#/ Tui mban khik ramik inem krung song labik mekre Hương Sơn, bilan lễ hội thun ni, chùa Hương tuaduan labaih 1 triệu 500 tuia, rilo jang 10% dut song tuk vak ni thun dahlau. Ong Nguyễn Chí Thanh, akaok mban khik ramik ndom lac, lễ hội chùa Hương thun ni hu siam mekre. Lễ hội hu tani tanat, oh hu bruk hagait rah tabiak, bruk tiêu cực hu patrun pataik. Bruk salih jien rai, tual rilaow metah ngak kandah meta yau dom thun dahlau oh dok rah tabiak, bruk iek ho, pablei văn hóa phẩm oh hu adat brei pablei oh dok tra. 

#/ Di ban sit Sầm Sơn, tỉnh Thanh Hóa, Bảo hiểm xã hội Việt Nam peih nyaom meyai pasram megru, pabak ilamu gah BHXH, BHYT ka jaik 100 urang vak di dom jabat thông tấn báo chí. Nyaom meyai piah patagok labik dang di dom jabat thông tấn báo chí dalam bruk ba jalan brei menuac sia ka bruk pathau khan peih ngak sarak BHXH, BHYT.

#/ Tỉnh ủy Quảng Nam peih bruk pataom iek veik 5 thun peih ngak sarak 02-NQ/TU di Tỉnh ủy Quảng Nam patagok bruk khik caga chủ quyền tapen negar, palao tasik dalam tuk vak bahrau, peih ngak dom bruk prong dalam tuk vak anak tal. Dom pakat, dom gah, đơn vị, doanh nghiệp jhul pakhang bruk pambuak talei rohim, dong  dom puk palei di tapen negar palao kaoh song dom đồn biên phòng meng dom bruk ngak cambaih laih, peih ngak dom danak dak ka bruk padang ngak jalan mbak, patagok KTXH bhum tapen negar palao kaoh.

#/ UB bhap bini huyện Tân Châu, tỉnh Tây Ninh peih pakak sang ilamu bangsa di palei Tân Đông, xã Tân Thành. huyện Tân Châu. Công trình hu padang ngak di taneh praong labaih 262 m2, saong yaom jien ngak abih labaih 1,1 tỷ đồng, kayua mban khik iek dom baha Núi Bà Tây Ninh, Bộ tư lệnh Quân đoàn 4 saong phun jien ba tangin tame padang ngak palei pala barau di huyện Tân Châu daong padang ngak. Hu thau, palei Tân Đông xã Tân Thành urak ini hu labaih 170 baoh sang bangsa Tà Mun ngan saong labaih 700 menuac. Dom thun tapa, Đảng, karja  sangka padang ngak sang jum pataom; ngak jalan mbak nao mai; pabak jalan ba ia hacih… rik daong salih barau rai diuk ka mikva labik ini.

#/ Piah daong pahadah hatai khin ka anek saih SV kan kathaot takre bac megru hu nao tal sang bac, Danak dak pok jien bac ““SCG sa hatai cong khin”  thun ni hu jao 400 pok jien bac  yaom abih tih 1 tỷ 600 triệu đồng ka anek saih, SV dom Bình Dương, Đồng Nai, Bình Phước, Bà Rịa - Vũng Tàu, Tây Ninh, Bình Thuận, ban raya Hồ Chí Minh song Hà Nội.Danak dak hu padahah hatai khin ka 3.600 anek saih SV di grauk labik dalam negar, dong ka dom adei tui jalan caong khin di drei song jeng dom urang naih gheih di taneh ia.

#/ Barau ini, di ban sit Mỹ Tho, tỉnh Tiền Giang hu peih bruk brei thau quyết định di thủ tướng rajaei công nhận ban sit Mỹ Tho lac đô thị janih I di tỉnh Tiền Giang. Mai pataom mbaok, hu amuk Tòng Thị Phóng, Ủy viên mintri Chính trị, Phaok akaok Quốc hội; dom urang dang akaok dom Sở, ban ngành di tỉnh saong labaih 2.000 bhap bini ban sit Mỹ Tho. Dalam tukvak tal, tỉnh Tiền Giang brei patagok  ban Mỹ Tho lac pasak pakat bhum, đô thị hạt nhân patagok gah Tây Nam di ban raya HCM, đô thị pasak tiểu vùng gah brak di bhum taneran kraong Cửu Long.

          #/ Sở pato megru daok kuhria peih harei pataom thể thao anek saih jaoh jo di ban raya HCM mbang ka 5 thun 2016, rah tabiak di harei 8/5 di sang pakacah Thể thao sang bac Trung học phổ thông năng khiếu thể dục thể thao Nguyễn Thị Định. Harei patom ini caik ka anek saih jaoh jo dok bac di dom sang bac phổ thông dalam ban raya, umo meng 11 -16 thun. Langiu bruk pakacah dom janih yau nduac, dui co, bóng bàn… harei pataom dok hu rilo bruk yau diễu hành, trò chơi vận động tập thể ( brei ka anek saih tanyaoh)

Nhạc cắt

          Patui di ni dom khau tin dunya:

#/ Mintri y tế Braxin barau brei thau, dom urang njom vi-rút Zika, vi-rút ngak brei akaok sit di anek kamar, di taneh ia ini tagok tal labaih 91 ribau urang. Cambaih laih nan lac, dalam tukvak meng harei 3/1 tal harei 20/4 meng bloh. Tal tukvak ini jeng oh ka hu vacxin pacang cakak atau jru iek ruak Zika.

#/ Hàn Quốc song Mỹ ginum baiai njauk gauk brei pambuak bruk roh duah song pandar  vũ trụ ka bruk siam mekre. Mintri  Ngoại giao Hàn Quốc bahrau brei thau, Ngoại trưởng Hàn Quốc Y-un Biêng-xơ (Yun Byung-se) song Đại sứ Mỹ di Hàn Quốc Mắc Lip-pớt (Mark Lippert) hu mbaoh tangin tame harak pambuak bruk nan di tuk peih ginum biai không gian vũ trụ Mỹ-Hàn mbang ka 2 di ban ine Xơ-un.

# / Tui harak pathau khan hu rajaei Anh ba tabiak, hu jaik 1 ribau urang di Anh metai yaok adit kayua njauk dom janih ruak pambuak tal ô nhiễm không khí. Harak pathau khan hu angan chất lượng không khí, kayua UB dom bruk môi trường, pandap mbang saong palei pala di QH Anh peih ngak jeng hu ndom tal yaom galong di bruk padang ngak dom labik không khí hacih ka dom ban sit saong ban praong di Anh piah palahik dom bruk mbuan ba tal ruak gah tim mạch, hô hấp saong dom ruak kayua ô nhiễm không khí ./.