1/ Tui quyết định 89/QĐ-BVHTTDL, mintri ilamu - Thể thao saong Du lịch jao ka Cục nghệ thuật biểu diễn dang tabiak pambuak bruk saong dom sang daoh, dom đơn vị hu pambuak bruk, peih parang me-in pamơrơ bhap bini bhum atah bayah, bhum taphia negar, pulao kaok tuk uan Đảng, uan thun barau 2015. Ini lac sa dalam dom bruk ngak yaok thun hu mintri ilamu thể thao saong DL jao ka Cục Nghệ thuật biểu diễn saong dom đơn vị nghệ thuật peih tabiak piah ba bui sambai chreih chrai, paglaong akaok sahneng ka bhap bini bhum atah bayah, bhum taphia negar, pulao kaoh dalam yaok mbang Tết tal mai.

2/ Meng harei 7 tal harei 10/2/2015, di pasak nyaom darak pasar parang iek VN hu rah tabiak Hội báo xuân pakat negar thun 2015 ngan saong kadha “Uan Đảng, uan thun barau, uan vận hội barau di taneh ia”. Hu 65 jabat báo chí, tổ chức hội di TƯ saong puk palei gam hu mbaok tame. Dom thành tựu saong sản phẩm hadah krah di báo chí hu yaih khan di 120 gian parang iek, Ban tổ chức hu pilih ruah, chấm điểm saong jao giải ka gian parang iek ấn tượng saong ẩn phẩm mekre.

3/ TƯ kapul Chữ thập đỏ Việt Nam hu peih danak dak “Xuân mai saong tasik pulao anit ranam” saong taduan hu 4 tỷ 750 triệu đồng daong piah pachreih hatai jai urang jakar, urang lin tasik, Nhà giàn DK1, cảnh sát tasik, kiểm ngư daok ngak bruk angaok tasik pulao, daong urang taong cap ikan kan kathaot tabiak tasik, patagok kinh tế. Ini lac kadhau barau di bruk Tết ka urang kan kathaot saong urang njauk jru mek klik karuoc thun ini, piah rik daong ka bruk hu mbaok tame khik caga chủ quyền tasik pulao taneh ia palei negar.

4/ Meng hatai caong khin tri ân dom họa sĩ naih gheih saong abih hatung hatian ka hội họa VN, parang iek rup cih minh họa angaok báo hu peih tabiak di mblang bein tòa soạn báo Nhân Dân (71 Hàng Trống, Hà Nội). Danak dak kayua báo Nhân Dân, cục Nghệ thuật, Nhiếp ảnh saong parang iek pambuak bruk peih tabiak. Parang iek hu parang tabiak jaik 30 tác phẩm gốc di dom họa sĩ hu angan je dang akaok dalam gah mỹ thuật VN đương đại gam saong labaih 25 blah rup cih đồ họa đăng tải angaok báo.

5/ UB bhap bini tỉnh Thừa Thiên Huế saong jabat pambuak bruk dunya Hàn Quốc (KOICA) barau mbaoh tangin tame peih ngak dự án “Quy hoạch chi tiết dua gah takai kraong Hương saong dự án ngak iek”. Dự án hu daong meng  phun jien ODA oh bayar veik di rajaei HQ ngan saong yaom jien abih tih lac 6 triệu đô la Mỹ. Bruk ngak di dự án nan lac padang quy hoạch chi tiết dua gah takai kraong Hương lagaih saong bruk patagok di đô thị Huế, tui jalan khang kajap di sa ban ilamu saong DL. Dự án hu peih ngak meng ini tal thun 2017.

6/ Tui Sở ilamu, TT saong DL Đà Nẵng, dalam bilan 1/2015 meng bloh, abih tih tuai DL mai tal Đà Nẵng hu jaik 263 ribau mbang, ralo jang 13,3% duk saong tukvak ini thun 2014. Abih tih jien mek tame meng bruk ngak DL hu labaih 765 tỷ đồng, ralo jang 20% duk saong bilan ini thun 2014. jeng dalam bilan 1/2015, tuai DL nao kapal haok tal Đà Nẵng tui kuhria nan lac 39.915 mbang, ralo jang 13,2% duk saong thun 2014. Thun 2015 hu ban sit Đà Nẵng palih ruah lac thun ilamu, văn minh đô thị.

7/ Tết anek sak pabe 2015, pasak parang iek ilamu Chăm tỉnh Bình Thuận hu peih ralo bruk ngak ilamu bhap bini Chăm duh ka bhap bini puk palei saong tuai damuai mai me-in sambai thun barau dalam 2 harei 20 saong 21/2/2015 (nan lac harei 2 bingun saong 3 bingun Tết). Langiu dom janih pandap daok hu parang tabiak, tuai mai rivang iek pasak hu thuyết minh brei thau ka 269 pandap gốc dom janih hu yaom glaong gah niên đại ilamu sajarah dak rai tapa roh duah, chuyển nhượng hu pabak tame bộ sưu tập.

8/ mBan peih bruk pahadar dom harei lễ praong ban raya HCM barau peih bruk khai lò saong tuh mẻ ban akaok meti rup patau chủ tịch HCM di labik đúc ban Phương Nam, quận Thủ Đức, ban raya Hồ Chí Minh. Rup patau chủ tịch HCM glaong meng vỉa hè urak ini tal labik glaong abih di rup patau lac 7m2, chiều cao rup patau 4m meteh, bệ rup patau 2m7. Ini lac công trình nghệ thuật điêu khắc biak praong prang, hu yaom glaong gah tinh thần saong tính cách di Gait, daong ngak brei ginup meda jang inem krung ilamu nghệ thuật taneh ia drei, ngak jeng dấu ấn bản sắc ilamu bangsa, môi trường cảnh quan ilamu, tính thẩm mỹ saong tính nhân văn sâu sắc./.