# Thủ tướng raja-ei bahrau mboh tangin phê duyệt dom angan Dự án “Padang ngak tatua brei ka bhap bani nao mai saong khik iek jalan puk palei”, mesre phun jien Gilang pariak Dunya. Dự án piah peih ngak danak dak padang ngak tatua brei ka bhap bani nao mai khik caga siam mekre bruk nao mai bhum urang bangsa takik vaktu 2014-2020, daong patagok kinh tế, ilamo, xã hội ka palei pala, abih di nyu lac dom bhum atah bayah hu ralo bhap bani bangsa takik. 

          #/ Tỉnh Tây Ninh hu jalan tapen negar labaih 240 Km jiak negar Campuchia. Dalam tỉnh hu 2 pambah mbang negar dunya, 13 pambah mbang phụ song rilo jalan karei  lagaih ka bruk nao mai pablei salih patagok KT. Dom thun tapa Bộ Chỉ huy Bộ đội Biên phòng Tây Ninh tuk halei jeng lac gah nòng cốt, gam hong bol bala saong bhap bini khik caga an ninh biên giới . Trung tá Lê Văn Thức, Phó đồn trưởng Đồn biên phòng Tân Hà - đơn vị pakacah quyết thắng thun 2015 lac:  Mban chỉ huy đồn bhian pambuak song dom pakat karja, kapul nyaom puk palei, jhul pakhang bruk pathau khan dalam bhap bini ka sarak di đảng, sarak hukum di karja, abih di nyu nan lac dom nghị định qui định ka qui chế biên giới

             # Ủy ban Bhap bani bal Đà Nẵng peih nyaom biai peih tabiak bruk pacang cakak kaol kanjah jhak, HIV/AIDS, tệ nạn xã hội saong padang bruk taong abih bhap bani pacang khik an ninh Palei negar thun 2016. Tapa nan, 16 kapul nyaom, 4 urang hu Ủy ban bhapbani bal pok brei harak meyaom saong 6 kapul nyaom, 3 urang hu Công an bal pok brei harak meyaom kayua hu thành tích dalam bruk pacang cakak kaol kanjah jhak, HIV/AIDS, tệ nạn xã hội saong padang bruk taong abih bhap bani pacang khik an ninh Negar thun 2015.

          #/ UB bhap bini tỉnh Khánh Hòa bahrau phê duyệt Đề án “ Pamaong tal bruk oh hu urang likau mbang nao ban glai ban klo di Nha Trang” Tui nan, urang camereip brei thau cambaih menuac likau mbang hu brei 100 ribau đồng sa mbang khan. Ban Nha Trang kham merat tal thun 2020 oh dok bruk likau mbang, pablei salih pandap panda, nao tui takai tuai damuai, oh rah tabiak bruk co, blah.

 # Tui bruk ba tabiak dalam vaktu 2016-2020, tỉnh Bình Định meda padang ngak 28 baoh tatua brei ka bhap bani dalam tỉnh. Tui nan, phun jien tukvak ka 2 hu Trung ương daong 317 tỷ đồng meng phun jien mesre di Gilang pariak dunya piah padang ngak. Langiu di nan, panduan meng tukvak ka 1 thun 2015 tapa tukvak ka 2 thun 2016 meda padang ngak 2 baoh tatua bê tông karei (tatua Tân Xưng, huyện Hoài Ân saong tatua Palei 2, xã An Vinh, huyện An Lão).

#/ Tui gah du lịch tỉnh Hậu Giang, dalam 2 bilan akaok thun 2016, Hậu Giang taduan hu 70.000 tuai damuai mai rivang, dalam tuai dunya hu labaih 2000 urang, mek hu labaih 2 tỷ đồng, tagok khang dut song tuk vak ni thun 2015. Dom urang ngak du lịch brei thau, tuai mai tal Hậu Giang tagok khang kayua Hậu Giang dok patom tame bruk patagok du lịch pamong tal tal sa gah KT prong di puk palei.           # Urak ini, dalam negar, hu Bal raya Hồ Chí Minh, Hà Nội, Khánh Hòa, Thừa Thiên - Huế saong Tiền Giang padang hu 240 duk khám bác sĩ gia đình. Kuhria tal abih thun 2015, dom duk khám ini ngak hu 3.812 mbang cấp cứu, khám saong iek ruak ka jaik 808 ribau mbang, peih ngak labaih  12 ribau ka blac riah saong ba tagok tuyến angaok 14.440 ka karei. Dom bác sỹ gia đình jeng hu nao iek ruak pak sang ka labaih 3 ribau mbang urang saong  tư vấn labaih 10.300 mbang... Langiu di dom bruk ngak angaok nan, dom duk khám bác sĩ gia đình daok peih  bruk ngak y tế pak baoh sang bo duk khám khik iek yau: pasang iek ruak, kê đơn jru,  thay băng, cakak marai, mek mẫu darah, mẫu aia me-iuk piah duk iek, khí dung, pathau khan… Cục Khik ramik Pasang iek ruak taong yaom: ini lac dom jak jeng siam mekre, brei mboh bruk ngak ini daok nao njauk jalan, laik haong hatai caong khin di rahra, daong patrun quá tải sang iek ruak, njauk pambak prong tabiak grap labik dalam negar.

          Patui di ni dom khau tin dunya:

            #/ Bộ Nhập cư Đan Mạch brei thau, karja negar ni brei dui atah jang 30 harei dom bruk tui iek jalan tapen negar, nan lac dui atah tal abih harei 3/4 . Meng harei 4/1, karja Đan Mạch hu patagok bruk tui iek di dom bhum tapeng negar, meng di tuk negar Thụy Điển hu dom jalan ngak dreih yau nan, piah patrun urang nhập cư song tỵ nạn meng Trung Đông song Bắc Phi.

 # Pak bal ine La Habana, Liên minh châu Âu saong Cuba hu yam tame vòng ginum biai ka 7 ka  Thỏa thuận Đối thoại Chính trị saong Pambuak bruk dua gah. Dua gah meda pataom tame ginum biai dom asal pambuak pagam tal thương mại, đầu tư, pambuak bruk saong dom sanya thỏa thuận chính trị. Ong A-be-la-đô, akaok kapul ginum biai Cuba brei mboh hatai jia lac hadei di mbang ginum biai dua gah meda peih ngak dom bruk hu makna, taphia di nan daok peih tabiak jalan ba tal tamat blaoh dalam siam mekre bruk ginum biai di puac adit ini.

#/ Ủy ban pasang iek megei boh taneh di Myanma daok pasang iek riyah khang di dom labik tapen tasik di negar ni hadei di mbang megei boh taneh khang di Inđônêsia meng bloh. Jabat Khí tượng Thủy văn Myanma jeng brei thau, urak ni dok pambuak bruk khang kajap haong Inđônêsia song Ôxtrâylia, piah tui iek bruk saong ba tabiak panuac brei thau chip meyah rah tabiak riyah khang.