1./Mintri ilamu, Thể thao saong Du lịch bahrau tabiak công văn 71 payua Giám đốc dom Sở Ilamu, Thể thao saong Du lịch dom tỉnh piah pasiam veik bruk khik ramik, pandar jien hu mệnh giá sit dalam bruk ngak ilamu, tín ngưỡng, lễ hội. Công văn tacei lac, bruk caik jien, palao jien, bhik jien lẻ di dom di tích, lễ hội jeng oh ka hu pasiam abih. Kayua yau nan ye, dom Sở Ilamu Thể thao saong Du lịch dom tỉnh, ban njauk pambuak bruk haong dom gah pathau khan, tacei pato, pasang iek, rami ramik veik dom bruk pambuak tal lễ hội, tín ngưỡng, ngak njauk tui adat hukum ka bruk pandar jien Việt Nam di domlabik di tích, lễ hội, công trình tín ngưỡng. Peih bruk pasang iek saong langyah catang dom urang ngak suan

 3./Di ban sit Vinh, Ủy ban bhap bini  tỉnh Nghệ An hu peih mbang nyom piah parabha bruk, pasang iek veik dom asal kadha pambuak tal harei peih bruk taduan mek angan “Inem krung ilamu phi vật thể lambaok ka menuac sia dunya” brei ka dân ca Ví, giặm Nghệ Tĩnh hu UNESCO pok brei. Tui nan, bruk pok meyaom hu peih tabiak di tukvak 19 tuk meteh melam 31.1 di mblang bein Hồ Chí Minh, ban sit Vinh.

5./Di ban sit  Quy Nhơn, tỉnh Bình Định, Viện Âm nhạc Negar Việt Nam pambuak bruk haong Sở ilamu Thể thao saong Du lịch Bình Định bahrau peih ginum biai pakat dunya “Ilamu Bài chòi bhap bini Việt Nam saong dom janih dreih gauk di dunyha”. Hu mbaok tame nyom biai, hu labaih 100 urang lac dom urang ilamu, roh duah, urang khik ramik saong dom nghệ nhân, nghệ sĩ Bài chòi daok dalam saong lingiu taneh ia. Ginum biai pataom tame dom kadha ka sajarah saong ilamu di gah kreh negar, dom jalan ngak piah khik ramik saong patagok dom yaom glaong di Bài chòi dalam raidiuk harei ini.

2./Mintri Ilamu Thể thao saong Du lịch bahrau tabiak Quyết định ka bruk peih harei pataom bhap bini daoh kadha daoh Cách mạng pahadar 40 harei peih paha gah meraong negar, yasa taneh ia (30.4.1975 - 30.4.2015). Tui nan, Mintri ilamu  Thể thao saong Du lịch jao ka Cục Văn hóa cơ sở dang tabiak pambuak bruk haong Sở Ilamu Thể thao ban raya Hồ Chí Minh saong dom gah peih harei pataom bhap bini daoh kadha daoh Cách mạng di bilan 4.2015 di ban raya angan Wa. 

4./Labaih 40 kham merat roh duah dom blah rup binguk, tư liệu ka Wa Hồ, ong Nguyễn Hồng Khai, umo 83 thun, daok di xã Hải Thượng, huyện Hải Lăng, tỉnh Quảng Trị hu padang ka drei sa miuyim sit hul 3000 tư liệu ka Wa Hồ. Dom thun jaik di ini, hu rilo sinh viên di dom sang bac Đại học  Huế, Đà Nẵng mai tal ong piah nyim tài liệu ngak tốt nghiệp. Thei jeng hu ong abih hatai tacei pato meng rilo tư liệu nan ye bruk bac megru hu siam mekre. 

6./Di xã Vĩnh Phước huyện Tri Tôn, tỉnh An Giang, Sở ngak nong saong patagok palei pala tỉnh An Giang pambuak bruk haong pasak roh duah, patagok palei pala (Đại học An Giang) peih “Harei pataom yuak padai bilan ia ndik”, sa janih padai meng kan tok hu di bhum pak kieng Long Xuyên. Bilan ia ndik thun 2014, mikva urang ngak nong  xã Vĩnh Phước drak hu  60 ha padai, rilo meng mboh di bhum taneh dhaong palei An Phước. yaom lac lingik oh lagaih, ia ndik takik min padai jeng yuak hu labaih 1 tấn yaok hecta. Tui yaom pablei pak hamu hu 12.000 đồng sa kg (glaong jang jaik 3 mbang yaom padai thường), ba jien tame biak rilo ka urang ngak hamu./.