Salam uan bruk pahadar 60 thun jayak Điện Biên Phủ (7/5/1954 – 7/5/2014), di tỉnh Điện Biên jang yau di dom labik karei dalam taneh ia, meda hu rilo bruk ngak biak hu yaom glaong:

Di Điện Biên, harei 28/4 hu peih mbaok Adit phim pahadar 60 thun jayak Điện Biên Phủ. Dalam adit phim nan, hu rilo mbang dom nghệ sĩ pambuak pagam rilo haong bhum taneh Điện Biên peih bruk taom gaok ndom biai nao mai haong urang iek phim. Jeng dalam adit phim nan, hu tatua papar binguk tapak di Điện Biên Phủ saong ban raya Hồ Chí Minh di harei 27/4.

Sang patabiak tapuk bol bala bhap bini barau tabiak mbaok baoh tapuk “Pahadar 60 thun jayah Điện Biên Phủ”, dalam nan hu dom kadha vak di ralo học giả, urang ruah duah, dom nhà văn, nhà báo dalam saong langiu taneh ia ka bruk mesruh gauk khang dalam sajarah dak rai di bol bala saong bhap bini drei anak kol khamang Prang di ĐBP. Baoh tapuk hu 18 tập, yaok tập hu sa asal kadha karei di gauk, yau: Chiến dịch ĐBP – 60 thun hadar veik”,  “ĐBP tapa dom blah tư liệu”, “Đại tướng Võ Nguyên Giáp saong chiến dịch ĐBP”.

Salam uan Harei ilamu dom bangsa Việt Nam (19.4) ngan saong kadha “Bản sắc Ilamu Việt Nam”, meng harei 15 tal harei 20/4 di Palei Ilamu - Du lịch dom bangsa Việt Nam, Đồng Mô, Sơn Tây, Hà Nội saong dom labik karei di pasak Hà Nội hu rah tabiak rilo bruk ilamu, daoh tamia. Dom bruk ngak praong nan lac : padang ngak veik harei Chôl Chnăm Thmây di bhap bini bangsa  Khmer Nam Bộ di baha Khmer, Palei ilamu - Du lịch dom bangsa Việt Nam;  yaih khan ilamu mbang huak di dom bangsa Việt Nam; kadha praong di dom bruk ngak ini nan lac Nyaom biai pataom iek veik 5 thun peih ngak tui Harak Quyết định 1668 di Thủ tướng Rajaei ka  “Harei ilamu dom bangsa Việt Nam”…

Cục Mỹ Thuật, Nhiếp ảnh saong parang iek di mintri ilamu – Thể thao saong DL barau peih trại sáng tác nhiếp ảnh ngan saong kadha Đại ngàn Tây Nguyên di ban sit Đà Lạt, tỉnh Lâm Đồng.. Ngan saong kadha ““Đại ngàn Tây Nguyên”, parang iek hu jaik 150 blah rup thaot di 15 urang thaot daok dalam taneh ia. Dom blah rup thaot nan jeng hu thaot veik dom siam mekre di anek menuac, di loingik tasik saong bruk mbang ngui daok dang di bhum taneh Tây Nguyên. Dom blah rup thaot mekre di abih hu palih ruah ba tabiak parang iek dalam mbang parang iek thaot nghệ thuật pakat negar, tui kuhria hu peih tabiak di bilan 10 thun 2014 di Đà Lạt./.

Ủy ban bhap bini tỉnh An Giang bahrau hu panuac tacei pato brei ramik pasiam veik bruk pakacah limo Bảy Núi. Tui nan, bruk peih pakacah limo pambuak pagam haong harei Dolta yaok thun di huyện Tri Tôn, Tịnh Biên kayua huyện pambuak bruk haong dom baha Nam tông Khmer peih ngak, khik ka pahu ilamu siam mekre meng kan di bruk pakacah limo di bnagsa Khmer, oh pablei harak tame iek, meda ieu menuac sia rik daong piah patrun jien padai peih ngak di huyen saong di mikva./..