# Ủy ban Bhap bani tỉnh Thanh Hóa bahrau tabiak Quyết định brei parabha labaih 39 tỷ đồng jien daong mbang var jala ka uranaih sang bac mầm non, mẫu giáo meng 3 tal 5 thun tagok dalam tỉnh. Ini lac sarak daong biak hu makna, tapa nan hu rilo pandap mbang jang, pabak dinh dưỡng, daong khik grap tanat sĩ số tal bac di dom bhum ceik glaong, bhum pulao kaoh kan kandah. Tui nan, meng học kỳ II thun bac ini, labaih 65.000 kamuac meng 3 tal 5 thun hu daong brei jien mbang van jala.

#/ Anak bruk bèo tây dok tamuh samar song pacang sre 1,7 triệu  m2 mbaok krong, craoh, bingun, danao, mblang hamu, tỉnh Thừa tiên-Huế brei buh tabiak 5 tỷ đồng meng kadung jien karja tinh brei ka dom puk palei, piah xử lý ka nyu abih bruk ni. Di ban Huế, dom baoh krong prong yau Ngự Hà, Phát Lát, Như Ý, Đông Ba, Bạch Yến... tal bilan pandiak ye bèo tây tamuh rilo pacang abih jalan ia song hareik ndaong bak angaok mbaok krong. Di rilo bhum palei dalam tỉnh, bèo dok hu dalam mblang hamu, ngak kan kandah, abih jien pataom mek tuk urang nong dok yam tame bilan padai  đông xuân.

# Urak ini tỉnh Đồng Nai hu jaik 1.400 urang njuk jru phien ma túy hu điều trị meng Methadone. Ong Huỳnh Minh Hoàn, Akaok Sở Y tế Đồng Nai brei thau: danak dak điều trị ka urang njuk jru phien ma túy meng Methadone hu tỉnh Đồng Nai peih ngak meng thun 2014. Meng nan tal ini, tỉnh hu buh pren yava, jien padai piah padang ngak saong ba tame pandar 4 pasak điều trị. Điều trị meng Methadone hu daong pasiam veik pren yava ka urang nghiện, daong ka urang nghiện klaak ma túy, paglaong rai diuk. Taphia di nan, tỉnh pataom tame pathau khan, pato tacei adat hukum pacang caga ma túy, abih di nyu nan lac di dom labik trọng điểm, labik atah bayah. 

#/ Bahrau ini, Chi cục Thú y tỉnh Bình Dương hu  xử phạt 40 triệu đồng 2 po trang trại rong pabui di phường Bình Nhâm, ban sit Thuận An (Bình Dương) pandar chất tạo nạc dalam rong glang ka tapon pabui 400 drei. Dahlau di nan, gah chức năng hu mek mẫu dut iek tapon pabui rong di sang ong Lương Văn Dũng song ong Lê Long Hồ hu mboh tong abih tapon pabui jiak 400 drei dương tính song chất cấm; dalam nan hu labaih 200 drei pabui trak 80kg dok kuhria pablei jeng hu gam  chất cấm beta-agonist (sa janih jru palimek) oh brei pandar dalam bruk rong glang.

# Tui ong Nguyễn Thiện Pháp, Akaok Chi cục Thủy lợi saong pacang caga ribuk aia sua, Sở Ngak nong saong patagok palei pala tỉnh Tiền Giang, bala meng langik tasik tua riya pandiak bhang saong njaom mbak dalam dom harei tapa nyu ngak ka labaih 3.200 ha padai Đông Xuân dalam tỉnh khut khat. Dahlau di nan, piah pacang caga tua riya pandiak bhang saong njaom mbak ka padai Đông Xuân pak dom huyện. Tỉnh Tiền Giang hu pabak tame 16 sruh gilai bơm njuk aia lưu động ngan haong 32 mac bơm njuk mek aia taba ka dom ribaong kraong nội đồng. Kuhria tal urak ini, dom labik nan hu peih labaih 502.000 tuk bơm ba aia taba tagok hamu pacang cakak bhang pandiak daong ka phun padai.

#/ Piah jhul pakhang bruk padang ngak song tagok ngak nong, urang nong song palei pala, akaok UB bhap bini tỉnh Cà Mau hu mbaoh tangin brei adat peih ngak 11 dự án padang ngak cơ sở hạ tầng ngak nong palei pala song yaom phun jien tagok tal 535 tỷ đồng, dalam nan, hu 72 tỷ đồng phun jien meng kadung jien karja, dok veik hadom meng dom kadung jien karei. Ni lac phun jien ưu đãi tui danak dak patagok ngak nong palei pala di rajaei. Danak dak ni piah pachreih DN hu mbaok tame ngak mbang gah ngak nong palei pala dalam nan hu patagok bruk ngak ikan, ngak nong, ngak glai.

Patui di ni dom khau tin dunya:

# Takik di abih 49 urang metai saong yaok pluh urang kakrei njauk rambuis dalam dom mbang njauk bala pambuak tal hajan prong dui atah rah tabiak di Gin-gítBan-ti-xtan (Gilgit Baltistan) saong tỉnh Khi-bê Pắc-tun-khoa (Khyber Pakhtunkhwa) di Pakistan dalam luac 24 tuk tapa. Dalam nan labik njauk trak di abih lac tỉnh Khi-bê Pắc-tun-khoa. Hajan prong dui atah ngak ka 37 urang metai saong 27 urang karei njauk rambuis dalam tỉnh. Thủ tướng Pakistan Na-oa Xa-ríp(Nawaz Sharif) hu payua panuac klah rabha pandik harao haong dom baoh sang njauk bala, taphia di nan tacei pato dom gah chức năng peih bruk daong dom labik njauk bala nan.

           #/ Sa bala jalan pasei trak rah tabiak harei ¾ jiak ban Phi-la-đen-phi-a (Philadelphia), di tiểu bang Phi-la-đen-phi-a, Mỹ ngak ka 2 urang metai song 35 urang karei njauk rambuac. Bala rah tabiak tuk kapan pajeng tuai  Am-trắc (Amtrak), di angaok jalan meng ban Niu Yóoc (New York) tal bang Gióoc-di-a (Georgia), nyu paoh tame sa sruh randaih xúc, ngak ka akaok radaih pasei blait jalan.

# Tapa duah thau hatai saneng di bhap bani kayua blah Quan sát  (Observe) di Anh brei thau harei kabroi mboh lac, urang pachreih tui bruk Anh tabiak truh Liên minh Châu Âu (Brexit) daok dang akaok. Harei 23/6 tới, bhap bani Anh meda buh phiếu dalam mbang trưng cầu dân ý ka bruk daok veik atau tabiak truh Liên minh Châu Âu. Dahlau di nan, Gilang pariak Trung ương Anh (BoE) jeng hu ba tabiak panuac lac kinh tế negar ini medadang anak bruk kurang phun jien brei mesre meyah bhap bani pachreih tui bruk negar ini tabiak truh Liên minh Châu Âu./.