#/ Pahadar 66 thun harei anek saih, SV saong Hội SV Việt Nam (09/01/1950 – 09/01/2016), harei kabroi 7/1 di HN Trung ương Hội Sinh viên Việt Nam peih bruk jao giải thưởng “Sao tháng Giêng”, pok meyaom angan “Sinh viên 5 siam” song “kapul Sinh viên 5 siam” pakat TƯ thun 2015, Giải thun ni hu pok brei 101 SV, song 5 kapul nyaom naih gheih dalam bruk peih ngak song hu mbaok tame bruk  “Sinh viên 5 siam”. Hu taduan giải thưởng Sao Tháng giêng mbang ni, Lưu Quốc Trình, Sinh viên Đại học Cảnh sát nhân dân brei thau:

          Adei mboh biak  hadah mbaok meta tuk taduan hu giải thưởng. Ngan song yaok SV ye trách nhiệm camereip di drei lac bac daa, hadei di nan kham merat hu mboh tame dom phong trào. Tuk hu mboh tame dom bruk phong trào ye drei hu rilo ilamu jang dalam rai duik .

# Hội đồng đội trung ương hu nao ravang, alin pandap saong alin brei Tu tapuk ka uranaih jaoh jo di pasak daong pato megru  uranaih jaoh jo tỉnh Đắc Lắc. Tủ tapuk kayua Hội đồng đội Trung ương alin brei yaom 20 triệu đồng, saong labaih 50 baoh tapuk dom janih, rilo meng lac tapuk di Nhà xuất bản Kim Đồng, truyện tranh, tapuk khoa học caik ka thiếu nhi. Langiu alin tủ tapuk, dalam tết nguyên đán Bính Thân, Hội đồng đội trung ương saong lambaok sang thiếu nhi dom tỉnh jeng hu alin dom adei nek saih sang bac 75 paok pandap yaom 11 triệu đồng.

#/ Tỉnh Phú Yên hu labaih 72.000 ha taneh ngak nong. Yaok thun, dom  kanduk klaoh, bao bì jru khik caga phun pala klak tabiak hadei di tuk pandat bloh biak rilo. Piah patrun bruk merak tachuak song paglong akaok sahaneng ka bhap bini dalam bruk khik caga alam môi trường. Tỉnh Phú Yên hu peih ngak iek bruk pataom haraik hareim bao bì jru khik caga phun pala. Dom puk palei hu padang dom danao hareik meng bê tông, caik di dom labik mbuan lagai. Hadei di 3 bilan peih ngak, hatai sahaneng khik caga alam moi truong di bhap bini hu salih bahrau.

# Piah ba mbuan lagaih ka bruk pala drak vụ Đông Xuân, tỉnh Ninh Thuận hu daong labaih 2 tỷ 400 triệu đồng ka dom puk palei dalam tỉnh blei pajaih piah peih praong dom bruk pala drak hu kein laba. Tỉnh daok peih bruk ngak lac bhum taneran daong 30% saong bhum ceik daong 40%. Tui kuhria mboh dahlau, hiện tượng El-Nino daok dui atah, meda ngak kan kandah praong tal bruk ngak nong di thun 2016, meng akaok bilan Đông Xuân 2015-2016, tỉnh Ninh Thuận hu tacei patao dom puk palei peih bruk pala drak tui njauk lịch thời vụ, peih ngak siam bruk salih janih phun pala njauk, plaih khat lahik kayua kurang ia pruh.  

#/ Peih bruk jak ba“ Urang VN dahlau di abih njauk  pandar pandap Việt Nam”, urak ni di dom  huyện, ban dalam tỉnh Vĩnh Long hu padang mban tacei jalan bruk jak  ba. Thun 2015, DN tỉnh hu peih 160 darak pasa ba pandap Việt mai palei pala song hu mbaok di 250 DN DN dok dalam song langiu tỉnh, hu llabaih 110.000 ribau urang mai iek, blei pandap song jien mek tame hu yaok pluh tỷ đồng.

# Danakdak “ tết ngak bruk gheih - Xuân Bính Thân 2016" di harei 15/1 kayua kapul urang nong ban raya Hồ Chí Minh saong rayo papar binguk ban raya peih ngak meda rah tabiak di harei 15/1 tal. Danakdak piah daong, ba mbuan lagaih ka urang nong kathaot yam tagok dalam raidiuk, patagok hatai anit ranam gauk di dom doanh nghiep, labik saong menuac urang daong dom bruk ngak an sinh xã hội di ban raya . Thun ini meda daong 50 baok sang anit ranam, brei 1.500 paok pandap tết, 500 bồn caik piah ia hacih ka hội viên urang nong kathaot, daong 30% yaom thẻ bảo hiểm y tế ka labaih 23.000 urang nong kan kandah. 

# Gam song bruk kurang ia ka bruk pala drak, ia saat piah pandar ka bhap bini dok di bhum tapen tasik, bhum palao kaoh di tỉnh Tiền Giang gaok kan kandah. Di huyện Gò Công Đông, tỉnh Tiền Giang urak ni ia jamriak bahrau pabak hu ka jiak 21.000 boh sang, samu  58%.Boh sang dok veik njauk pandar ia meng danao, bingun. Anak bruk langik thu lagu, njom mbak dok rah tabiak khang, dom  DN pabak ia song karja dom puk palei hu peih rilo jalan ngak piah langyah  kan kandah ka bruk ia pandar

          Patui di ni dom khau tin dunya

          # Jabat tổng thống Hàn Quốc brei thau, Hàn Quốc meda ramik pasiam danakdak papar sap meng harei (8/1) di bhum tapeng negar saong Cộng hòa Dân chủ bhapbini Triều Tiên. Dahlau nan, Triều Tiên hu ieu ini lac danakdak papar sap di Han Quoc di bhum tapeng negar ini lac “ bruk ngak tapak brei thau bruk mesruh metak”. Bol bala Hàn Quốc hu padheih dom danakdak papar sap caga Triều Tiên hadei tuk dua gah ngak hu thỏa thuận harei 25/8 thun dahlau piah patrun căng thẳng di bán đảo Triều Tiên.

          #/ Jabat rajaei Cuba bahrau hu panuac khan lac,  sa phòng thương mại di Đức jaik hu padang tagok di ban ine La Habana. Hadei di mbang taom gaok di Akaok mintri pablei salih đầu tư Cuba song Phó Thủ tướng Đức Xich-ma Ga-brien (Sigmar Gabriel), dok rivang Cuba, 2 gah hu mbaoh tangin tame harak ka bruk peih Jabat lambaok pablei salih di ban ine di Cuba. Urang jakar ngak praong di Đức cong lac,  hadei di tuk hu phòng pablei salih pambuak bruk nan, dom urang ngak mbang di Đức hu mbuan lagaih jang piah ngak mbang suai lavik di Cuba.

          # Sa sang iek ruak barau kayua sa kapul lingiu rajaei di In-đô-nê-xi-a daong, barau hu peih bambang di Dải Gada. Ini lac mbang akaok mereip dalam sa abap tapa,  Dải Gada taduan mek sa cơ sở y tế barau piah  daong bruk iek ruak kik ka yaok ratuh bhapbini daok di bhum gah Brak. Sang iek ruak ini daok di angaok sa baok mbuan langiu trại yia-ba-li-a (Jabalya)- trại tị nạn praong abih di Dải Gada, ba dịch vụ y tế ka jaik 300 rabau urang daok di bhum cực bắc – labik njauk ndua naong dom khut khat trak di mbang mesruh metak di Palextin saong Ixraen./.