1/ Viện Hàn lâm ilamu Xã hội Việt Nam barau peih họp báo khan brei thau baoh tapuk “Dom tư liệu Hán Nôm ka chủ quyền di VN ngan saong dua pulao Hoàng Sa – Trường Sa saong dom bum tasik di VN di biển đông”. Tui kuhria, dom tư liệu, bản đồ dalam baoh tapuk ini samar hu ba tame tapuk giáo khoa, dalam danak dak pato pakai di gru pato, piah pathau khan brei mboh praong dalam jang tal dom adei anek saih VN ka bruk chủ quyền tasik pulao.

2/ Barau ini, báo bol bala bhap bini saong dom gah pambuak tal hu peih họp báo brei thau ka brk pakacah vak “Dom kreh ginu bình dị min biak njauk pok meyaom” mbang ka 5. Mban peih bruk hu palih ruah đăng angaok dom ấn phẩm di báo bol bala bhap bini jaik 100 kadha vak saong palih ruah jao giải ka 15 kadha. Dalam nan, giải nhất hu pok brei kadha“Urang roh duah yaok rituh tư liệu quý ka Hoàng Sa, Trường Sa”, di tác giả Phan Tiến Dũng – báo bol bala bhap bini. Dom kadha gheih siam di mbang pakacah hu in jeng tapuk “Dom kreh ginu bình dị min biak njauk pok meyaom” (tập 10), dalam tu tapuk “bac megru saong ngak tui jalan hadah krah siam mekre di HCM” di sang patabiak tapuk bol bala bhap bini.

3/ Di HN, Hãng phim Tài liệu saong Khoa học Trung ương barau ba tabiak chiếu brei bhap bini ban ine iek saoh dom phim tài liệu ka tasik pulao  dalam “harei phim tài liệu saong tasik pulao”. 5 bộ phim tài liệu hu palih ruah chiếu dalam harei phim tài liệu ngan saong tasik pulao VN nan lac: “Akaok riyak, jhung ngin” (kayua nghệ sỹ bhap bini Ngọc Quỳnh đạo diễn); “Trường Sa bilan 4 thun 1988” (di đạo diễn, nghệ sỹ bhap bini Lê Mạnh Thích); “Pulao Lý Sơn” (di đạo diễn Công Thành Đức); “Andre Menras – sa urang Việt” saong “tasik di urang Việt” (di đạo diễn Đào Thanh Tùng).

4/ Daok dalam dom bruk ngak “Adit tasik saong pulao kaoh VN”, barau ini di Gilang tapuk ban raya Hồ Chí Minh, hu rah tabiak mbang yaih khan tapuk saong parang iek thaot bản đồ “Chủ quyền VN angaok biển đông saong Hoàng Sa – Trường Sa” di urang ruah duah Nguyễn Đình Đầu. Tập tapuk hu 92 thaot tư liệu quý, dalam nan hu dom bản đồ, họa đồ hu meng dom samar sajarah dak rai bangsa saong dom ghi chép sử ký gam saong dom harak hu tính chất công vụ karja, brei mboh chủ quyền di VN angaok biển đông saong dua pulao kaoh Hoàng Sa – Trường Sa. Dalam nan pataom tame yaih khan saong langyah, diễn giải dom bản đồ klak hu meng dom taneh ia Phương tây, meng VN saong meng TQ. Giáo sư- urang ruah duah Nguyễn Đình Đầu, tác giả baoh tapuk brei thau:

Băng: “Bruk sưu tập ini pasang tabiak hu hệ thống dom tư liệu di VN meng samar dahlau  tal urak ini. Abih di nyu nan lac dom tư liệu di Phương tây biak ralo. Tapa nan piah ka kol drei thau urang duah mboh Paracel Hoàng Sa - Trường Sa saong brei mboh TS – HS lac di VN”.

5/ Daok dalam dom bruk ngak di bilan urang ngak, di ban sit Cần Thơ, Tổng Công ty Điện lực miền Nam hu peih harei pataom daoh tamia gah điện hu mbaok di 21 đơn vị điện lực labik gah meraong. Ini lac bruk ngak ilamu bhap bini dalam khu vực gah meraong rik daong pabak bruk hưởng thụ nghệ thuật, ngak jeng mblang me-in siam ka urang ngak saong pachreih ba bruk pakacah gauk ngak bruk naih gheih dalam ngành điện.

6/ Barau ini, lễ hội kraong ia miệt vườn pulao Mỹ Phước – tỉnh Sóc Trăng hu peih tabiak di xã Nhơn Mỹ, huyện Kế Sách. Ini lac lễ hội  hu tỉnh Sóc trăng peih ngak yaok thun di harei tết Đoan Ngọ 5/5 tui saka ia bulan. Lễ hội nan lac tukvak piah ka bhap bini bhum kraong ia miệt vườn Kế Sách yaih khan bruk du lịch thân thiện, pambuak saong môi trường; tapa nan, ngak jeng talei pambuak bruk di dom gah chức năng saong dom đơn vị ngak mbang gah du lịch dalam bruk ngak jeng sa labik du lịch hijao, hacih, pachreih urang, ba pulao Mỹ Phước njauk saong angan lac labik du lịch sinh thái gheih mekre di tỉnh Sóc Trăng. Kadha praong di lễ hội thun ini nan lac mbang ndom biai ngan saong kadha “Patagok du lịch sinh thái pulao Mỹ Phước”, pachreih hu ralo urang ngak bein daok dalam saong langiu tỉnh saong dom doanh nghiệp hu mbaok tame./.