/ Harei pataom ilamu uranaih dom bangsa gah meraong mbang ka 5 hu rah tabiak di tỉnh Ninh Thuận dalam 3 harei meng harei 17 tal harei 19/6. Tui kuhria hu mbaok tame harei pataom ilamu mbang ini hu jaik 2000 uranaih dom bangsa mai meng 25 tỉnh, ban meng Quảng Trị tame. Ini lac bruk ngak peih tabiak 2 thun sa mbang di dom sang uranaih, pasak bruk ngak dam dara uranaih gah meraong; lac tuk piah ka uranaih dom bangsa dalam khu vực taom gaok ndom meyai nao mai, sinh hoạt me-in sambai.

 / Jabat tổng cục du lịch Hàn Quốc di Việt Nam (KTO) barau yaih khan danak dak rayo papar binguk tapak “ saai lei nao HQ”. Danak dak ndom ka dalikan 39 harei nao du lịch duah thau taneh ia HQ di 3 kamei nghệ sĩ hu angan je di VN nan lac Hồng Ánh, Jennifer Phạm saong Minh Hằng. Dalam nan, 3 kamei nghệ sĩ hu mboh dalam danak dak oh lac dalam angan sa diễn viên atau sa urang hu angan je bo lac meng tapak rup drei dalam rai diuk yaok harei. Tui kuhria danak dak hu quay di bilan 6 thun 2015 saong papar binguk angaok riyak VTV cab1 – giải trí TV di jala pandiak harei car yaok adit.

/ Pahadar 170 thun điện Long An ( 1845 – 2015), miuyim cổ vật cung đình Huế barau peih parang iek kadha “miuyim – labik pambuak saman dahlau haong harei ini”. Parang iek hu parang tabiak brei thau ka sajarah kiến trúc saong labik dang di điện Long An tapa dom saman sajarah jeng yau dom sưu tập miuyim. Langiu di nan, miuyim cổ vật cung đình Huế hu pambuak bruk saong kapul dam dara cộng sản HCM pasak khik ramik inem krung medil Huế saong sang bac tiểu học Cư Chánh peih pakacah cih rup cih tui kadha “Huế dalam meta maong uranaih” piah pamedeih bruk cảm hứng sáng tạo dalam rai rah ranaih umo meng bruk hu mboh saman dahlau tapa dom sưu tập miuyim.

 / Di HN, pasak ilamu HQ di VN pambuak saong Hãng phim hoạt hình VN, Viện patagok ilamu thông tin Gangwon peih pakacah ngak phim hoạt hình panak. Tui nan, dom phim pakacah oh atah jang 10 minit, hu asal kadha lagaih saong uranaih, oh hu bruk di urang praong atau taong paoh. 3 phim pakacah gheih di abih hu bruk tacei pato di Viện patagok ilamu thông tin Gangwon saong dom cty ngak phim hoạt hình praong di HQ tacei jalan piah patagok, ngak pasiam dahlau di tuk hu mbaok tame harei pataom phim hoạt hình dunya peih tabiak di Chuncheo - Hàn Quốc di bilan 9 thun 2015. Tukvak luac di abih taduan mek phim payua tame pakacah nan lac harei 30 bilan 7 thun 2015.

 / Di ban sit Trà Xuân, Ủy ban bhap bini huyện Trà Bồng, tỉnh Quảng Ngãi barau rah tabiak rija điện Trường Bà thun 2015. Ini lac rija Lệ xuân Trường Bà – sa dalam dua rija hu peih tabiak di điện Trường Bà yaok thun. Rija pachreih hu yaok ribau tuai damuai atah jaik saong bhap bini puk aplei mai hu mbaok. Rija rah tabiak ngan saong ralo bruk ngak ndung bak tâm linh saong ilamu bhap bini, di dom bangsa Kinh, Cor, Chăm saong urang Hoa yau: Rija hoa đăng, rija mộc dục, rija ngoại đàn, rija brei kabau, rija chánh tế, rija raok amuk iek daoh bộ.

 / Di miuyim Mỹ thuật ban raya HCM barau peih parang iek bộ sưu tập Mỹ Thuật cổ - cận đại ngan saong 397 pandap hadah krah dalam labaih 15.000 pandap mỹ thuật klak saong mỹ thuật thủ công meng kan bo miuyim ini daok khik ramik. Parang iek hu dom kadha ka mỹ thuật chất liệu patau, lan am, kayau saong ban ngan saong dom pandap đặc trưng abih di dua nền nghệ thuật điêu khắc klak bhum taneran Nam Bộ saong điêu khắc klak Champa; pandap lan am Bei Gon saong dom bhum jaik taphia tapa dom samar, abih di nyu nan lac hu ralo pandap brei mboh bruk đúc bal mỹ nghệ Biên Hòa dalam bruk patagok di nghệ thuật đúc bal ban raya HCM saong dom bhum jaik taphia./.