1/ Piah patagok bruk khik iek di karja ka inem krung ilamu dalam dom bilan puac thun 2014 saong peih tabiak jalan ngak di drei dalam thun 2015, mintri ilamu thể thao saong du lịch barau hu harak pandar sở ilamu thể thao saong du lịch dom tỉnh, ban pataom tame tacei pato đơn vị pambuak bruk saong dom jabat chức năng saong jakar palei dom pakat peih bruk pasang iek dom inem krung, dom miuyim piah hu jalan khik caga, pacang khuah patuh, pacang co klaik cổ vật, khik siam mekre salamat ka dom miuyim, inem krung.

2/ Mban peih bruk giải thưởng thaot binguk inem krung VN – (Vietnam Heritage Photo Awards) 2014 barau peih parang iek thoat binguk inem krung VN ban sit Hội An, tỉnh Quảng Nam. 100 blah thaot binguk mekre di abih hu palih ruah meng mbang pakacah thaot binguk inem krung VN 2014 hu ba tabiak parang iek. Ini lac dom blah thaot brei mboh phong cảnh saong lingik tasik hijao siam, dom anek menuac saong rai diuk yaok harei, dom rija roya bui sambai chreih chrai, dom palei ngak meng kan…. Parang iek thaot binguk inem krung VN di Quảng Nam hu peih tabiak tal harei 10/3/2015.   

3/ Di nyaom meyai mek panuac dom jabat, mban, ngành, puk palei ka bruk padang ngak labik sinh hoạt ilamu ka urang ngak di KCN Suối Dầu, huyện Cam Lâm, tỉnh Khánh Hòa barau hu liên đoàn lao động tỉnh peih tabiak. Dom urang lambaok jeng njauk hatai brei padang labik sinh hoạt ilamu ka urang ngak di KCN, piah pabak bruk me-in sambai ka urang ngak, daong ngak hu bruk jak ba taong abih bhap bini jum pataom dak padang rai diuk ilamu di dom khu dân cư, patrun patakik tệ nạn xã hội.

4/ Harei pataom truyện tranh hoạt hình praong abih di dunya, patabiak di Mỹ dalam dom thun 1970 hu mai tal VN harei 7/12 di sang pakacah Phú Thọ, ban raya HCM.  Bruk nan piah daong khán giả hu taom gaok dom nhân vật hoạt hình Âu Mỹ dane angan. Dalam harei pataom, hu yaok rituh kadha me-in saong nhân vật hoạt hình. 

5/ Danak dak “khúc quân hành vang mãi” hu rah tabiak di tukvak 20 tuk harei 11/12/2014 di sang daoh quân đội gah meraong di ban raya HCM. Danak dak piah hadar veik truyền thống di quân đội bhap bini VN song truyền thống hào hùng di bangsa, rup binguk dom urang lin pambuak saong dua bruk mesruh metak praong di bangsa tapa dom bản hùng ca. Hu mbaok tame danak dak, hu labaih 100 diễn viên kapul văn công quân khu 7, quân khu 9, sang daoh quân đội gah meraong saong dom urang daoh hu angan.

6/ Ralo danak dak parang iek nghệ thuật hadah krah di dom nghệ sĩ Lào barau rah tabiak dalam adit ilamu Lào di VN meng harei 2 tal harei 7 bilan 12 di ban raya HCM, tỉnh Hậu Giang saong tỉnh Vĩnh Long. Danak dak kayua mintri ilamu thể thao saong du lịch VN saong mintri thông tin, ilamu saong du lịch Lào pambuak bruk peih tabiak tuk pahadar harei negar taneh ia Lào. Ini lac tuk piah ka khán giả VN duah thau dom ilamu meng kan di palei ribau limen saong brei mboh talei rohim jum pataom di bhap bini dua taneh ia Việt – Lào.

 7/ 18 triệu nhân dân tệ (labaih 62 tỷ đồng), lac yaom kỷ lục ka blah rup cih “Rup binguk Bát Đại Sơn Nhân’(Bada Shanren) di họa sĩ urang Singapore Trần Thụy Hiến dalam mbang pablei to yaom di Bắc Kinh. Blah rup cih meng mực tàu ini hu sa urang padauk angan daok di Bắc Kinh blei dalam mbang pablei to yaom harei 30/11. Họa sĩ urang Singapore Trần Thụy Hiến hu thau tal yau “nghệ sỹ daok diuk hu yaom di abih bhum Đông Nam Á”, ngan saong dom tác phẩm hu blei yaom glaong di abih dalam khu vực.   

8/ Sa uranaih klik juk umo 12 thun, ia meta sraiy angaok mbaok, saong sa urang cảnh sát klik patih kua gauk di tuk trun jalan ndung bak bruk sắc tộc di Ferguson, bang Oregon, Mỹ hu Johnny Nguyen thaot saong jeng blah thaot  hu klah rabha ralo dalam dunya. Blah thoat nan hu pambak samar angaok Internet dalam sa harei saong ndom lac blah thaot hu ba mai ka urang mboh bak hy vọng, bak hatai jia song nhân tính, ngak ka urang mboh sraiy ia meta./.