# Thủ tướng Nguyễn Tấn Dũng bahrau njauk hatai brei ka Akaok mintri LĐTBXH pathau tagok akaok negar pasang iek, alin brei pandap ka urang hu buh pren yava ka CM dalam tuk tết nguyên đán anek sak kara thun 2016. Yaom pandap alin hu pok tagok akaok negar song hu pabha jeng 2 janih : 400 ribau đồng song 200 ribau đồng. Tui kuhria tong abih yaom jien brei ka dom urang nan labaih 437 tỷ đồng.

          # Tui kuhria hu meng 10.000 tal  20.000 sruh radeih điện hu blei meng negar lingiu dalam tuk vak 5 thun. Dom radeih ni hu ba tabiak pandar di 3 ban di VN lac Hà Nội, Đà Nẵng song ban roya Hồ Chí Minh.Ni lac jalan ngak pamong tal harei hadei di danak dak bruk blei tame  rilo radeih điện Renault ngak taxi, piah daong patrun  khí thải, pasiam alam môi trường di dom ban prong.

          #/ Ban sit Hội An hu peih prong jang labik brei ka urang nao takai song radeih oh hu jamriak di jalan Nguyễn Phúc Chu. Ni lac jalan dok di gah merong krong Hoài, mong tapa khu phố klak, rah tui mblang bein An Hội, labik darak pasa melam Nguyễn Hoàng, pachreih hu rilo tuai damuai , abih di nyu nan lac di tuk melam. Tui damuai mai pak ini hu maong iek dom tác phẩm điêu khắc, hu maong iek kraong Hoài, lingiu di nan daok hu ba drei tame dom bruk ilamu, daoh tamia, blei pandap thủ công mỹ nghệ.

          #/ Piah paglong bruk ba jalan, langyah brei thau di dom inem krung, labik du lịch di huyện Phú Quốc, bahrau ni, Tổng cục Du lịch – mintri ilamu  Thể thao du lịch hu peih bruk pasram megru pabak ilamu ka 80 urang ba jalan, urang langyah brei thau. Ni lac sa bruk ngak piah pamong tal thun du lịch pakat negar thun 2016 hu peih ngak di Phú Quốc, piah dak harei dak ba bruk du lịch hu ilamu glong, pabak tuk vak ba drei tame dunya.

          # UB bhap bini ban sit Đà Nẵng bahrau patabiak jalan peih ngak dom bruk ilamu - rija roya di 2 gah tapen krong Hàn thun 2016, dalam nan hu dom bruk hu peih ngak di puac yaok adit ( harei car song harei adit) song dom bruk rah tabiak tuk lễ tết, dom bruk prong di ban sit. Tui nan, hu danak dak âm nhạc di angaok jalan dalam melam car di adit ka 2 song adit ka 4 yaok bilan, meng bilan 2 tal bilan 9/2016.

          #/ Pasak brei thau – peih bruk du lịch Vĩnh Long peih tal pasram megru paglong ilamu du lịch bhap bini (homestay) ka 30 urang mai meng dom cơ sở homestay,, dom urang dalam dom boh sang hu dịch vụ homestay song urang jakar iek gah du lịch di Jabat ilamu brei thau di 8 huyện, ban sit. Tal pasram megru piah patagok ilamu ngak bruk, pabak menuac ngak gah du lịch saong patagok siam lagaih bruk ngak di dom cơ sở du lịch homestay di tỉnh Vĩnh Long.

          #/ Danak dak “ Tuah muat ka anek, bak hatai amaik ame” kayua Ủy ban An toàn giao thông pakat negar song Tập đoàn E-Mart Việt Nam peih ngak hu alin brei labaih 7000 muah bảo hiểm hu chất lượng ka anek saih tiểu học dok di ban raya HCM piah khik caga pren yava ka anek saih. Tui bruk ba tabiak meng thun 2015- tal thun 2020 danak dak hu alin brei 50.000 muah BH hu tanut chuẩn ka anek naih VN

Nhạc cắt

          Patui di ni dom khau tin dunya

# Báo “Độc lập” di nager  Anh brei thau, negar Đức njauk pilih ruah 8 ribau 500 gru pato bahrau piah pato ka anek naih tị nạn di negar ni. Tuk camereip dom gru pato ni  patom tame  pato sap Đức piah ka dom anek naih tị nạn samar ba drei tame bruk bac megru di negar Châu Âu ni. Dalam thun ni, Đức hu labaih 325 ribau anek naih tị nạn mai meng Xyri, Áp-ga-nít-xtan (Afghanistan) song dom negar châu Phi.

          # Dom negar Trung Mỹ njauk gauk ka bruk dong urang di cư Cuba dok gar veik di Cô-xta Ri-ca. Panuac khan di Mintri giao Cô-xta Ri-ca brei thau, bruk ngak pahla ni hu daong ba yaok ribau urang Cuba meng Cô-xta Ri-ca tới En Xan-va-đo meng kapan haoh dalam adit camereip di bilan 1 thun 2016. Meng  En Xan-va-đo , dom urang di cư meda nao radeih buýt tal Mê-hi-cô bloh tal Mỹ . Tui Cô-xta Ri-ca, sarak nan tok brei ka urang di cư Cuba urak ni dok gar veik di Cô-xta Ri-ca.

          #/ Brazil jeng sa negar Nam Mỹ camereip brei adat pandar vaccine (vắc-xin) pacang virus (vi-rút) pandiak tabiak darah camereip di dunya kayua tập đoàn dược phẩm Sanofi di Pháp ngak tabiak. Sa urang ngak praong di Mintri Y tế Brazil brei thau, rajaei negar ni jeng dok peih bruk tong yaom mbang puac di abih, dahlau di tuk ba vaccine hu angan ieu lac Dengvaxia tame danak dak klauk jru pacang caga pakat negar. Taphia di nan, gah chức năng brei niêm yết yaom janih jru ni, dahlau di tuk ba tabiak darak pasa, bruk nan abih labaih 3 bilan./.