#/ Mintri ilamu thể thao du lịch hu payua harak tal UB bhap bini dom tỉnh, ban di TƯ caong tacei pato dom sở, mban, ngành, dom puk palei song DN peih bruk pacang caga jit ruak Zika song pandiak tabiak darah. Tui nan dom tỉnh ban di TƯ samar tacei pato, pabak khau tin ka dom DN, tuai damuia ka dom jalan pacang caga jit ruak. Samar peih ngak dom jalan pacang caga jit kayua virus Zika tui tacei pato di mintri Y tế, Cục Y tế dự phòng.

          #/ Bruk pakacah “kamei siam binai dom bangsa takik” tỉnh Nghệ An hu peih tabiak dalam 3 harei meng 20/4 tal 22/4, hu mbaok di dom kapul nghệ thuật quần chúng di 11 huyệ, ban sit bhum ceik. Bruk pakacah hu 2 binah: Daoh tamia bhap bini song pakacah “ urang kamei siam binai dom bangsa takik”. Bruk pakacah urang kamei siam binai dom bangsa takik hu palih ruah 22 urang kamei ( umo meng 18 tal 25 thun, di dom bangsa  Thái, Thổ, Ơ Đu, Mông, Khơ Mú hu hộ khẩu dok di dom huyện, ban sit bhum ceik) hu mbaok tame pakacah parang iek khan aow meng kan song khan aow eng drei palih ruah.

        #  Pasak roh duah ilamu Chăm Ninh Thuận peih brik roh duah hu labaih 60 pandap di ilamu  Sa Huỳnh hu duah mboh Bình Thuận. Dom pandap ni dok dalam dom di chỉ khảo cổ Hồng Sơn, láng Cây Dúi (ban sit Phú Long, huyện Hàm Thuận Bắc), hu dom urang roh duah pandap klak di dom labik dalam negar roh duah song alin brei ka pasak . Bruk ni piah patagok bruk yaih khan tal bhpa bini , dom bộ sưu tập klak hu yaom glong dalam abhap  3.000 thun ni

#/ Di huyện Côn Đảo, tỉnh Bà Rịa – Vũng Tàu, mintri ilamu thể thao du lịch song ub bhap bini tỉnh Bà Rịa – Vũng Tàu hu khan brei thau Quyết định di thủ tướng rajaei ka bruk ramik veik quy hoạch labik khik ramik pasiam song patagok inum krung sajarah dak rai pakat negar Côn Đảo. Tui nan, tong abih mblang taneh ramik veik lac labaih 110ha.. Ni lac jalan pháp lý piah peih ngak dom dự án đầu tư piah ngak hu siam bruk khik ramik pasiam patagok yaom glong di inem krung, ngak tabiak dom janih pandap du lịch biak karei di Côn Đảo, dui pachreih tuia damuai, jhul pakhang bruk patagok KT puk palei

# Rayo sap ndom bhap bini ban raya HCM hu peih mbang ka 2 bruk pakacah palih ruah sap doh cải lương yaok adit brei ka dom urang umo meng 16 tal 40 thun. Hu 150 urang di dom tỉnh ban gah merong negar hu mbaok tame pakacah. Vòng sơ tuyển palih ruah hu 70 urang, 9 urang daoh bingi pang di abih di vòng bán kết hu palih tame vòng chung kết. 3 thí sinh hu điểm glong di abih hu tame vòng chung ke61ty xếp hạng di harei 25/6.

          # Adit thời trang quốc tế Việt Nam  thun ni hu rah tabiak meng harei 23/4 tal 26/4 di ban raya HCM. Tui kuhria nhà thiết kế Nguyễn Công Trí lac urang peih mbaok ka bruk ini ngan song bộ sưu tập “padai”. Dom thiết kế hu yaih khan jeng hu ngak meng chất liệu tanyaih Lãnh Mỹ A, sa dalam dom chất liệu tanyaih meng kan hu angan je di VN

# Harei patom ilamu thể thao bhap bini Khmer tỉnh Vĩnh Long hu peih tabiak dalam 2 harei meng harei 13 tal 14/4 di huyện Tam Bình, ngan song rilo bruk ilamu, doh tako, thể thao, pandap mbang huak yau: harei patom daoh tamia bhap bini Khmer, harei pataom pandap mbang huak meng kan di urang Khmer, pakacah gaiy tam bản likei kamei song dom kadha main bhap bini yau:  đá bóng mù, u ranh, cờ ốc… Harei patom ilamu hu peih tabiak tuk tame Chôl Chnăm Thmây di bhap bini Khmer./.