# 5 thun tapa, bruk  “bhap bini jum pataom dak padang raidiuk ilamu” di tỉnh Sơn La hu bhap bini dom bangsa  abih hatai pataom tame saong dak harei dak glaong gah chất lượng. Tapa nan, tỉnh Sơn La hu pok harak meyaom ka 11 kapul, 18 urang naih gheih dalam bruk “bhap bini jum pataom dak padang raidiuk ilamu” tukvak 2011 – 2015. Ong Sùng A Dế, xã Mường Giàng, huyện Quỳnh Nhai, tỉnh Sơn La lac:

Daok pathau khan ka mikva thau daong gauk, patagok bruk ngak mbang, ngak njauk tui adat hukum piah mikva tani tanat raidiuk.

 # Tỉnh Quảng Ngãi pataom tame ngak dom bruk khik caga an toàn jalan nao mai thun 2016. Piah ngak hu bruk ba tabiak, tỉnh Quảng Ngãi salih barau bruk pathau khan, brei thau, pato adat hukum ka trật tự an toàn giao thông meng rilo jalan siam lagaih tal bhapbini, abih di nyu nan lac dom dam dara uraniah di bhum atah bayah, bhum bhapbini bangsa takik piah paglaong akaoak sahanneg ngak tui adat hukum tuk nao mai di jalan .

# Harei 7/1, sruh radaih camreip dalam dom sruh radaih pajeng labaih 400 tấn pandap Tết duh ka urang jakar, urang lin saong bhap bini huyện pulao Trường Sa tuk Tết sak kara 2016 hu tame cảng đảo Trường Sa, di ban sit Trường Sa, huyện pulao Trường Sa, tỉnh Khánh Hòa. Taong abih dom janih pandap ini jeng hu caik dalam kadung, khik hu siam mekre dalam tuk pajeng ba, piah ka urang jakar, urang lin saong bhap bini dom pulao di huyện Trường Sa mbang Tết hu ginup pandap yau daok di baoh taneh. 

          # Tánh Linh lac huyện bhum ceik di tỉnh Bình Thuận, hu 14 xã, ban sit, dalam nan hu 6 xã bhum glaong. Abih tih bhapbini bangsa takik lac 3.295 sang, mablah jaik 14% menuac urang dalam huyen, hu 12 bangsa, yau ye : Raglai, Chơ-ro, K’ho, Dao… Dom thun tapa, meng hu dom sarak di Dang, hukum di karja saong abih di nyu nan lac bruk kham merat di bhapbini bangsa hu ngak slih bhum bhapbini bangsa di huyen. Meng bruk daok pak ini pak daih saong ngak mbang tui bruk ta eng blei ta eng pablei, bhapbini hu thau thâm canh tăng vụ, dak apdang dom labik sản xuất tập trung tagok tal yaok ratuh hecat. Mikva ngak padai hu 55 tạ sa ha, tangei lai hu 70 tạ yaok hecta . 

          # Tui Sở Lao động, Thương binh saong Xã hội ban Cần Thơ, piah daong dom baoh sang kan kathaot, sang sarak karja, urang jakar công nhân viên chức mbang Tết sak kara  2016 dalam bui sambai, ban sit Cần Thơ daok kuhria buh tabiak jaik 94 tỷ đồng piah daong ka dom urang nan. Kadha bahrau dalam bruk daong mbang Tết thun ini di ban sit Cần Thơ lac, jien daong ka yaok urang hu rilo jang 100.000 đồng dut saong thun dahlau saong urang hu daong jien mbang Tết jeng hu rilo jang kayua baoh sang kathaot tui tanut bahrau jeng hu rilo jang.

          # Ong Trần Ngọc Sơn, Phó akaok Sở Lao động, Thương binh saong Xã hội ban raya Hồ Chí Minh brei thau, dalam 1.216 doanh nghiệp brei thau bruk thưởng Tết Bính Thân thun 2016 hu 215 doanh nghiệp (meblah 17,68%) brei thau gaok kan kandah dalam bruk thưởng Tết ka urang ngak kayau bruk ngak mbang, pablei salih dalam thun gaok rilo kan kandah. Min dom doanh nghiep jeng daok kham merat ngak bruk bayan jien bilan saong thưởng ka urang ngak njauk tukvak. Langiu nan, rilo doanh nghiep daok peih bruk tất niên, nao ravang urang ngak gaok kan kandah, oh hu jien nao palei mbang Tết.

          # Piah paglaong kein laba di kaya ikan,  tỉnh Vĩnh Long hu pachreih urang ngak nong peih praong taneh raong kaya ikan tui jalan VietGAP, GlobalGAP saong patagok bruk raong tui trang trại raong kaya ikan piah khik iek siam labik raong.Tui Chi cục Thủy sản tỉnh Vĩnh Long, tal puac thun 2015, Vĩnh Long hu 276 ha, meblah 98% taneh daok raong ikan pra mek hu tanut chuẩn dunya saong VietGAP, ba mbuan lagaih dalam bruk khik iek bhum raong saong paglaong chất lượng kaya ikan pabak ka bruk chế biến, pablei tabiak negar lingiu.

          Khaw tin dunya

          # Ngoại trưởng Irắc I-bra-him An Gia-pha-ri (Ibrahim al-Jaafari) daok ravang Tê-hê-ran barau ini brei thau lac taneh ia meda dang kreh langyah căng thẳng ngoại giao di  Iran saong Ảrập Xê-út.  Daok gah drei, Ngoại trưởng Iran Da-ríp ndom lac, dalam dua thun meteh tapa, Ảrập Xê-út mesruh veik saong sarak ngoại giao di Iran, nao cagar veik bruk kham merat di Tê-hê-ran saong phản đối thỏa thuận hạt nhân (di Iran saong Nhóm P5+1 hu Anh, Pháp, Nga, Mỹ, Trung Quốc saong Đức).

# Bộ Nội vụ Đức brei thau, dalam thun 2015, Đức taduan 1 triệu 100 ribau urang tị nạn, dalam nan urang Xyri hu tal 40%. Rajaei Đức brei patagok 4 ribau menuac ngak ka jabatkhik iek bruk di trú piah langyah bruk daok quá tải kayua urang nhập cư biak rilo. Yaok bilan, rajaei jeng hu pabak jien ka dom palei hu taduan urang tị nạn, nhập cư. Gam saong nan, rajaei Đức jeng hu jalan ngak piah patrun, patakik urang tị nạn.

          # Darak pasar chứng khoán châu Á trun điểm hadei di tuk Cộng hòa dân chủ bhapbini Triều Tiên ngak iek hu bom Hi-đrô ( hydrogen bomb), jeng ye dom lo ngại ka tốc độ patagok di gah kinh tế Trung Quốc. Chỉ số Ních-cây ( Nikkei) di  Nhật Bản lahik 1,3%, trun daok 18,144.99, dalam tuk nan chỉ số Kospi di Hàn Quốc trun 0,5%  daok 1,920.16. Chỉ số Hang Seng di Hồng Công , Trung Quốc jeng trun 0,8%./.