1/ Parang iek “Heritage – Jalan nao inem krung 2014” hu rah tabiak di sang parang iek 29 Hàng Bài, Hà Nội. Parang iek hu parang  tabiak 19 bộ thaot gheih abih hu palih ruah meng 103 bộ thaot (labaih 1.500 blah thaot) di dom tác giả dalam taneh ia payua tame pakacah. Dom bộ thaot hu biak siam, brei mboh dalam gah ilamu saong bruk mekre di taneh ia anek menuac VN tapa dom blah thaot chreih chrai, ralo sambo. Giải đặc biệt vòng chung kết hu pok brei bộ thoat “lễ trưởng thành urang kamei Chăm – Ninh Thuận” di nghệ sĩ nhiếp ảnh Lý Hoàng Long.

2/ “Thau hu ilamu tasik pulao piah khik ramik saong patagok yaom glaong”. Nan lac panuac di ralo urang ilamu, urang ruah duah ilamu dalam nyom biai “khik caga saong patagok yaom glaong ilamu tasik pulao” kayua Viện ilamu Nghệ thuật Việt Nam pambuak bruk saong tỉnh Khánh Hòa peih tabiak dalam dua harei, harei 5 saong harei 6/1 di ban sit Nha Trang, tỉnh Khánh Hòa. Dom urang dalam nyom biai hu tacei tabiak dom bruk oh ka ngak hu dalam ruah duah, patagok yaom glaong ilamu tasik pulao dalam patagok kinh tế - XH, du lịch. Taphia di nan, hu ba tabiak rilo jalan ngak ngan saong karja khik iek dom pakat, jeng yau bol bhap rahra, dom urang ilamu piah khik ramik saong patagok hu kein laba jang pren khang ini dalam rai diuk ilamu saong kinh tế - xã hội dalam tukvak toàn cầu hóa.

3. Nyom biai ilamu pakat dunya “yaom glaong nghệ thuật độc diễn di bài chòi bhum kreih negar VN saong dom janih dreih yau nan agaok dunya” hu rah tabiak di ban sit Quy Nhơn – Bình Định di harei 13 saong harei 14/1. Nyom biai kayua viện âm nhạc saong sở ilamu thể thao saong DL tỉnh Bình Định peih tabiak. Langiu dom urang ilamu dalam taneh ia saong dunya, daok hu mbaok dom jabat khik iek ilamu pakat mintri, lambaok UNESCO daok di Việt Nam saong urang dang akaok dom tỉnh, ban hu bài chòi saong hu mbaok tame padang ngak hồ sơ. Ini lac sa dalam dom bruk ngak kuhria caga ka bruk padang ngak hồ sơ pakat negar “nghệ thuật bài chòi bhum kreih negar VN” pok tagok UNESCO likau ba tame angan inem krung ilamu phi vật thể lambaok di menuac sia dunya.

4. Harei pataom cà phê Buôn Ma Thuột mbang ka V- thun 2015 hu rah tabiak di ban sit Buôn Ma Thuột meng harei 9.3 tal harei 12.3. Harei pataom hu peih tabiak saong ralo bruk yau: nyaom drak pasar – parang iek cà phê saong café angan Việt; peih pakacah lai cà phê; peih dom khu phố cà phê, menyum cà phê oh abih jien; peih nyaom ginum menyai ka cà phê; pakacah urang nông pakacah gauk. Kadha praong di harei pataom nan lac nyaom darak pasar – parang iek cà phê saong café angan Việt ngan saong kadha “cà phê Buôn Ma Thuột – sraiy tui rai diuk”. Tui kuhria, harei pataom hu jaik 200 doanh nghiệp hu mbaok tame gam saong 650 gian hàng.

5. Gilang tapuk tỉnh Quảng Nam barau pambuak bruk saong pasak thông tin học liệu – đại học Đà Nẵng peih tal psram megru urang jakar ngak di thư viện công cộng saong labik bưu điện ilamu xã. Dalam tuk bac, dom học viên hu ngak iek angaok mac tính hu pambuak Internet. Ini lac tal bac mbang 3, tukvak II di dự án “paglaong ilamu pandar komputer saong truy nhập Internet công cộng di Việt Nam”, kayua kapul lingiu rajaei negar langiu Bill & Melinda Gates Foundation (BMGF) daong. Hu thau, dự án hu peih ngak di 400 labik gilang tapuk công cộng saong 1.500 labik bưu điện ilamu xã saong gilang tapuk xã di 40 tỉnh kan kandah di VN dalam tukvak meng thun 2011 tal thun  2016.

6. Caga ka darak pasar tết anek sak pabe 2015, urang nông Chợ Lách tỉnh bến Tre tui kuhria hu ba tabiak pablei jaik 5 triệu pandap bingu kiểng dom janih, hu salih barau mẫu mã, chất lượng piah lagaih haong hatai takre di urang blei bingu dalam taneh ia jeng langiu taneh ia. Tui taong yaom, thun ini langik tasik lagaih ka urang nông pala bingu cúc, vạn thọ, mai vàng… Daok phun quất cảnh, urak ini dom baoh sang pala quất di Chợ Lách daok jar var iek galng, mbeik thaik piah ngak tabiak sản phẩm siam pabak ka darak pasar.

7. Hội mỹ thuật ban raya HCM barau peih parang iek rup cih anit ranam mbang ka 10. Ini lac bruk ngak yaok thun di hội, pablei rup cih piah padang kadung jien daong ka dom urang hội praong thun, ruak kik, kan kandah. Parang iek hu parang tabiak 78 blah rup cih meng ralo chất liệu sơn dầu, màu ia… di 73 họa sĩ ngan saong ralo kadha ka chân dung, phong cảnh… Taong abih yaom jien pablei rup cih hu daong ka dom họa sĩ piah ba bui sambai tuk thun barau mai tal. Parang iek hu rah tabiak tal abih harei 14/1.