# Harei ini (4/4), mbang nyaom 11, Quốc hội mbang 13 yam tapa adit ngak bruk ka klau. Quốc hội caik rilo tukvak piah ginum biai, brei tapa dom angan piah pilih ruah pok ngak Phaok Akaok Quốc hội, dom urang daok dalam Ủy ban thường vụ Quốc hội. Hadei di nan Quốc hội pilih ruah tui jalan buh phiếu kín saong biểu quyết brei tapa Sarak pilih ruah pok dom urang ngak Phaok Akaok Quốc hội, dom urang dalam Ủy ban thường vụ Quốc hội.

#/ Thành Đoàn Đà Nẵng song mban jak ba halan hatian brei darah  ban ĐN pambuak bruk peih “ Harei tong abih bhap bini halan hatian brei drah (7/4)” song pok meyaom 85 urang hadah krah dalam bruk pathau khan jak ba brei darah. Di tuk peih bruk, 700 urang đoàn, dam dara, urang jakar, urang ngak khối doanh nghiệp ban sit  Đà Nẵng hu mbaok tame brei labaih 400 đơn vị drah. Ayut Trương Đức Huy, dok di quận Hải Châu, ban  Đà Nẵng 35 mbang brei drah, khan lac:

Drei hu pok meyaom brei darah rilo mbang mboh biak bui sambai haniem phol. Labaih 30 mbang brei drah hulin mboh biak sambai, hadei di yaok mbang brei darah hulin mboh khanG kajap pren yava jang. Hulin cong khin dom ayut ranaih umo tame brei drah piah dong ka urang song dong ka dom sang iek ruak.

# Kapul urang ngak bruk di Mentri ngak nong saong patagok palei pala kayua Thứ trưởng Vũ Văn Tám ba akaok hu nao ngak bruk haong huyện pulao Phú Quý, tỉnh Bình Thuận ka bruk padang ngak labik pataok praong ka ghe gilai palaih njaik ribuk. Pulao Phú Quý hu labik dang praong dalam jalan cakrok patagok kinh tế tasik saong khik kajap an ninh quốc phòng di negar drei. Ong Tạ Minh Nhựt, Akaok Ủy ban bhap bani huyện pulao Phú Quý brei thau: Urak ini, dalam pulao hu labaih 1.200 sruh gilai taong ikan, ngak dịch vụ hậu cần nghề ikan. Dom ghe gilai biak ralo, min labik pataok urak ini daok sit sot, oh khik hu siam mekre dalam bilan hajan ribuk. 

# Ủy Ban bhap bini tỉnh Kon Tum hu tabiak harak brei parabha jiak 467 tấn brah dong pacang eik lipa dalam tuk cang yuak thun 2016 di rajaei ka dom huyện, ban dalam tỉnh piah dong ka bhap bini. Tui nan tong abih brah hu parabha dong ka jiak 8000 boh sang ngan song 31.000 urang eik lipa tuk cang yuak. Dalam nan, Đắc Glei lac huyện hu parabha rilo di abih ngan song 105 tấn. Patui di nan lac Ngọc Hồi 70 tấn, 8 huyện ban dok veik yaok labik hu parabha brei meng 22 tal 55 tấn.

# Dalam dom bruk di Harei pataom dalam dara thun 2016 di Sang bac Đại học Cần Thơ, Đoàn Khoa Nông nghiệp saong sinh học ứng dụng hu peih danak dak halar hatian daong ka urang nong trun takik njom mbak angaok phun pala. Tui nan, jaik 300 urang jakar, urang ilamo saong sinh viên di Đoàn Khoa nông nghiệp saong sinh học ứng dụng meda nao daong ka urang nong di 7 tỉnh Bhum taneran kraong Cửu Long. Sa-ai Lâm Phước Thành, Phaok Bí thư Đoàn Khoa nông nghiệp saong sinh học ứng dụng, Sang bac Đại học Cần Thơ brei thau:

Đoàn Khoa nông nghiệp saong sinh học ứng dụng hu peih bruk dam dara halar hatian nao daong mikva urang nong jalan ngak patrun độ mbak ka phun pala. Tui nan sinh viên meda nao tal dom puk palei daok njaom mbak, daong ka urang nong pasang iek hu yau habar lac aia njaom mbak ye tuk nan drei meda daong ka urang nong.

