1/ Kuhria caga ka mbang nyaom 7, QH mbang 13 anak tal, Kapul urang QH ban sit Cần Thơ hu peih 25 mbang taom gaok jiak 2.500 cử tri. Dalam nan hu jiak 250 cử tri hu mbaok song labaih 300 ý kiến, kiến nghị. Tui ong Huỳnh Văn Tiếp, Phaok akaok kapul QH ban sit Cần Thơ, tapa dom mbang taom gaok cử tri, hu rilo bruk rilo kadha hu dom cử tri brei panuac, brei thau hatai sahneng.

2/ Bruk TQ ba giàn khoan HD – 981 saong ralo kapal di TQ tame ngak bruk di labik lô dầu khí 143 di thềm lục địa VN harei 1/5/2014 tal urak ini daok ngak ka menuac sia di VN saong dunya oh njauk hatai. Anak bruk ini, dam dara ban ine HN hu ralo bruk ngak pachreih tui, pato pakai dam dara  ka dom bruk pambuak tal chủ quyền tasik pulao. Gam saong nan, dam dara Việt jeng daok kham merat ieu pamaong ka biển đông, jak ba bruk pachreih tui di ayut sahabat dunya. Dom dam dara jeng ndom lac: bruk ngak di TQ daok ngak kan kandah tal talei pambuak bruk tui jalan 16 akhar meh bo urang dang akaok saong bhap bini dua taneh ia kham merat dak padang.

 3/ Kapul ngak bruk di UB bangsa kayua ong Sơn Phước Hoan, Phó Chủ nhiệm Ủy ban bangsa pan akaok kapul hu ngak bruk song tỉnh KG piah pasang iek tong yaom 3 thun peih ngak danak dak pakat negar padang ngak palei pala bahrau di tỉnh ni. Di var ngak bruk, ong Sơn Phước Hoan, Phó Chủ nhiệm Ủy ban bangsa ndom lac, Dom pakat ủy đảng, karja dalam tỉnh hu tacei ba, peih ngak njauk. Bruk padang ngak palei pala bahrau di tỉnh hu pataom tame bruk praong, chất lượng, oh dàn trải, oh nduac tui số lượng. Bruk padang ngak palei pala bahrau hu dong pasalih jalan ngak mbang, salih mbaok meta palei pala, dong patruh eik patrun kan kathaot, paglaong rai duik bhap bini di labik palei pala dalam tỉnh KG. Phó Chủ nhiệm Ủy ban bangsa hu klak rabha dom kan kandah di puk palei piah pathau khan mban tacei jalan TƯ danak dak pakat negar padang ngak palei pala bahrau, samar hu jalan dong ka palei pala langyah dom kan kandah.

4/ Hội Liên hiệp urang kamei tỉnh Đắk Lắk peih harei pataom daoh ru, daoh ragu bhap bini meng kan mbang ka sa thun 2014. Mai pataom mbaok, hu jaik 100 urang mai meng 15 Hội Liên hiệp urang kamei di dom huyện, ban sit, ban praong dalam tỉnh. Dom urang nan parang me-in di harei pataom 30 kadha daoh, tamia hadah krah di daoh quan họ, daoh xoan, ví dặm, chèo. Abih di nyu nan lac dom kadha daoh ru anek di urang kamei bangsa Ê Đê, M’Nông. Asal dom kadha daoh pok meyaom Đảng, Wa Hồ, pok meyaom puk paga, palei negar, ilamu siam mekre di urang kamei VN pambuak saong pathau khan  dom bruk ngak di hội liên hiệp urang kamei, jak ba urang hội bac megru saong ngak tui jalan hadah krah siam mekre di HCM. Tamat harei pataom, mban peih bruk hu jao giải sa ka 2 kadha “Panuac pato meng kan” di hội liên hiệp urang kamei huyện Krông Pắk saong kadha “Lúng liếng” di Hội Liên hiệp urang kamei huyện Krông Năng.

5/ Kapul ngak bruk kayua Phó Thống đốc Gilang pariak karja Việt Nam Nguyễn Đồng Tiến pan akaok hu var ngak bruk song tỉnh TN ka danak dak pakat negar padang ngak palei pala bahrau. Hadei di 3 thun peih bruk padang ngak palei pala bahrau. Tỉnh TN ieu pataom hu jiak 1800 tỷ đồng piah padang ngak dom danak dak, pabak ka bruk patagok KTXH di palei pala. Dalam nan hu 9 xã hu pataom tame ngak piah ngak salah bloh 19 tanut dalam thun ni , kuhria rah tapa yaok xã ngak hu 11 tanut. Brei panuac di van ngak bruk, phó thống đốc gilang pariak kajar VN Nguyễn Đồng Tiến taduan mek dom panuac caong khin, dom kiến nghị di tỉnh TN ka bruk dong phun jien, abih di nyu nan lac phun jien ka dom danak dak jalan mbak song pato pakai. Gilang pariak karja samar duah thau piah hu jalan ngak tín dụng siam, lagaih, pachreih ba dong BH ngak nong ka dom kaya nong praong di TN

