#/ Rajaei bahrau patabiak sarak 01/NQ-CP ka bruk tacei pato jalan  peih ngak bruk patagok KTXH song kadung jien karja thun 2016. Dom kadha praong hu ba tabiak dalam thun ni yau tổng sản phẩm dalam negar (GDP) tagok labaih 6,7%; tổng kim ngạch xuất khẩu tagok labaih 10%;  boh sang kan kathaot tui tanut kan kathaot  rilo gah trun 1,3-1,5%.

          # Tổng công ty Truyền tải menyak negar brei thau, dalam thun 2015, Tổng công ty ramik pataom hu phun jien brei ka 44 dự án, ngan saong yaom  jien abih tih lac 14.012 tỷ đồng; dalam nan ramik pataom jien dalam taneh ia 7.582 tỷ đồng saong ramik pataom jien di taneh ia langiu abih tih sumu 6.430 tỷ đồng. Meng bruk ngak ini, mboh lac dom dự án jalan menyek daok ngak saong peih ngak dalam thun 2016 hu ginup jien mesraiy, khik ka dom dự án ini hu peih ngak tui njauk bruk ba tabiak dalam thun 2016. 

#/ UB bhap bini ban Đà Nẵng bahrau njauk hatai brei dom hãng kapan du lịch tasik hu adat peih cửa hàng miễn thuế atau dom  dịch vụ di angaok kapan yau casino tuk pataok bến song piah pabak ka tuai ndih melam di cảng Tiên Sa. Tui kuhria dalam thun ni, ban ĐN hu taduan labaih 100.000 urang song labaih 110 mbang kapan pataok  tame cảng Tiên Sa. Ong Trần Chí Cường, Phó Giám đốc Sở ilamu Thể thao song Du lịch ban Đà Nẵng brei thau

Sa kapan du lịch tuk pataok cảng ĐN bhian hu rilo dịch vụ yau mbang menyum, vũ trường, cửa hàng miễn thuế, bloh dom dịch vụ karei karei.Hu dom kapan hu casino, hu kapan oh hu. Dịch vụ di angaok kapan nan tuk likau brei peih ye urak ni hu jao ka Bộ đội Biên phòng nghiên cứu, dịch vụ halei karjha oh brei song meda peih hu ye dom kapan peih ngak piah dui atah tuk vak dok veik palagaih ka bruk dut ka tuai siam jang .

# Tame tuk Tết Nguyên đán, bruk pablei salih, pajeng ba pháo lậu di bhum tapeng negar pabak mbang negar Lao Bảo, tỉnh Quảng Trị daok panidak tagok. Anak dom bruk tinh vi di kol pablei salih lậu, gah chức năng di bhum tapeng negar abih di nyu nan lac  bộ đội biên phòng daok paglaong bruk tui iek, dang cakak bruk pablei salih pháo lậu tapa jalan nagar. Gam saong bruk pandar dom pandap, jamraik barau piah pasang iek, Bộ Chỉ huy Biên phòng tỉnh Quảng Trị hu patagok kapul piah dut iek meng meta, abih di nyu nan lac radaih ô tô.

#/ Tui Thường trực mban tacei jalan Tây Nguyên, dom tỉnh Tây Nguyen kham merat peih ngak rilo jalan piah dong ka dom boh sang kan kathaot patagok bruk ngak mbang pablei salih, dak harei dak patruh kan kathaot khang kajap. Kayua yau nan ye, thun bloh dom tỉnh Tây Nguyên patrun hu labaih 35.000 boh sang ( trun jiak 3%, dalam nan boh sang kan kathaot mik va bangsa takik patrun 4,5%

# Meng 4 tuk pagaiy 10/1, Bến radaih Miền Đông, ban raya Hồ Chí Minh peih pablei vé ka dom tuai caong khin nao dom tỉnh Tây Nguyên saong gah Brak di harei Tết Nguyên đán Bính Thân. Thun ini, mbang akaok mereip bến radaih Miền Đông ba tame pandar bruk pablei vé radaih tapa mạng. Kuhria caga thun ini, lượng tuai tani tanat sumu thun dahlau, bến radaih meda pablei tabiak jaik 400 rabau vé ka tuai di 10 harei jaik Tết.

#/ Piah hu ginup rilaow that, pabak ka darak pasa Tết nguyên đán anek sak kara 2016, dom công ty song boh sang rong glang di tÂy Ninh kuhria caga labaih 20.000 drei pabui( samu jiak 2.000 tấn rilaow) piah pablei ka darak pasa. Tuk vak pablei  tết meng harei 1 tal harei 6/2 ( njauk tame harei 23 tal harei 28 bilan mat) .

Patui di ni dom khau tin dunya

# Jaik 50% bhap bini Đức pachreih tui bruk trun takkik urang tị nạn hu raok tame  taneh ia ini yaok thun. Tui duah thau di dom phương tiện truyền thông Đức harei 10 bilan 1, jaik 50% bhap bini taneh ia ini caong rajaei tok taduan raok 200 rabau urang tị nạn yaok thun. Dalm tuk nan hu jaik 44%  bhapbini oh khin taduan raok urang tị nạn.

#/ Harei kabroi 10/1, QH bahrau di Ai Cập hu peih nyaom ginum biai camereip hadei di 3 thun padeih. Mbang nyaom hu mbaok 592 dalam abih tih 596 nghị sỹ hu pok ngak song palih ruah dalam mbang bầu cử  dui atah meng bilan 10 thun dahlau tal akaok bilan sa thun ni. Tui nan, Nghị sỹ A-li An (Ali Abdel Al) sa giáo sư luật học um 68 thun song lac urang dalam liên minh tranh cử hu angann “kayua hatai ranam taneh Ai Cập” hu yam tapa 6 ứng cử viên karei piah hu palih ruah ngak Chủ tịch Quốc hội bahrau di Ai Cập.  

# Thông cáo di mintri Thông tin, ilimo saong Du lịch Lào brei thau, tuai dunya mai Lào di thun 2015 kuhria hu 4,3 triệu urang, tagok 4% duk saong thun 2014, ba jien tame jaik 670 triệu Đô la Mỹ.  Piah jhuk pakhang, pachreih patagok du lịch, rajaei Lào hu ba tabiak jalan ngak klau patagok, nan lac patagok  du lịch sinh thái di dom bhum palei pala; jhul pakhang bruk patagok khang kajap gah du lịch saong daong talei pambuak bruk di karja saong doanh nghiep tư nhân dalam bruk patagok du lịch sinh thái./.