1/ UB bhap bini ban HN hu tabiak jalan peih ngak dom bruk salam uan 125 thun harei ndih tapui chủ tịch HCM (19/5/1890-19/5/2015). Tui nan, bruk pahadar 125 thun harei ndih tapui chủ tịch HCM hu peih tabiak di 9 tuk meteh harei 18/5/2015 di pasak nyaom meyai pakat negar, hu mbaok jaik 3.500 urang lambaok. Bruk nan kayua ban chấp hành TƯ đảng cộng sản VN, QH, akaok negar, rajaei, UB TU7MT negar VN saong ban Hà Nội peih ngak.

2/ Di tuk 20 tuk harei 18/5/2015, cầu truyền hình tapak hu angan ieu lac “hatai caong HCM – pahadar 125 thun harei ndih tapui chủ tịch HCM  (19/5/1890 – 19/5/2015) hu  papar binguk tapak angaok kênh VTV1 – rayo papar binguk VN. Cầu truyền hình nan hu pambuak 3 labik praong nan lac Lăng chủ tịch HCM (Ba Đình, Hà Nội), labik inem krung palei chủ tịch HCM (xã Kim Liên, huyện Nam Đàn, tỉnh Nghệ An) saong angaok tal glaong abih di baoh sang Bitexco di ban raya angan wa.

3/ Tỉnh ủy Đắc Nông barau peih nyaom meyai pataom iek veik 4 thun peih ngak chỉ thị 03-CT/TW di mintri chính trị saong patui jhul pakhang bruk jak ba bac megru saong ngak tui jalan hadah krah siam mekre di HCM. Tapa nan, tỉnh ủy Đắc Nông hu pok meyaom 52 kapul nyaom saong menuac urang hadah krah dalam bruk peih ngak chỉ thị 03-CT/TW di mintri chính trị saong jao giải thưởng sáng tác, yaih khan dom tác phẩm văn học, nghệ thuật, báo chí vak ka bruk bac megru saong ngak tui jalan hadah krah siam mekre di HCM.

4/ Harei pataom pakacah thể thao dom bangsa takik pakat negar mbang ka 9, khu vực II thun 2015 hu peih tabiak di tỉnh Kon Tum, meng harei 8 tal harei 16/5 tal. Hu 7 janih hu peih tabiak di harei pataom pakacah nan lac caok banh likei; taong valei likei, kamei; việt dã likei, kamei; jhul gai likei, kamei; dui brak likei, kamei; cuh haning likei kamei, nduac cà kheo likei, kamei. Sa dalam dom makna di harei pataom pakacah nan lac patagok bruk pasram rup pabhap saong pakacah TDTT, paglaong pren yava, paglaong rai diuk ilami ka bhap bini.

5/ Sở ilamu, TT saong DL Đắk Lắk  brei thau, dalam dom harei padeih lễ meng bloh hu labaih 62.000 mbang tuai DL dalam taneh ia saong dunya mai tal dom labik DL dalam tỉnh rivang iek saong padeih padai. Piah paglaong bruk duh ka tuai damuai, dom doanh nghiệp DL di Đắk Lắk hu padang ngak dom cơ sở vật chất, khik kajap vệ sinh môi trường, an ninh, an toàn vệ sinh thực phẩm di dom labik DL.

6/ UB bhap bini tỉnh Quảng Nam barau pambuak bruk saong dom gah pambuak tal, peih ginum biai duah jalan langyah inem krung Chăm barau hu duah mboh di labik phế tích Triền Tranh (palei Chiêm Sơn, xã Duy Trinh, huyện Duy Xuyên) dalam tuk padang ngak jalan cao tốc Đà Nẵng- Quảng Ngãi. Jalan ngak siam di abih hu ba tabiak nan lac khik ramik công nghệ 3D saong ba tame dom miuyim piah parang iek. Min kayua oh ginup quyền quyết định nan ye tỉnh Quảng Nam daok cang panuac tacei di mintri ilamu TT saong DL saong dom gah pambuak tal ka jalan langyah, khik ramik labik phế tích ini.

7/ Di miuyim pandap klak medil Huế, padak khik ramik inem krung medil huế pambuak bruk saong miuyim sajarah dak rai daok parang iek bộ sưu tập “trang sức klak VN” ngan saong 100 pandap trang sức hu ngak meng dom janih yau patau, ameh, ngọc… meng samar tiền sử tal samar nguyễn. “Trang sức klak VN” hu parang iek tal harei 28/6.

8/ Dom harei văn học châu Âu mbang ka 5 di HN hu rah tabiak meng harei 7 tal harei 10/5 di 3 labik: Viện Goethe, pasak ilamu Prang saong pasak ilamu saong thương hiệu Italy hu mbaok di ralo nhà văn hu angan, urang ruah duah văn học VN saong dom taneh ia châu Âu. Bruk ini yau peih tabiak jalan ka urang puac tapuk hu ba drei tame châu Âu tapa yaok blah tapuk./.