# Tui Mentri Ngak nong saong patagok palei pala, brah pablei tabiak negar  langiu dalam 2 bilan akaok thun 2016 hu 1,01 triệu tấn saong 445 triệu USD, tagok jaik 2,1 mbang brah saong tagok jaik 2 mbang jien mek tame dut haong tukvak ini thun 2015. Yaom brah padai dalam negar patui jalan patagok  meng hu bruk pablei tabiak negar Indonesia saong Philippines, gam haong bruk khin blei brah tame di Trung Quốc. 

# Tỉnh Thừa Thiên - Huế daok kham merat pachreih hu 15 dự án meng phun jien di negar langiu (FDI) tame tapak ka tỉnh, ngan haong phun jien meng 350-400 triệu USD; dalam nan phun jien peih ngak mek hu jaik 170 triệu USD. Dom doanh nghiệp FDI kham merat ngak tabiak mek hu doanh thu 700 triệu USD, buh tame kadung jien karja 80 triệu USD, samu jaik 1.680 tỷ đồng dalam thun 2016. 

# Dom thun tapa, kapul nyaom urang kamei tỉnh Quảng Ngãi padang ngak hu ralo bruk ngak mbang daong gauk patagok saong jak ba urang jakar, urang hội peih ngak mek hu ralo jak jeng siam mekre. Dalam nan, bruk ngak “10+1” nan lac 10 sa-ai daong 1 sa-ai. Hadei di 3 thun, bruk ngak nan hu pambak praong tal 26/26 chi hội, pachreih labaih 200 urang kamei hu mbaok tame, daong ba jaik 50 urang kamei kathaot ngan haong phun jien daong jaik 100 triệu đồng; taphia di nan daong ka dom urang kamei kathaot taom gaok haong phun jien mesre labaih 200 triệu đồng piah ngak sang daok, patagok bruk ngak mbang pala drak, grap tanat rai diuk.

# Thường trực Thành ủy Đà Nẵng hu njauk hatai haong bruk likau brei pagam hệ thống camera pasang iek an ninh, jalan mbak, trật tự dalam bal piah paglaong, palagaih bruk khik iek brei grap tanat an ninh, pacang caga tội phạm hu siam. Taphia di nan, điều hòa, tacei pato, trật tự nao mai angaok jalan mbak, trật tự đô thị, samar duah mboh, langyah taong phạt dom dom bruk pambuak pagam tal an ninh trật tự rah tabiak angaok bal Đà Nẵng.

# Tỉnh Hậu Giang daok pok sap iew dom doanh nghiệp buh jien tame padang ngak sang mac xử lý hareik thải piah peih talaih dom kadha bức xúc ka bruk xử lý hareik thải dalam tukvak tapa dalam tỉnh. Urak ini hu blaoh 4 doanh nghiệp nộp hồ sơ likau peih ngak sang mac xử lý hareik thải pak tỉnh. Hareik thải pak Hậu Giang hu jaik 150 tấn sa harei, yau nan min urak ini 3 mblang hareik di tỉnh pak huyện Long Mỹ, Phụng Hiệp saong bal Vị Thanh mboh daok quá tải.

# Puac thun 2015, dalam tỉnh Kiên Giang hu labaih 1,2 triệu urang blei harak bảo hiểm y tế, meblah labaih 70% akaok bol dalam tỉnh. Yau nan min, độ bao phủ di bảo hiểm y tế daok biar, langiu di dom urang dalam diện mek blei saong dom urang kathaot hu kadung jien karja daong blei harak bảo hiểm y tế, urak ini jeng daok 30% manuac urang oh ka halar hatian blei harak bảo hiểm y tế. Tỷ lệ anek saih, sinh viên blei harak bảo hiểm y tế tok hu jaik 70%, biar jang kuhria rah tapa dalam negar. 

#  Ủy ban bhap bani tỉnh Cà Mau hu peih mbang nyaom chip piah ginum biai jalan pacang cakak tua riya pandiak bhang, njaom mbak kayua pambak di biến đổi khí hậu. Urak ini, độ mbak dom labik dalam tỉnh trun tagok meng 23 - 30 phần ribau. Dom labik hu độ mbak glaong nan lac pak dom pabah kraong tapen tasik Đông saong tasik Tây, dom baoh kraong pak bal Cà Mau, huyện Thới Bình, huyện U Minh. Dom baoh brong tapen tasik Tây huyện Trần Văn Thời, huyện U Minh njauk njaom mbaak mbak meng 1 tal 15 phần ribau dalam phạm vi meng 100 tal 1.000m. 

          Patui di ni dom khau tin dunya:

# Hàn Quốc saong Mỹ meda ba kịch bản taong tayah vũ khí hủy diệt hàng loạt saong “taong kak akaok dahlau” Triều Tiên dalam asal kadha mbang pathram trận yaok thun prong abih meng dahlau mai, tui kuhria meda dui atah meng harei  7/3 tal 30/4 anak tal. Langiu di nan, mbang pathram trận tuh bộ jeng meda hu peih ngak ngan haong quy mô prong abih meng dahlau mai ngan haong bruk hu mbaok di 5.000 lính hải quân saong thủy quân lục chiến Hàn Quốc gam haong 7.000 lính thủy quân lục chiến Mỹ saong 5 sruh gilau tuh takai bộ. 

# Urang dang akaok Ủy ban Cải cách saong patagok negar Trung Quốc Từ Thiệu Sử ndom lac: kinh tế Trung Quốc yaom lac patagok tok mek hu 6,9% dalam thun 2015 – tanut biar di abih dalam 25 thun tapa, min nan jeng lac tanut biak glaong dut haong dom nền kinh tế prong angaok dunya dalam tukvak jalan pasiam veik di kinh tế dunya jeng daok suai damuai. Raja-ei Trung Quốc ba tabiak jalan ngak patagok kinh tế mek hu meng 6,5%-7% dalam thun 2016, saong patagok kinh tế yaok thun mek hu takik abih 6,5% dalam luac 5 thun anak tal.

# Lực lượng pacang khik ar tasik Philippines harei 6/3 brei thau daok pasang iek catang gilai pandap Jin Teng di Triều Tiên trak 6.830 tấn gam haong 21 urang thủy thủ angaok gilai dalam tuk cang phản ứng di Liên hợp quốc. Philippines quyết định tạm khik gilai pajeng pandap Jin Teng di Triều Tiên, hu pataok tame pabah lamnge Subic, Đông Bắc bal ine Manila dahlau di nan 2 harei, tui nghị quyết taong phạt Triều Tiên di Hội đồng Bảo an Liên hợp quốc harei 2/3. Taong abih 21 thủy thủ urang Triều Tiên jeng daok angaok gilai, hu ginup abih pandap khik piah saong oh ka caong khin daong brei.