#/ Tal harei 6/5 ia sambo meriak di bhum tasik tỉnh Quảng Bình oh dok, ia tasik daok hajao harei. Ong Phan Xuân Hào, Akaok Chi cục Khik caga môi trường, Sở Tài nguyên song  Môi trường tỉnh Quảng Bình brei thau, makna cambaih laih daok cang bruk dut iek meng Viện Hải dương học Nha Trang, Viện hàn lâm Khoa học công nghệ Việt Nam:

Hulin dok taom gaok , duah thau piah samar khan ka bhap bini thau piah urang sahaneng hatai. Tapa pasang eik meng harei kroi mbiah tal urak ni ye oh dok bruk hagait karei, oh mboh ikan metai, ia hu sambo hajao veik

#/ Tukvak 16 tuk meteh harei 5/5, kapal SAR 412 hu ba 34 thuyền viên kapal QNa 95959 TS gaok bala tame pabah lam nge pasak daong bala hàng hải khu vực II (Đà Nẵng) hu siam mekre. Urang dang akaok pasak pambuak bruk ruah duah daong bala hàng hải VN, công an, bộ đội biên phòng, Kapul urang nông, UB bhap bini huyện Thăng Bình, tỉnh Quảng Nam hu mbaok piah rivang, pachreih saong alin hadiah ka dom thuyền viên. Hadei di tuk pataok tame pabah lam nge, kapal SAR 412 hu jao 34 thuyền viên di kapal QNa 95959 TS  ka karja palei.

#/ Hu bruk brei adat di Hội đồng bầu cử Trung ương, dom labik palao kaoh di huyện đảo Trường Sa, tỉnh Khánh Hòa hu peih bruk palih ruah di harei 15/5, avar jang sa adit dut song dom labik dalam taneh ia Huyện đảo Trường Sa hu 3 đơn vị palih ruah song 21 khu vực plaik phiếu di dom palao dok di xã Sinh Tồn, Song Tử Tây song ban sit Trường Sa.Harei 5/5, 2 kapan pajeng kapul ngak bruk di UB palih ruah huyện ba tui dom thung phiếu,  phiếu bầu, thẻ cử tri, danh sách dom urang ứng cử  QH, hội đồng bhap bini dom pakat huyện Trường Sa song tỉnh Khánh Hòa piah pabak bruk palih ruah di dom palao. Langiu di hala phiếu bầu ka cử tri di 2 huyện palao, 2 kapan dok ba tui dom hala phiếu bầu ka dom cử vãng lai lac urang tong ikan dok tong chap angaok tasik tame palih ruah di dom labik bầu cử di dom palao kaoh.

#/ Harei 6/5, sa mbang hajan tuh trun hu daong patrun pandiak ka padai hè thu avar di dom huyện gah pai tỉnh Tiền Giang. Hajan meng ban sit Cai Lậy tal huyện Châu Thành saong ban sit Mỹ Tho. Kayua hajan khang nan ye oh lac ngak brei la-ar bingi bo daok ba mai bui sambai ka dom urang nông meng lavik mai pasang mbaok saong pandiak bhang dalam tỉnh.

#/ Urak ni, tỉnh Sóc Trăng hu 15 labik dok kurang ia pandar khang, dok di 3 huyện Trần Đề, Mỹ Tú song ban sit Vĩnh Châu.Ni lac dom labik njom likhun song mbak. Piah dong ka bhap bini, tỉnh hu peih ngak rilo jalan yau pandar dom phương tiện pajeng ba ia tapak tal urang, peih labik pabak ia công cộng, dui jalan ia tame, dong brei pandap caik ia ka mik va dok di bhum pandiak mbak. 

#/ Tui giám đốc bein negar Mũi Cà Mau brei thau, jaleih ar tasik yaok thun dom mét lac bruk bình thường di lingik tasik, min yaok thun jaleih dalam tame taneh tal dom pluh mét lac bruk oh bình thường. Anak bruk ini, karja tỉnh Cà Mau hu peih ralo jalan ngak; dalam nan, hu jalan ngak lagaih saong biến đổi khí hậu saong ia tasik tagok. Tỉnh caong khin TƯ daong 5.900 tỷ đồng piah ngak dom công trình yau pasiam ar tasik, tái định cư, ia pandar saong ralo công trình dân sinh, daok bruk pasiam ar tasik abih tal 2.500 tỷ đồng ka tukvak 2015 – 2020.

#/ UB bhap bini tỉnh Trà Vinh bahrau njauk hatai brei ka po đầu tư  WOOJIN CONSTRUCTION CO.,LTD (Hàn Quốc) buh jien tabiak padang ngak sang máy điện gió Hàn Quốc - Trà Vinh tuk vak 2 di labik tapen tasik xã Trường Long Hòa, ban sit  Duyên Hải của di tỉnh. Sang mac hu công xuất 96MW, dalam nan hu 48 tuabin gió, ngan song yaom phun jien labaih 4.952 tỷ đồng, tuk vak peih ngak danak dak 50 thun. Jalan ngak di danak dak piah ngak tabiak điện meng  năng lượng gió pabak tame lưới điện negar, dong tani tanat bruk pabak điện ngak KT di tỉnh song  bhum taneran krong CL

Patui di ini dom khau tin dunya:

#/ Harei 6/5, TT khan lac taneh ia ini brei patagok bruk răn đe hạt nhân meyah Mỹ daok khik bruk thù địch  TT yau urak ini. Panuac di UB thống nhất sron mbon TT ndom lac, Mỹ peih tabiak bruk đối đầu hạt nhân angaok bán đảo TT, taphia di nan ndom lac, bruk pandar vũ khí hạt nhân piah pacang cakak vũ khí hạt nhân lac bruk hợp lý. Langiu di nan, TT hu bom nhiệt hạch nan ye labik dang lac taneh ia khang gah hạt nhân di taneh ia ini oh salih karei.

#/ Tòa án quân sự Ai Cập bahrau tabiak panuac brei chap caik guk 144 urang di kapul adei saai Hồi giáo  tui tổng thống jaleih rai thun 2013 lac Mô-ma-mét Mơ-xi (Mohamed Morsi). Meng  cáo buộc lac ngak brei srau kadau, kuhria tong tame nhà thờ En Pha-ta (El Fatah), saong đồn cảnh sát An Át-zơ-ba-ki-a (Al Azbakiya) thun  2013, yaok bị cáo njauk dok guk meng 15 tal 25 thun. Dom bị cáo hu quyền kháng cáo song hu biện hộ.

#/ Rajaei Mỹ daok pachreih QH taneh ia ini phê chuẩn hiệp định pambuak bruk xuyên thái bình dương. Brei panuac di mbang họp báo, urang brei panuac nhà trắng Giốt Ơ-nét ndom lac, oh hu lý do hagait piah QH Mỹ brei cang tal hadei bầu cử Tổng thống Mỹ di harei 8/11 tal meng ginum meyai bruk phê chuẩn hiệp định ini. Kayua bruk phê chuẩn hiệp định pambuak bruk xuyên thái bình dương hu rik daong samar padeih 18 ribau janih je bo dom taneh ia karei daok áp đặt ngan saong pandap panda Mỹ./.