di tuk Zika tamuh tabiak, Braxin hu labaih 150 uranaih ruak akaok sit yaok thun. Jabat Y tế negar ni jeng brei thau 4 ribau 222 uranaih njauk ruak akaok sit.

          # Cục khik iek Thực phẩm saong Dược phẩm Mỹ (FDA) brei thau dom tacei pato bahrau piah patrun nguy cơ njaom mbak vi-rút Zi-ka hu pambuak pagam tal bruk alin hadaih dom mô saong tế bào manuac. Tui adat cambat bahrau, dom urang alin hadaih mô atau tế bào meda hu brei thau lac oh ginup điều kiện alin hadiah meyah dom urang nan chẩn đoán hu njaom mbak vi-rút Zi-ka atau diuk rai pak labik bo vi-rút Zi-ka daok cakrok khang, jeng yau hu mbang ndih haong urang njaom mbak janih vi-rút ini dalam 6 bilan tapa.

          #/ Gah y tế Cuba brei thauc urang njom vi rút Zika camereip di negar ni. Bruk ni dak ngak patagok bruk huac kanda lac jit virut Zika dok pambak, kan tui iek. Urang ruak la sa  bác sỹ umo 208 thun mai meng Venezuela. Pasang song adei sang di urang ni njom virus Zika dahlau di nan di Venezuela. Urang ruak ni mai meng Cuba di harei  21/2 song mboh pandiak dom harei hadei nan. Yau nan, Cuba lac sa negar bahrau hu urang njom mbak virus Zika./.