# Tui danak dak, harei ini (1/4) Quốc hội ginum biai pak hội trường ka bruk cakrok patagok kinh tế-xã hội thun 2015 saong 5 thun 2011-2015; ba tabiak danak dak patagok kinh tế-xã hội, danak dak pandar taneh 5 thun 2016-2020. Mbang ginum biai hu papar sap papar binguk tapak piah ka cử tri saong bhap bani dalam taneh aia tui iek, tui pang.

          # Harei ni, 1/4 dom anek saih dalam negar hu nộp hồ sơ tut angan tame pakacah Trung học phổ thông pakat negar thun 2016 song hu tamat di harei 30/4 anak tal. Thí sinh ngak hồ sơ tut angan tame pakacah Trung học phổ thông pakat negar thun2016 njauk caik hatai sangka lac; Thí sinh tự do meyah bac tamat bloh tok tut angan  dom janih pakacah piah palih ruah tame Đại học, cao đẳng;. Ngan song thí sinh tal 12 atau oh ka tốt nghiệp Trung học phổ thôngpakat negar njauk ut angan môn halei xét tốt nghiệp, môn halei pakacah piah xét ĐH. Thí sinh tut angan pilih ruah tame dom sang bac ĐH mek tui nyaom brei cih vak ginup khau tin tame hala phiếu tut angan tame palih ruah kayua dom sang bac ba tabiak.  

# Tui Mban tacei pato pakat negar ka bruk pacang cakak bala meng langik tasik, kayua tua riya pandiak bhang saong njaom mbak, pak bhum taneh gah kreh negar saong Tây Nguyên, tal urak ini, hu labaih 312 ribau baoh sang kurang aia pandar saong aia pala drak, raong glang khat lahik trak, dalam nan mboh ralo lac taneh ngak padai labaih 222 ribau héc ta. Urak ini, dom tỉnh bhum taneran kraong Cửu Long, Đông Nam Bộ, Nam Trung Bộ saong Tây Nguyên daok peih ngak dom jalan pacang caga tua riya pandiak bhang, njaom mbak tui tacei pato di Thủ tướng Raja-ei saong hu blaoh 13 tỉnh brei thau ka bruk tua riya pandiak bhang, njaom mbak.

#/ Tui urang dang akaok tỉnh Bạc Liêu, urak ni njom mbak di dom krong ribong biak glong, meng 8 tal 20  angaok sa ribau. Dalam tuk vak anak tal, bruk njom mbak song pandiak bhang di tỉnh daok rah tabiak kan kandah song tui panuac khan dom thun anak tong abih mblang taneh ngak nong di tỉnh njauk njom mba. Piah pacang cakak bruk ni song khik caga mblang padai di dom bhum ia taba hu tani tanat, peih ngak dom dom danak dak, pasalih tuk vak pala jang yau salih janih phun pala.  .

# Pak tỉnh Bình Thuận, pandiak bhang jeng daok rah tabiak catang grauk abih dom huyện, bal sit, bal prong ba tal bruk thu lagu, bhang pandiak, kurang aia pala drak saong ia pandar, ngak kan kandah trak tal rai diuk bhap bani. Urak ini tỉnh hu labaih 1.170 héc-ta phun pala njauk khut khat kayua tua riya pandiak bhang, 600 héc-ta phun mbang baoh kurang aia pruh, glai tamo khut khat abih. Tui kuhria khat lahik labaih 40 tỷ đồng. Di Hàm Tân, karja palei hu daong jien pajeng aia brei ka bhap bani daok pak labik kan kandah di abih. 

#/ Harei 31/3 di huyện Ea H’leo, tỉnh Đắc Lắc hu peih hội thao dom bangsa takik tỉnh Đắc Lắc mbang ka 13. Hõi thao mbang ni hu labaih 700  vận động viên mai meng 16 kapul dalam tỉnh pakacah 7 môn. Hội thao dom bangsa takik tỉnh Đắc Lắc hu peih ngak yaok thun piah patagok talei jum pataom di dom bangsa, khik ramik janih ilamu bangsa, pachreih bruk tong abih bhap bini pasram pren yava tui panuac tacei pato di Wa.

# Ralo urang kumei cử tri pak bal raya Hồ Chí Minh brei mboh hatai bui sambai tuk hu thau amuk Nguyễn Thị Kim Ngân hu pok ngak Akaok Quốc hội akaok meti dalam dakrai sajarah Việt Nam saong jeng lac urang akaok meti peih ngak adat tuyên thệ tuk nhậm chức. Amuk Hoàng Thị Thanh Nga, cử tri daok pak quận Bình Thạnh, Bal raya Hồ Chí Minh lac:

Likau tadhau yuh amuk Nguyễn Thị Kim Ngân. Khaol dahlak biak hadah mbaok hadah meta, kayua lac tuk likei kumei hu samau gauk ye mbang akaok meti hu sa urang kamei dang Akaok Quốc hội. Ngan haong urang kamei khaol dahlak jeng njauk kham merat yau nan,  kham merat oh padeih dalam bruk ngak  jeng yau hatai ranam taneh aia di amuk Ngân.

Nhạc cắt

          Patui di ni dom khau tin dunya:

          # Ngoại trưởng Nhật Bản Fumio Kishida (Phư-mi-ô Ki-si-đa)  hu mbang nao rivang Bắc Kinh dalam puac bilan 4 anak tal piah ginum biai song Ngoại trưởng Trung Quốc Vương Nghị (Wang Yi), dalam tuk vak  Tokyo duah jalan patagok talei rohim song  Bắc Kinh. Ong Kishida cong khin mbang nao rivang ni hu patrun dom bruk oh siam ka 2 negar gam tal bruk biển đông song jhul pakhang dom mbang ginum biai di 2 gah.

# Raja-ei Áo hu ba tabiak dom jalan ngak piah patrun takik jang urang tị nạn hu adat brei tame negar ini, samar abih nan lac dalam bilan 5 anak tal. Dom urang jakar negar ini brei thau, manuac urang  tị nạn tuh tame negar ini meng thun dahlau mai daok ngak jeng bruk đe doa ngan haong an ninh saong trật tự di Áo. Kayua YAU nan ye, Áo njauk patrun patakik bruk taduan mek dom harak likau tị nạn saong tok langyah dom harak likau tị nạn njauk haong Công ước Châu Âu ka nhân quyền. Dom jalan ngak ini hu peih ngak meng kreh bilan 5 anak tal.  

#/ Tổng thống Mỹ Ba-rắc Ô-ba-ma (Barack Obama) pan akaok nyaom biai pakat glong an ninh hạt nhân mbang ka 4, hu rah tabiak harei ni ¼ di ban ine Oa-xinh-tơn (Washington), Mỹ. Nyaom biai mbang ni piah dui bhap bini dunya mai jiak gauk, piah pacang cakak dom bruk khủng bố hạt nhân di dunya./.