1 Harei ni, 23/11, nyaom biai mbang ka 10, QH mbang 13 tapa adit ngak bruk puac di abih. Mesup QH njauk hatai brei tapa hukum  thống kê (pasiam veik) song ginum biai ka dự án hukum khik caga iek glang song pato pakai uranaih ( pasiam veik). Beir harei, Qh brei tapa hukum khí tượng thủy văn song ginum biai ka dự án hukum mbaoh tangin ba drei tame saong peih ngak hukum dunya ( pasiam)

2/ Muinyim ilamu Huế peih bruk parang iek chuyên đề “ Dom thoat binguk, pandap panda ka doh Huế song pandap lan am ký kiểu saman Nguyễn”. Ni lac bruk ngak pahadar 70 thun harei Chủ tịch Hồ Chí Minh mbaoh tangin tame harak khik ramik dalikan di VN song 10 thun harei inem krung ilamu VN. Tui nan, parang eik yaih khan tal bhap bini labaih 60 inem krung, thaot binguk pagam tal sajarah dak rai song patagok doh Huế song dom lagu lagam, harak tư liệu ka doh Huế. Urang roh duah pandap klak Nguyễn Hữu Hoàng brei thau:

Mbang parang iek ni drei khin yaih khan ka bhap bini meng dom pandap klak ndung mbak ilamu sajarah dak rai di VN. Rilo meng lac pandap lan am ký kiểu, đồ ngự dụng song đồ quan dụng tapa dom saman patau di VN meng saman Lê Trịnh, saman chúa Nguyễn song saman patau Nguyễn.

3/ Tui Sở Y tế ban sit Đà Nẵng, labaih meteh bilan mai ni, jit ruak pandiak tabiak darah rah tabiak khang, urang njauk ruak tagok glong. Urak ni, di Đà Nẵng hu labaih 1000 urang ruak pandiak tabiak darah, dalam nan 2 quận Liên Chiểu song  Sơn Trà hu labaih meteh urang ruak. Bác sỹ Ngô Thị Kim Yến, Akaok Sở Y tế ban sit Đà Nẵng brei thau

 Tapa tuk vak tui iek song duah thau ye kol hulin mboh lac jit ruak pandiak tabiak darah tagok glong, dak harei dak rilo. Song abih di nyu nan lac urang ruak trak tagok glong. Bruk ni ngak ka gah y tế kol hulin biak dut hatai. Sa dalam dom jalan peih bruk pacang caga jit jeng tui kadha “pametai bọ gậy, lăng quăng lac oh hu jit ruak pandiak tabiak darah.

          4/ Meng rilo thun ni mai, tỉnh Khánh Hòa brei jien bac atau brah ka anek saih. Min bruk klak bac oh patrun. 3 thun ni mai, dom sang bac hu salih tapa pato 2 var yaok harei song brei anek saih mbang kreih pandiak di sang bac ngan song yaom jien 260 ribau đồng sa bilan ka sa adei. Di huyện Vĩnh khánh urak ni hu labaih 2.500 anek saih tagok tal 80% anek saih tiểu học lac urang bangsa takik hu mbang kreih pandiak di sang bac. Bruk gam bac gam dok song hu var lisei ka anek saih urak ni hu peih ngak di 13 sang bac tiểu học song 15 sang bac mầm non dalam huyện.

          5/ Gam song dom tỉnh gah merong, di tỉnh Gia Lai ruak pandiak tabiak darah dok tagok khang, hu yaok ribau urang ruak song hu sa urang metai. Meng akaok thun tal ni, gah y tế tỉnh Gia Lai hu labaih 2.100 urang ruak mai iek ruak di dom cơ sở y tế dalam tỉnh. Dut song tuk vak ni thun dahlau, urang ruak pandiak tabiak darah di tỉnh tagok jang 10 mbang.

6/ Tapa 10 thun padang tagok, sang bac Mẫu giáo Tịnh Nghiêm kayua Ni sư Thích nữ Tịnh Nghiêm - Trưởng Ban  Từ thiện, Hội Phật giáo tỉnh Tiền Giang padang tabiak hu taduan rong jiak 3000 uranaih kan kathaot di ban sit Mỹ Tho, dalam nan hu 2000 uranaih dok hu sang bac rong, pato ka labaih 1.700 uranaih dok bac mầm non. Bruk njauk nyai nan lac dom uranaih dalam sang bac hu mbang bac saoh. Pok jien di sang bac kayua Ni sư Thích nữ Tịnh Nghiêm jak ba meng dom urang ngak pahla dok atah jiak dong brei.

7/ Bahrau ni di mblang bein Hồ Bán nguyệt, khu đô thị Phú Mỹ Hưng, Quận 7,ban raya Hồ Chí Minh, danak dak “ Harei pataom bingu  Hướng Dương ka uranaih ruak ung thư thun 2015” hu kapul Liên hiệp dam dara ban raya Hồ Chí Minh song Báo Tuổi trẻ peih ngak song rilo bruk chreih chrai cambaih laih. Danak dak hu labaih 3 ribau dam dara mai hu mbaok song rik dong ka dom bruk yau “ nao takai, “ Pren khang piah anit ranam gauk” pablei dom janih pandap piah padang kadung jien. 

          Patui di ni dom khau tin dunya:

          Harei kabroi 22/11 di pasak nyaom biai Kuala Lumpur hu rah tabiak dalam praong prang nyom biai pakat glong ASEAN mbang ka  27 song dom nyaom biai hu pagam tal. Pok panuac di labik nan, thủ tướng Malaysia Najib Razak (Na-gíp Ra-dắc) brei thau, dom negar thành viên ASEAN hu mong mboh jalan ngak dalam sajarah dak rai di labik nan lac bruk mbaoh tangin tame harak Tuyên bố ka bruk padang ngak bhap bini ASEAN, jang yau brei tapa song mbaoh tangin tame harak Tuyên bố Kuala Lumpur ka bruk pamong tal ASEAN 2025, song jalan ngak ka ASEAN dalam 10 thun anak tal

          9/ Harei kabroi 22/11 di sang bac Sư Phạm Quảng Tây (Trung Quốc), Kapul anek saih Việt Nam di Quế Lâm pambuak bruk song Tổng Lãnh sự quán Việt Nam di Quảng Tây peih “ Harei ilamu VN”  Ni lac bruk ngak piah patagok bruk yaih khan, ilamu, taneh ia song anek menuac VN, patagok talei rohim di anek saih VN song sang bac song sinh viên Trung Quốc jang yau anek saih  di 60 negar dok tui bac di Quế Lâm. 

10/ Urang vak di rayo sap ndom VN dok di CPC brei thau: Bruk an ninh di CPC hu tagok khang dahlau di tuk nao rivang di Thủ tướng Nga Mét-vê-đép (Dmitry Medvedev) meng harei 22 tal harei 24/11. Tư lệnh cảnh sát negar Campuchia Nét Sa-vươn (Neth Savoeun) brei thau hu labaih 10 ribau nhân viên an ninh hu peih ngak di dom labik prong di ban Xiêm Riệp (Siem Riep) song ban ine  Phnôm Pênh dalam tuk vak Thủ tướng Nga mai rivang negar Campuchia.