# Bruk kuhria caga pilih ruah urang ka Quốc hội mbang XIV saong pilih ruah urang ka Hội đồng Bhap bani dom pakat di tỉnh Lào Cai vaktu 2016 - 2021 hu dom pakat ủy peih ngak, tacei pato samar njauk tui adat hukum. Tỉnh hu ba tabiak 10 urang ứng cử tame Quốc hội mbang XIV; 114 urang ứng cử tame Hội đồng bhap bini tỉnh Lào Cai vaktu 2016-2021. Ong Mạc Quốc Thái, Phaok Akaok Sở Nội vụ tỉnh Lào Cai brei thau:

Thường trực Ủy ban mặt trận nerar tỉnh hu pasang iek peih bruk hiệp thương, ba tabiak  urang ứng cử tame Quốc hội saong Hội đồng Bhap bani dom pakat. Tapa pasang iek hu mboh saong langyah dom tavak tave yau bruk kuhria caga menuac,  brei thau ka urang Hội đồng bhap bani hoạt động chuyên trách, kiêm nhiệm.

#/ Tukvak  8 tuk harei 1/4 kapan SAR 412 di pasak pambuak bruk daong duah jalan tasik VN hu dong dui kapan ikan ĐNa 90189 Ts song 6 thuyền viên mai tal ĐN siam mekre. Dahlau di nan, tukvak 21 tuk 15 minite harei 29/3 Pasak taduan hupanuac khan lac kapan  ĐNa 90189 Ts jaoh cốt máy, seik di angaok tasik gah Tây Nam palao  Hoàng Sa, atah Đà Nẵng 220 hải lý. Taduan hu panuac ieu dong di kapan, Pasak hu ndom nyai tapak song kapan, pachreih ba thuyền viên di angaok kapan, pathau khan tal dom kapan dok jiak di nan, pambuak bruk song dom gah chức năng mai dong baoh kapan gaok bala.

          # Jabat pato megru huyện Hương Khê, tỉnh Hà Tĩnh bahrau taduan mek saong peih bruk parabha 50.085 kg brah ka anek saih dom sang bac daok dalam bhum biak kan kandah dalam huyện. Hu 847 anek saih di 16 sang bac tiểu học, 7 sang bac Trung học cơ sở saong 3 sang bac trung học phổ thông di huyện daok dalam dom xã bhum atah bayah taduan mek hu brah tui quyết định di Thủ tướng Raja-ei saong Quyết định di Ủy ban bhap bani tỉnh Hà Tĩnh. Yaok anek saih hu daong 15 kg brah sa bilan.

# Cục pacang caga ma túy song tội phạm, Bộ tư lệnh Bộ đội Biên phòng pambuak bruk song Bộ đội Biên phòng Kon Tum bahrau chap hu bruk pajeng ba kaya glai suan adat  di jalan tapen negar. Pandap mek hu jiak 50m3 kayau ( oh thau asal  di nyu) 2 sruh ô t, sa máy li-ua. Tuk pasang iek, urang oh ba tabiak hu harak gar brei mboh asal di kayau nan. Urak ni bộ đội Biên phòng dok peih bruk pasang iek, ngak cambaih laih song ba tabiak jalan langyah tui  adat hukum.

# Bal Cần Thơ  daok peih ngak iek dom gom truac hadah nghệ thuật tatua Cần Thơ. Tui thiết kế, dom gom truac hadah nghệ thuật tatua Cần Thơ yaom abih tih jaik 30 tỷ đồng, hu labaih 350 bộ gom glaong áp công suất prong daok tapen dua gah tatua praong saong dom talei  atah abih tih jaik 6 km. Ini hu mong lac sa bruk ngak  piah pachreih tuai damuai mai rivang bal Cần Thơ jeng yau bhum taneran kraong Cửu Long.

# Pandiak bhang song thu lagu dok ngak ka taneh rong hadang càng xanh di Đồng Tháp trun khang. Di huyện Tam Nông tal tuk vak ni urang nong bahrau palao jaik 18 ha trun rilo dut song tuk vak ni thun dahlau . Ni lac labik hu taneh rong hadang càng xanh rilo di abih. Tui ong Nguyễn Văn Thông, Phó phòng ngak nong song patagok palei pala huyện Tam Nông, dalam huyện hu trun pajaih 18ha beir jang rilo mbang dut song thun dahlau, ngan song bruk ni taneh rong hadang càng xanh di huyện kan si mek hu 700ha tui jalan ba tabiak.

# Piah paglaong bruk mbang ngui daok dang ka bhap bani pak dom xã palei pala bahrau, Ủy ban Bhap bani Bal raya Hồ Chí Minh brei peih ngak pambak prong bruk Thư viện - Bưu điện ilamo xã Tân Thông Hội pambuak haong bruk pandar công nghệ thông tin duh ka bruk padang ngak palei pala bahrau ka dom huyện dalam bal raya.

          Patui di ni dom khau tin dunya: 

# Tổng thống Hàn Quốc Pắc Cưn Hê (Park Geun-hye) hu panuac ndom lac Triều Tiên njauk dang anak dom bruk trừng phát khang jang meyah daok hu dom bruk khiêu khích. Panuac nan hu ba tabiak dalam mbang taom gaok  Tổng thống Mỹ Ba-rắc Ô-ba-ma song Thủ tướng Nhật Bản Sin-zô A-bê (Shinzo Abe) di nyaom biai pakat glong an ninh hạt nhân tại Oa-sinh-tơn (Washington).

          # Harei 1/4, Akaok Mentri Kinh tế-Tài chính Argentina Alfonso Prat-Gay (An-phông-xô Prát-Gây) taong yaom glaong bruk Thượng viện brei tapa thỏa thuận bayar  sre bahrau  ginum biai njauk gauk di raja-ei haong dom quỹ đầu cơ. Brei panuac haong báo giới, ong Prat-Gay brei thau, quyết định di jabat padang ngak hukum brei mboh “bruk chín chắn di nền dân chủ”, pamong tal bruk tamat meriak gauk ka adat hukum dui atah 15 thun pambuak pagam tal dandak rami ramik veik sre di taneh aia Nam Mỹ in.

 #/ Hadei di 18 bilan tui iek, gah cảnh sát di 2 tỉnh bang Ontario (On-ta-ri-ô) song Quebec (Kê-bếch) di  Canada chap hu 60 urang pagam tal bruk  buôn lậu tapa negar. Ni lac bruk ngak dok dalam chiến dịch dunya rah tabiak di 15 ban di Mỹ song Ca na da song hu mbaok di  gah cảnh sát liên bang Canada, cảnh sát Quebec, Ontario song  cảnh sát Mỹ.