6/ Tui liên hiệp dom tổ chức hữu nghị tỉnh Đồng Tháp, dalam 3 thun tapa, dom tổ chức lingiu rajaei hu daong ka tỉnh Đồng Tháp jaik 75 tỷ đồng piah peih ngak dom danak dak, dự án ka bruk pato megru, y tế, patruh eik patrun kathaot… taphia di nan peih dom bruk ngak pahala xã hội di puk palei. Dom dự án ba mai kein lagaih biak cambaih laih yau: dự án “daong pasiam veik chip hadei di bala ka uranaih saong baoh sang gaok kan kandah kayua ia sua di bhum taneran kraong Cửu Long” ngan saong yaom daong ralo di abih nan lac 12 tỷ đồng; Dự án “daong brac draih baoh hatai ka uranaih” di tổ chức Children Action; Dự án “raong glang pasiam veik anek pajaih, paglaong rai diuk baoh sang urang nong” di tổ chức Heifer; Dự án “jhul pakhang bruk likei kamei samu gauk saong jao quyền ka urang kamei di tổ chức IOM; ... Hiệp hội Chữ thập đỏ Trăng lưỡi liềm đỏ dunya peih brei jien daong padang ngak sang pacang ribuk ia sua ka 74 baoh sang kan kathaot di 2 xã Tân Bình saong Tân Mỹ (huyện Thanh Bình) njauk kan kandah kayua mbang ia sua thun 2011 ngan saong yaom jien labaih 3,1 tỷ đồng. Urak ini dom baoh sang hu rai diuk tani tanat. 

 7/ Meng rilo thun ni mai, ban raya HCM dok dalam bruk kurang gru pato nầm non. Tui kuhria yaok thun brei pabak labaih 2000 gru pato mầm non. Ban raya hu 3 cơ sở pato pakai gru pato mầm non nan lac sang bac ĐH Sư phạm ban raya, sang bac  Đại học Sài Gòn song sang bac Cao đẳng sư phạm Trung ương 3. Min dom gru pato mầm non bac tamat bloh yaok thun oh ginup pabak ka ban raya. Piah langyah bruk ni, thun 2013, sang bac ĐH Sài Gòn brei padang khoa Trung cấp piah pato pakai gru pato mầm non. Tui nan, jalan đào tạo tín chỉ meda dui katut panat tukvak pato pakai mầm non meng 2 thun trun dok sa thun meteh song pabak yaok thun 1600 gru pato.

Patui di ini dom khau tin dunya:

8/ Nyaom meyai pakat glaong ASEAN 24 hu peih tabiak di harei 10/5 tal di ban ine Nây-pi-tô di Myanma. Dalam tuk bruk biển đông daok rah tabiak dom kan kandah pambuak tal bruk TQ caik gian khoan ia dalam HD 981 di labik thểm lục địa di VN meng bloh, ye menuac sia sangka lac bruk biển đông meda hu ginum meyai yau habar di nyaom meyai pakat glaong mbang ini. Dalam mbang calei saong báo chí barau ini, Thứ trưởng mintri ngoia5 giao VN Phạm Quang Vinh brei thau, bruk biển đông nan lac sa dalam dom bruk njauk ngak dahlau di danak dak nghị sự di dom urang dang akaok ASEAN. 

9/ Mỹ hu panuac cảnh báo TQ ka bruk ba giàn khoan tame bhum tasik VN, lac bruk ni nyu hu tính khiêu khích song ngak srau kadau bhum ni. Jeng dalam harei kabroi, urang brei panuac di mintri Ngoại giao Xinh-ga-po jeng brei mboh suh sah ka dom bruk daok rah tabiak bahrau ini di bhum tasik, song hu panuac ieu tong abih dom gah njauk kiềm chế song nyaik ngak brei catang jang di bhum tasik ni.

10/ Thượng viện Thái Lan daok pasang iek bruk lac kurang trách nhiệm ngan saong Thủ tướng Yingluck Shinawatra, hadei di tuk UB pacang tham nhũng dalam taneh ia brei thau hu ginup bằng chứng piah patui iek bruk ini. Cambaih laih, nan lac amuk Yingluck, hu kaoh duac lac kurang trách nhiệm tuk peih ngak danak dak daong padai brah brei ka urang nông, ngak khat lahik yaok tỷ USD. Meyah thượng viện mboh lac biak, amuk Yingluck oh brei hu mbaok tame bruk chính trị dalam 5 thun. Dahlau nan sa hrei, amuk Yingluck njauk tòa án hukum pacap từ chức kayua lac amuk lạm dụng quyền lực./.