1/ Phó Thủ tướng rajaei Nguyễn Xuân Phúc song kapul urang QH tỉnh Quảng Nam bahrau taom gaok cử tri ban sit Điện Bàn dahlau di mbang nyaom ka 10 QH mbang 13. Phó thủ tướng Nguyễn Xuân Phúc caong lac, ban sit Điện Bàn njauk salih khang jalan ngak nong, ilamu đô thị, paglaong rai duik bhap bini

2# Tỉnh đoàn Đắc Lắc barau peih bruk tabiak “ harei roya an toan jalan mbak” saong tabiak mbaok kapul dam dara ngak bruk samal daong urang njauk bala angaok jalan Hồ Chí Minh. Harei roya pachreih labaih 1.200 urang đoàn, dam dara, anek saih pataom tame rilo bruk ngak ye : nao takai pathau khan giao thông; pakacah “Rung chuông vàng” ngan saong kadha giao thông, pakacah ndik radaih joi bằng A1, pakacah hatai sahneng sit ka pathau khan giao thông...

3/ Thành đoàn Đà Nẵng bahrau peih “ Melam pataom ia bilan m\bak boh” pachreih hu jiak 1000 uranaih, uranaih kan kathaot, uranaih jaoh yo dok di ban sit mai hu mbaok. Di labik ni dom adei hu doh tako, iek múa lân. Jeng tapa nan, Thành đoàn Đà Nẵng hu pok meyaqom 23 Liên đội naih gheih “ribau bruk siam”,  jao thưởng pakacah đèn lồng. Brei jiak 600 pok pandap, yaok pok yaom 400 ribau đồng ka uranaih kan kathaot dok dalam ban sit.

 4# Dalam tuk Tết Trung thu, rayo paparsap papar binguk tỉnh Đắk Nông pambuak bruk saong Tỉnh đoàn peih danakdak “bui sambai roya ia bilan bak baok – pambuak pagam anit ranam”. Mban peih ngak dandakdak aln 90 paok jien bac, yaok paok yaom 500.000 đồng ka anek saih kathaot yam tapa kan kandah bac da-a naih joi; alin 1.000 paok pandap hu tapuk, ahar kẹo…ka uraniah kathaot di ban sit Gia Nghĩa. 

5/ Dom harei tapa, urang pang akaok tỉnh song dom mban, ngành, kapul nyaom dom palei pala dalam tỉnh Hậu Giang hu peih bruk taom gaok brei pandap yaom labaih 500 triệu đồng song rilo bruk main bui sambai ka 3000 uranaih kan kathaot dok di dom puk palei yau ban sit Long Mỹ xã atah bayah Phương Phú, huyện Phụng Hiệp,  anek saih dom sang bac dok dalam tỉnh, anek taco urang jakar viên chức, urang ngak

          6#Tỉnh  Tiền Giang barau buh tame labaih 157 tỷ đồng padang labik pataok plaih hajan ribuk ka kapal ikan pabah kraong Soài Rạp pambuak pagam saong bến ikan Vàm Láng. Danakdak hu ba tabiak padang di ban sit  Vàm Láng, huyện Gò Công Đông di angaok taneh praong 40 ha, tui kuhria hu  ngak blaoh di thun 2019, duh ka jaik 300 kapal ikan hu công suất meng 90 CV tal CV.

          7/ Melam bloh 27/9 di ban sit HCM hu peih Giải bóng ném vô địch Đông Nam Á mbang ka 4 – thun 2015. Gah pakacah urang kamei, langiu di mbang hòa kapul Hồng Kông (Trung Quốc) dalam harei tabiak mbaok camereip, dom urang kamei VN hu yam tapa 3 kapul dok veik piah mbang ka 4 gam gam mek hu angan vô địch. Daok gah likei, yaom lac gaok kapul biak khang 3 mbang gam vô địch Thái Lan di mbang pakacah puac di abih, min dom urang likei VN mek hu ja yah ngan song tỉ số 37-36. Meng 3 mbang ja yah, po sang VN mbang camereip yam tapa Thái Lan piah mek hu angan vô địch song jeng sa negar camereip mek hu vô địch gah likei song kamei dalam sa giải.

             Khaw tin dunya

8# Tổng thống Mỹ Barắc Ôbama (Barack Obama) meda gaok Chủ tịch Cuba Raun Caxtrô (Raul Castro) di harei paguh (29/9) lingiu mbang nyaom Đại hội đồng Liên hợp quốc daok rah tabiak di Niu Yoóc (New York), Mỹ. Anak mbang gaok ini, Chủ tịch Raun Caxtrô harei 26 bilan 9 hu ieu Mỹ yah klak lệnh pakauk Cuba. Tui kuhria, khat lahik labaih 121 tỷ đôla kayua lệnh cấm vận kinh tế bo Mỹ ba tabiak  piah trả đũa bruk Cuba quốc hữu hóa dom drap ar di Mỹ di negar pulao Caribê (Caribbean) ini.

      9/ Nga, Iran. Irac njauk gauk brei padang pasak pambuak gauk pabak  khau tin piah pacang veik kol IS. Pasak ni dok di ban ine Bát Đa, negar Irac, Bruk praong di Pasak nan lac pabak khau tin song ba tabiak jalan pacang cakak kol IS. Min, bruk puac di abih kayua gah bol lin di yaok negar ba tabiak.

10# Ribuk Đu-giu-an (Dujuan), mbang ribuk ka 21 di thun ini daok khang jeng sa siêu bão saong daok nduac tame pulao Đài Loan ( Trung Quốc) saong tỉnh Phúc Kiến, gah Đông Nam taneh ia. Hajan praong saong angin khang rah tabiak di tỉnh Phúc Kiến, Quảng Đông, Chiết Giang, Giang Tây, Giang Tô saong An Huy. Dom mbang riyak praong glaong meng 4 tal 7 mét meda rah tabiak di bhum tapeng tasik, ngak kan kandah ka dom bruk ngak langiu tasik. Tu kuhria, pagaiy harei 29-9, ribuk meda tuh tame tỉnh Phúc Kiến, ba tui angin khang saong hajan praong./.