#/ Dalam abih tih 19 labik glai dalam tỉnh Đồng Tháp ye hu 12 labik hu panuac lac mbuan si khuak pakat 5, pakat biak mbuan si khuah di abih. Dom labik glai mbuan si khuah ini ralo jang 2 mbang dut song panuac khan dahlau di nan labaih 10 harei. Taneh glai di tỉnh Đồng Tháp lac labaih 6 ribau 500 ha, dalam nan glai đặc dụng 2.600 ha, glai pacang caga labaih 1 ribau ha dok veik lac glai sx. Di bein  Quốc gia Tràm Chim, langik pandiak thu, pandiak bhang dui atah ngak ka ia di labik ni trun beir, tal kanduh tràm song thực bì kapan nan ye mbuan si rah tabiak khuak glai biak glong.

# Harei pachit daa Po Hùng saong Harei 30/4, 1/5 thun ini laik tame harei puac adit nan ye tukvak padeih dui atah, tui kuhria bhap bani meda nao rivang ma-in, nao palei ralo nan ye urak ini di dom bến radaih pak bal raya Hồ Chí Minh daok kuhria jalan ngak piah duh siam abih ka bhap bani. Tui kuhria yaom harak vé dalam tuk Lễ 30/4 tagok oh tapa 40%. Urak ini Bến radaih miền Đông daok caga duh ka tuai damuai yau ieu pataom radaih, rami ramik veik tukvak radaih peih, khik caga siam mekre gah dalam saong gah anak bến radaih.  

Patui di ni dom khau tin dunya:

#/ Harei ¾ di ban Mimasaka, Tỉnh Ô-ka-y-a-ma (Okayama), Nhật Bản, hu rah tabiak bruk padang tagok saong nyaom roya mbang ka sa Kapul Hữu nghị Nhật Bản-Việt Nam Mimasaka, anak bruk hu mbaok di ong Trần Đức Bình, Tổng Lãnh sự Việt Nam di Ô-xa-ca (Osaka). Brei panuac di tuk nan, ong Ta-ka-si Nô-ri-mô-tô, Akaok kapul brei mboh hatai anit ranam VN, dar phol Tổng Lãnh sự quán Việt Nam di Ô-xa-ca abih hatai daong ka bruk padang kapul song ndom lac, dom urang dalam kapul kham merat abih drei piah jhul patagok talei rohim, patagok bruk taom gaok di ban Mimasaka song Việt Nam.

# Takik di abih 2 urang metai saong 28 urang karei njauk rambius dalam sa mbang bala pambuak tal radaih pajeng tuai  du lịch rah tabiak di harei kabroi (3/4) di gah kreh negar Cuba. Tui truyền thông Cuba, sa sruh radaih pajeng tuai du lịch Đức saong Ô-xtrây-li-a ginuh tame sa sruh radaih katung truyền hình tuk daok nao meng bal Xan-ti-a-gô đờ Cuba (Santiago de Cuba) tal bal Tri-ni-đát (Trinidad). Bala nan ngak ka urang peih radaih saong sa urang tuai metai chip. Manuac metai meda hu ralo jang kayua hu ralo urang njauk rambuis trak. Quốc tịch di dom urang njauk bala jeng oh ka brei thau. Makna di bala ini daok hu pasang iek, duah thau.

          # Melam bloh (3/4) sa sruh kapan haoh pajeng tuai tui jalan par tal ban Faro (Pha-rô)  di Bồ Đào Nha hu par tagok meng mblang kapan haoh Gia-ven-tem (Zaventem)di  ban ine Brúc-xen (Brussels) negar  Bỉ, jeng sa mbang par camereip hu par meng mblang kapan haoh ni kuhria meng di mbang khủng bố harei 22/3. Rilo urang dang akaok rajaei mai hu mbaok hu caik sa minite daok kadang piah hadar tal dom urang njauk bala dalam mbang khủng bố di mbalng kapan haoh Gia-ven-tem song ga tàu điện ngầm di ban ine Bỉ di harei 22/3 ngak ka 32 urang metai song labaih 300 urang njauk rambuac./.