# Pak bal raya Hồ Chí Minh, Akaok negar Trương Tấn Sang saong dom urang Quốc hội hu taom gaok cử tri quận 1 saong quận 3, bal ray Hồ Chí Minh. Pak van taom gaok, akaok negar Trương Tấn Sang taong yaom glaong dom panuac ndom abaih hatai saong asal kadha brei panuac di cử tri bal raya dalam luac vaktu 5 thun. Akaok negar caong khin, ngan haong ilamu di cử tri bal raya Hồ Chí Minh, dalam mbang bầu cử anak tal, bhap bani meda patui veik abih hatai, nao ralo, bầu ginup, palih ruah hu dom urang hu đức hu tài tame lambaok ka bhap bani.

#/ Tỉnh Thừa Thiên - Huế hu peih bruk taduan mek pok jien dong oh bayar veik “ Patagok bruk iek glang y tế song pato pakai phục hồi chức năng", kayua kapul lingiu rajaei Handicap International dong oh bayar veik song tong abih phun jien di dự án labaih 11 tỷ đồng. Jalan ngak di danak dak piah patagok chất lượng rai duik di urang ruak glow akaok ( dalam nan hu urang prong song uranaih) dok dalam tỉnh, tapa dom dịch vụ phục hồi chức năng di cơ sở y tế song bhap bini.

# Bộ Chỉ huy Bộ đội biên phòng tỉnh Bình Phước bahrau peih bruk taduan mek Huân chương Khik iek palei negar hạng nhì saong pahadar 57 thun harei ilamu Bộ đội biên phòng. Dom thun tapa, Bộ đội biên phòng tỉnh Bình Phước jeng hu  tham mưu ka pakat ủy, raja-ei dom pakat dalam tinh jhul pakhang patagok kinh tế - xã hội, patruh eik patrun kathaot, pasiam saong paglaong rai diuk ka bhap bani bangsa takik di bhum atah bayah, khik kajap an ninh chính trị, trật tự, an toàn xã hội,  khik kajap jalan tapen negar, gang janeng tapen negar.

#/ Pandiak bhang urak ni daok rah tabiak khang di Bình Thuận. Urak ni, dalam tỉnh hu labaih 1.300 héc-ta phun pala thu lagu kayua karung ia pruh song pandiak khang. Tui panuac khan di Ban Chỉ huy pacang caga bala song dong duah urang njauk bala tỉnh Bình Thuận, kuhria tal harei 3/3, tong abih mblang taneh khat lihik dalam tỉnh mboh labaih 1 .300 héc-ta. Dalam nan hu 70 ha padai, 45 ha tangei, 400 ha bei plom song yaok rituh ha thanh  long, paaok, quýt song paaok blait khat lihik abih. . Ông Nguyễn Đức Hòa, Phó Chủ tịch Ủy ban bhap bini tỉnh Bình Thuận brei thau

 Tỉnh hu pathau khan, pachreih ba bhap bini, salih tapa phun pala, patrun bruk pala padai atau dom phun pala ralo ia, salih tapa pala dom janih phun pruh takik ia jang. Song jak ba bhap bini pandar ia patak pataom, peih dom jalan anak meta yau kuac raok danao bingun

# Urak ini, tuk tua riya pandiak bhang, mbak daok rah tabiak khang, aia taba di tỉnh Bến Tre biak kurang ye hu sa urang kamei prong thun meda hatai pahla, halar hatian daong ka baoh sang kathaot. Nan lac bruk ngak bak hatai anit ranam di amuk Nguyễn Thị Hưỡn, 72 umo, daok pak ấp Phú Thành, xã Phú Hưng, bal sit Bến Tre. Dahlau diah, amuk Nguyễn Thị Hưỡn patuah jamo cao hu bingun aia ngầm biak “yamen” piah pandar dalam sang. Kayua kurang aia baoh sang amuk halar hatian brei aia sraoh oh mek jien ka dom baoh sang kathaot daok kurang aia pandar.

# Gah y tế Hà Tĩnh dok pataom tame bruk pasang iek urang nhập cảnh meng Cửa khẩu quốc tế Cầu Treo, Cảng biển Vũng Áng, Xuân Hải piah pacang cakak ruak kayua vi rút Zika njom mbak. Urak ni, Hà Tĩnh hu biak rilo menuac nao mai tapa Cửa khẩu quốc tế Cầu Treo song Cảng biển Vũng Áng. Kayua yau nan ye bruk pasang iek dom janih ruak njom mbak, abih di nyu nan lac jit ruak kayua vi rút Zika hu gah y tế Hà Tỉnh iek prong.

# Harei kabroi ( 3/3), pak bal raya Hồ Chí Minh, Cục khik iek pasang iek ruak (Mentri Y tế) hu peih  Nyaom biai giao ban bruk pasang iek ruak thun 2016  bhum gah meraong. Thun 2015, dalam negar hu 13 triệu 500 mbang urang tame sang iek ruak, tagok 0,06% dut haong thun 2014. Dalam nan, jaij 50% urang ruak hu iek ruak nội trú pak tuyến tỉnh, jaik 37 % hu iek ruak pak tuyến huyện; 8,6% hu iek ruak pak dom sang iek ruak di Mentri. Thun 2016, dom sang iek ruak gah Meraong meda patui veik peih ngak Chỉ thị di Thủ tướng Raja-ei ka patagok dom jalan ngak patrun quá tải sang iek ruak saong peih prong mạng lưới sang iek ruak tapa tuyến.

          Patui di ni dom khau tin dunya:

          #/ Akaok mintri Giao thông vận tải Malaysia Liow Tiong Lai brei thau negar ni hu brei sa kapul tal Mozambique piah pasang iek dom candaih pacah bahrau mboh di labik ni hu mong lac di kapan haoh MH370 di hãng kapal haok Malaysia lihik 2 thun dahlau. Tui kuhria, meda hu sa mbang ginum biai di 3 gah Malaysia, Australia song  Trung Quốc dalam bilan 6 anak tal piah dom chuyên gia ba tabiak panuac kakei ka bruk duah thau di anak tal.

# Tui roh duah bahrau đăng angaok tạp chí y khoa di Anh harei 3/3, kuhria tal thun 2050, sản lượng pandap panda TRUN kayua baoh taneh daok pandiak tagok ngak ka manuac urang metai kayua kurang pandap panda tagok jang 500.000 urang.  Tui Gah Nông Lương Liên hợp quốc (FAO), kuhria tal thun 2015, jaik 800 triệu urang angaok dunya laik tame bruk kurang mbang atau oh pabak hu hatai caong khin pandap mbang dalam sa harei.

#/ Karja tỉnh Chiết Giang, gah pai Trung Quốc brei thau bahrau peih bruk pametai jamuk piah pacang cakak virus Zika, dalam tuk ban Hàng Châu di tỉnh ni kuhria peih Nyaom roya pakat glong  di kapul dom nền KT patagok song bahrau tagok di dunya ( G20) dalam bilan 9 anak tal. Bruk ni hu dui atah 8 bilan hu pataom tame dom labik hu rilo urang dok, dom labik jiak pasa, dom jalan radaih song jalan pasei./.