# Anak bruk tua riya pandiak bhang daok catang tagok, tỉnh Đắk Lắk hu pathau khan, jak ba bhap bani dom bangsa pandar aia patak pataom, abih di nyu lac aia pruh ka dom janih phun pala. Tỉnh hu tacei pato dom puk palei kuac kuah dom ribaong ba aia, dom pabah mbang tame dom  pabah mbrong  piah ia nduac hu, beik dom baoh binek tạm khik aia.  Tỉnh jeng hu ngak dom trạm bơm dã chiến piah njuk mek aia meng dom kraong, craoh, ia daok kandaong veik di dom baoh binek, kavei, abih di nyu lac padang ngak dom trạm bơm pacang  tua riya pak dom labik tapen kraong hu aia yau huyện Lắk, Krông Bông, Krông Ana, Cư Kuin saong  Ea Kar.

# Di tỉnh Kon Tum, bruk pandiak bhang ngak kan kandah tal bruk ngak nong. Urak ni , mblang hamu thu lagu meda lihik abih di tinh ni tagok tal 450 ha,  rilo meng lac di dom huyện song ban sit Kon Tum, Karja song gah chức năng tỉnh Kon Tum mboh lac, meyah pandiak bhang dok dui atah tal abih bilan 5, meda hu labaih 5000 ha phun pala di tỉnh thu lagu.

# Tui pathau khan di Ban Tacei pato Tây Nam bộ, kuhria tal tukvak ini, gah tasik Đông, nồng độ mbak labaih 4⁰/₀₀ di dom baoh kraong praong urak ini njom tame dalam taneh haluk jaik 60km. Gah tasik Tây angaok kraong Cái Lớn pak Xẻo Rô độ mbak glaong abih dut hu nan lac 15,8⁰/₀₀ tagok 4,8⁰/₀₀ dut haong tukvak ini thun dahlau. Piah patrun khat lahik kayua njaom mbak, dom puk palei njauk  kuhria caga dahlau, tui iek bruk piah tacei pato, peih ngak samar, hu siam lagaih dom jalan pacang cakak yau: salih janih phun pala, beik binek pacang mbak, kuac kuah ribaong, caik dom mac bơm piah mek aia, khik aia brei ka bruk pala drak, ngak mbang ngak huak. Ong Phan Diễn, Akaok Hội đồng quản trị Kadung jien daong pacang caga bala meng langik tasik gah kreh negar brei thau: Pak bhum taneran kraong Cửu Long tua riya pandiak bhang dak harei dak trak ye sa dalam dom jalan ngak nan lac padang công trình piah yam tal bruk lac taong abih dom xã hu aia hacih, aia taba ginup; ba aia meng dom kraong craoh pak akaok halau. Padang dom balai halang aia tuk mek aia ngầm tagok piah halang tapa.

#/ Piah pasiam bruk kurang ia taba piah pandar song pala drak, urak ni, urang nong di huyện palao Tân Phú Đông, tỉnh Tiền Giang dok duah dom jalan patak patom ia. Dom sang bein di pulao daok mek pong, bao ni long me-om tagok gha phun mbang baoh piah abih takik ia pruh bo phun oh metai. Urang nong kham merat kuac raok bingun, khik piah ia taba. Kayua yau nan ye bo urak ni, rilo boh sang dok ginup ia taba piah pandar.  

          # Tỉnh Trà Vinh bahrau peih Nyaom biai pok meyaom urang hu angan je dalam bhap bani urang bangsa takik thun 2014 - 2015. Hu mbaok dalam nyaom biai hu 430 urang lambaok ka bhap bani Khmer daok pak dom ấp, khóm dalam tỉnh palih ruah lac urang hu angan je. Tapa nan, Ủy ban Bhap bani tỉnh Trà Vinh hu pok meyaom 160 urang hu angan je naih gheih, ngak hu rilo bruk dalam jak ba bhap bani urang bangsa takik peih ngak siam dom bruk pakacah gauk ranam taneh aia, dom sarak, hukum di Đảng, Karja.

          #/ Labaih 45 anek saih bangsa Khmer di huyện bhum ceik Tri Tôn, tỉnh An Giang, kham merat yam tapa kan kandah bac da-a naih joi taduan hu pok jien bac Vừ A Dính. Dalam thun bac 2015 – 2016 hu 5000 pok jien bac Vừ A Dính yaom labaih 5 tỷ đồng hu brei ka anek saih, SV bangsa takik hu rai duik kan kandah bac da-a naih joi dalam taneh ia song anek saih yam tapa kan kandah di bhum palao tasik di taneh ia. Meng tuk padang tagok (harei 5/9/1999) mbiah tal ni, kadung jien bac Vừ A Dính hu brei labaih 50.000 pok jien bac ka anek saih bangsa takik yam tapa kan kandah bac da-a naih joi.

          # Sở Ilamo, padhih saong rivang pambuak haong Đoàn khối dom jabat tỉnh Đồng Tháp saong Gilang tapuk Khoa học tổng hợp bal raya Hồ Chí Minh peih danak dak chuyến radaih tri thức pak dom xã tapen negar tỉnh Đồng Tháp, hu labaih 3.000 tài liệu, tapa nan daong ka bhap bani hu  puac tapuk, báo, duah thau dom cơ sở dữ liệu, thông tin internet, mong phim. Danak dak piah pachreih bruk bac tapuk dalam bhap bani, pabak hatai caong khin, bac megru luac rai di bhap bani, daong paglaong ilamu ngak bruk, paglaong akaok sahneng, pasiam chất lượng rai diuk dak harei dak patagok.

Nhạc cắt

          Patui di ni dom khau tin dunya:

          #/ Urang jakar ngak praong di  Inđônêsia hu panuac lac mbuan hu riyah khang di ban Pa-dang, pasak tỉnh  gah pai Su-ma-tra, hadei di mbang megei boh taneh khang 7,8 độ ríchte rah tabiak harei 1/3. Hadei di panuac khan nan, bhap bini  di Pa-dang samar nao tal dom labik glong jang. Dalam tuk nan karja palei brei thau, bruk njauk ngak dahlau di karja nan lac panduan ba bhap bini dok di dom bhum tapen tasik, pandar rilo janih chuyên dụng piah dong panduan ba bhap bini.

          # Mentri Khik iek môi trường Trung Quốc brei thau, jeng daok hu 163 bal dalam negar Trung Quốc brei thau ka bruk ô nhiễm không khí trak. Bal Đường Sơn pak tỉnh Hà Bắc saong Phụ Dương di tỉnh An Huy nan lac dom labik ô nhiễm trak abih. Mentri Bảo vệ môi trường Trung Quốc kuhria mboh lac ô nhiễm không khí meng Bắc Kinh-Thiên Tân saong Hà Bắc meda dui atah tal melam 4/3, tuk langik tasik siam veik ngak par dhuk mul.

           #/ Ngan saong rilo menuac, daok la ngak bruk gam 8 tuk ye bruk ndih laho lac biak siam, kayua nyu hu mong lac tuk vak ameh piah pabak năng lượng song pasiam hatai sahaneng. Tapa nan, công ty Nep Lon-gi (Nap Launge) di Hong Kong, hu ngak tabiak dịch vụ kinh doanh ndih liho katut ka dom urang ngak văn phòng, dong ka urang patrun căng thẳng song mboh chreih chrai jang hadei di tuk ngak bruk. Tok buh tabiak 30 ribau đồng, dom Doanh nhân atau urang ngak văn phòng meda nao tal dịch vụ di công ty ni piah hu ndih liho dalam sa tuk./.