1/ Di ban sit Vinh, tỉnh Nghệ An hu peih nyaom biai chuyên ngành  đột quỵ pakat negar mbang ka 5. Hu mbaok dalam nyaom biai, lac dom giáo sư chuyên ngành di rilo negar song hu labaih 600 urang ilamu di dom viện, sang bac di TƯ, tỉnh ban dalam negar. Mban peih bruk hu palih ruah 44 đề tài  pathau khan dalam nyaom ilamu. Meng dom đề tài ilamu khoa học ni, rilo kỹ thuật bahrau jeng sa jalan ngak, kỹ thuật hu ba tame pandar dalam bruk  iek ruak tai biến mạch máu não song đột quỵ. 

2# Piah khik caga hacih saat siam pandap mbang menyum tuk Tết Trung thu, tỉnh Ninh Bình hu padang 3 kapul  pasang iek lien nganh nao pasang iek 27 labik ngak, pablei salih dom pandap pablei rilo dalam dom harei Tết Trung thu di 8 huyện, ban. Meng ini tal tamat Tết Trung thu, Chi cục Vệ sinh an toàn thực phẩm tỉnh Ninh Bình pambuak bruk saong dom gah chuc nang daok nao pasang iek rilo labik ngak, pablei salih pandap mbang menyum piah khik caga hacih saat siam pandap mbang menyum.

3/ Đại học Đà Nẵng pambuak bruk song Bảo hiểm Xã hội ban Đà Nẵng peih nyaom biai ka bruk BHYT ka anek saih, SV ban Đà Nẵng thun 2015. Dalam thun bac 2014- 2015, anek saih, SV hu blei BHYT tagok jiak 98% rilo jang jiak 3% dut song thun bac dahlau, dalam nan hu rilo sang bac thành viên di ĐH Đà Nẵng tagok jiak 100%. Phó giáo sư – Tiến sỹ Ngô Văn Dưỡng, Phó Giám đốc Đại học Đà Nẵng brei thau:

Nyaom biai mbang ni lac jalan piah ka khol drei ginum biai, ba tabiak dom jalan ngak siam meng bruk BHYT di dom sang bac. Meng nan hu pasiam, patrun tavak tavaiy kan kandah, kham merat peih ngak siam bruk BHYT anek saih, SV thun bac 2015- 2016

  4# Ủy ban Mặt trận negar Việt Nam tỉnh Sóc Trăng pambuak bruk saong Công ty Trách Nhiệm Hữu hạn sa thành viên Xổ số kiến thiết Sóc Trăng hu peih pakak, jao brei 250 baok sang Jum pataom ka sang kathaot dalam tỉnh. Di harei jao brei nan, akaok Tỉnh ủy, Ủy ban bhapbini tỉnh, Mặt trận negar Việt Nam tỉnh Sóc Trang hu brei dom pandap pauan dom sang hu sang daok barau; tabhia nan brei tượng trưng 5 tỷ đồng ka paok jien “ kayua urang kathaot” di uy mban mat tran negar Việt Nam tỉnh piah patui bruk iek glang ka sang kathaot dalam dom thun tal .

5/ Piah rami ramik veik gah ngak nong palei pala, hadei di sa thun peih ngak danak dak salih janih phun pala kaya rong, hu ieu lac danak dak 1000, tỉnh Hậu Giang hu dong ka yaok ribau boh sang tagok jien mek tame meng 1mbang meteh tal 2 mbang dut song dahlau di nan. Tapa sa thun peih ngak, danak dak pachreih hu labaih 2.600 boh sang hu mbaok tame.

6# Di tỉnh Bình Dương, Cục khik ramik iek ruak mintri Y tế peih bruk pasram iek ruak pandiak tabiak darah Dengue ka y tế 3 tỉnh praong urak ini lac Bình Dương, Đồng Nai saong Tây Ninh. Di Việt Nam, yaok thun jeng daok hu meng 50.000 tal 100.000 urang njauk ruak pandaik tabiak darah Dengue, dalam nan labaih 80% dom urang ruak njauk ruak di dom tỉnh bhum gah meraong .

          7/ UB bhap bini ban sit Trà Vinh song liên đoàn dunya peih bruk pacang kan kathaot song bất công di VN (ActionAid Việt Nam - AAV) hu peih ngak danak dak dong patagok ka urang kan kathaot di ban sit Trà Vinh. Ni lac palei ka 3 di tỉnh Trà Vinh song lac tỉnh camereip di bhum taneran krong CL hu AAV dong danak dak patagok. Danak dak hu peih ngak meng ni tal thun 2017 song meda dui atah bruk dong ba tal labaih 10 thun.       

          Patui di ni dom khaw tin dunya

8# Cảnh sát Thái Lan barau tabiak lệnh truy nã sa urang umo 30 thun, pambuak tal bruk patuh bom bak darah di ban Băng Cốc bilan dahlau.  Cảnh sát Băng Cốc brei thau, urang ini blei pandap ngak mbom meng meng sa cửa hàng di bhum Klongton, Băng Cốc harei 4 bilan 8 saong hu mbaok tame ngak bom.

          9/ Tui khau tin bahrau di abih meng karja Á rập Xê Út, bruk juak tagok gauk di ban Mi Na, gah langiu Mecca, urak ni tagok tal 717 urang, dalam nan urang njauk rambuac 863 urang. Ni hu mong lac sa dalam dom bala khang di abih dalam bilan ngak rukum Haji di -rập Xê-út kuhria dalam 20 thun tapa.

10# Cảnh sát Argentina khan brei thau barau dauh mboh sa jalan pajeng ma túy barau di kol tội phạm, nan lac srau cocaine (cô-ca-in) tame dalam dom kadung brah dalam angan pandap daong dakandak pahla di Liên hợp quốc. Gah an ninh brei thau, kapul chức năng mek hu khik jaik 1.000 kadung brah srau cocaine. Bruk njauk ndom nan lac dom kadung brah ini lac pandap daong brei pahla daong sa danakdak cứu trợ  brah di Liên hợp quốc caik ka urang kathaot di châu Phi.