1/ Mesap harei ni, QH caik abih harei piah ginum biai di Hội trường ka bruk tong yaom pabak bruk peih ngak danak dak patagok KTXH song kadung jien karja thun 2013, bruk khik ginup kadung jien TƯ song kadung jien tỉnh ban thun 2013, bruk peih ngak danak dak patagok KTXH song kadung jien karja dom bilan akaok thun 2014.

2/ Harei ini, 2/6, labaih 910 ribau anek saih tal 12 dalam taneh ia yam tame mbang pakacah tamat THPT thun 2014 ngan saong labaih 437 ribau anek saih tut angan tame pakacah. Mbang pakacah thun ini hu kadha barau nan lac langiu 2 kadha pakacah bắt buộc nan lac Ngữ văn saong toán ye dom anek saih hu eng drei palih ruah kadha pakacah dalam 6 kadha nan lac vật lý, hóa học, Sinh học, Lịch sử, Địa lý saong Ngoại ngữ.            

3/ Harei kabroi, lac harei dunya uranaih 1/6, dalam negar hu rah tabiak dom bruk ngak brei ka dom anek naih.

Di HN, phaok akaok negar Nguyễn Thị Doan  hu nao rivang song alin hadaih pandap ka 70 uranaih ruak ung thư dok iek ruak di Khoa Nhi, sang iek ruak K cơ sở Tân Triều, yaok pok pandap yaom labaih 2 triệu đồng. Phaok akaok negar ndom lac:

      Anak tal, di labik ini rilo meng lac urang ruak ung thư, bruk duik, bruk metai lac dok dalam tangin yau nan ye caong khin dom gru jru kham merat abih drei. Dahlau di abih nan lac dong ka urang ruak tapa kan kandah, hadei di nan iek ruak biak siam, bruk mbang menyum iek glang song ngak yau habar piah boh sang dom adei mboh jia tame,  abih di nyu nan lac ba mai bui sambai song haniem phol ka dom adei.

Jeng daalm mbang ni, tỉnh Gia Lai hu peih mbaok dom bruk ngak bilan hè song peih tabiak bilan ngak brei ka uranaih, hu mbaok  600 urang đoàn, thanh thiếu nhi dok dalam ban sit paleiKu. Tapa nan, tỉnh hu brei 15 pok jien bac ka 15 uranaih yam tapa kan kandah bac da-a naih joi, song yaom jien abih tih 15 triệu đồng.  

         Di tỉnh Đắc Lắc, Kapul halan hatian ngak bruk pahla “gavang tangin anit ranam” hu nao rivang,  brei pandap song peih bruk main sambai, doh tamia ka dom anek saih bangsa takik dok di bhum atah bayah di tỉnh. Adei  Êban (bangsa Ê Đê, anek saih tal bac 4) lac

Adei biak kham merat dalam thun bac meng bloh, song adei mek hu angan anek saih naih joi. Harei ni adei hu mbaok dalam danak dak di harei dunya uranaih, adei taduan hu pok pandap di dom sa-ai dalam danak dak Gavang tangin anit ranam” adei mboh biak bui sambai.

4/ Tỉnh Lâm Đồng daok patagok bruk phổ cập pato megru mầm non ka uranaih umo 5 thun, dalam nan tỉnh hu pabak phun jien padang ngak ka dpm sang bac mầm non daok padang ngak piah khik njauk tukvak padang ngak dalam thun ini.

5/ Harei 1/6 di huyện palao Lý Sơn tỉnh Quảng Ngãi, Tổng Công ty Cổ phần Bảo hiểm Bảo Long di ban raya Hồ Chí Minh pambuak bruk song Tỉnh Đoàn Quảng Ngãi hu peih danak dak “Rik pren yava sa hatung hatai song urang tong chap ikan di Lý Sơn tabiak tasik”. Danak dak ni hu dong 400 triệu đồng ka Nghiệp đoàn tong chap ikan, dom urang tong ikan di huyện palao Lý Sơn njauk kapan ikan TQ ginuh tuk dok tong ikan di angaok tasik Hoàng Sa di VN.

 Patui di ini dom khau tin dunya:

6/ Harei 1/6, pasak duah thau hatai sahneng di bhap bini Thái lan (DUSIT) brei thau, tapa duah thau mboh lac, labaih 91% dom urang hu tangiu sua ndom lac brei hu sa bruk salih barau chính trị di taneh ia ini. Dom urang hu tangi sua ndom lac, dom srau kadau di TL nan mai meng bruk oh njauk gauk gah chính trị dalam xã hội. Kayua yau nan ye bruk njauk ngak di urak ini nan lac salih barau chính trị.

7/ Tổng thống Mỹ Ba-rắc Ô-ba-ma  hu panuac sinya lac meda ba abih dom tù nhân chiến tranh di Mỹ njauk chap kreik di negar langiu mai veik taneh ia. Panuac nan di ong Ô-ba-ma hu ba tabiak dalam tuk lin Mỹ  Béc-đan (Bowe Bergdahl njauk kol Taliban chap kreih di Áp-ga-ni-xtan 5 thun dahlau  hu trả tự do song dok di angaok jalan  mai veik taneh ia Mỹ.

8/ Ceik pui Xan-gê-an (Sangean) daok di labik gah kreih negar In-đô-nê-xi-a harei (31/5) nyu ralo mbang pruh tagok dhur mur ngak ka labaih 7 ribau urang njauk nduac nao labik karei. Jabat bala meng langik tasik In-đô-nê-xi-a hu peih brei labaih 1 ribau 500 khẩu trang ka bhap bini./.