1/ Huyện Văn Yên, tỉnh Yên Bái barau peih harei pataom “phun quế Văn yên mbeik drei tame saong patagok”. Ini lac mbang akaok meti huyện Văn Yên peih hjarei pataom piah pok paglaong yaom di phun quế pambuak saong rai diuk di bhap bini bangsa Dao.

2/ Huyện Mường Tè, tỉnh Lai Châu barau peih harei pataom ilamu, thể thao dom bangsa Cống, Mảng, La Hủ. Hu labaih 100 diễn viên, vận động viên hu mbaok tame pakacah dom janih thể thao: jhul gai, cuh haning, tù lu, dui brak; daoh tamia saong pakacah cuk ngui khan ao dom bangsa.

3/ “Bruk bac di adei kamei Mông saong truyền thông” lac kadha ginum biai barau hu viện ruah duah gia đình saong giới di viện Hàn lâm KH XH VN pambuak bruk saong sở lao động, thương binh saong XH tỉnh Hà Giang peih tabiak. Dalam ginum biai, urang pataom ralo tame bruk pato megru saong ginum jalan patrun patakik bruk tok diuk tok pasang oh ka tal umo yau yaih khan kreih camin urang Mông hadah krah piah uranaih bac megru.

4/ Di ban raya HCM, tạp chí urang ngak báo di hội nhà báo VN barau peih bruk pataom iek veik saong jao giải bruk pakacah thaot báo chí “ ngak nông –  urang nông – palei pala” saong bruk pakacah vak “nhà báo – phẩm chất, bản lĩnh saong trách nhiệm”. Hadei di labaih 6 bilan peih tabiak, bruk pakacah thaot báo chí “ngak nông –  urang nông –  palei pala” taduan hu labaih 300 blah rup thaot di 170 tác giả. Dom blah rup thaot brei mboh bruk chreih chrai meng rup thoat ka rai diuk di bhap bini dom bhum palei, dom palei ngak, adat cambat tanarakun, rija roya… Mban peih bruk hu palih ruah 9 blah rup thaot gheih piah jao giải, dalam nan giải sa phóng sự rup thaot lac blah thaot“bilan padai kanyik di palei  Hòn Đất” di tác giải Huỳnh Mỹ Thuận, ban raya HCM. Daok bruk pakacah vak “nhà báo – phẩm chất, bản lĩnh saong trách nhiệm”, mban peih bruk palih ruah hu 6 blah gheih piah jao giải dalam jaik 200 blah tame pakacah.

5/ Pamaong tal bruk pahadar 85 thun harei urang kamei VN 20/10, sang ilamu urang kamei ban raya HCM barau peih parang iek rup thoat nghệ thuật di dom nghệ sĩ nhiếp ảnh kamei ngan saong kadha “hải Âu umo 25”. Ini lac danak dak peih akaok ka dom bruk ngak ilamu nghệ thuật dalam ban raya . Parang iek hu parang tabiak 51 blah rup thoat nghệ thuật di 17 tác giả lac urang di klup kapul Nhiếp ảnh kamei Hải Âu. Tapa nan, yaih khan tal bhap bini bruk mekre  puk paga, palei negar,  rai diuk yaok harei di bhap bini saong dom ilamu karei di yaok bhum palei dalam taneh ia.

6/ Meng harei 6 tal harei 23/11, di sang daoh Cao Văn Lầu, tỉnh Bạc Liêu hu rah tabiak bruk pakacah sân khấu cải lương chuyên nghiệp pakat negar thun 2015. Bruk pakacah thun ini pataom hu 25 kapul cải lương chuyên nghiệp dalam negar (dalam nan hu 7 kapul XH hóa) ngan saong 31 vở diễn hu chất lượng glaong, atah meng 90 tal 150 menit. Dom tác phẩm hu biak rilo asal kadha brei mboh ka rai diuk, meng đề tài dã sử tal dom bruk nhức nhối urak ini hu bhap bini sangka yau bruk tham nhũng, chạy chức chạy quyền. Ong Nguyễn Đăng Chương, akaok Cục Nghệ thuật parang iek brei thau: Kol dahlak ba tabiak bruk taduan mek taong abih đề tài piah ka liên hoan hu ralo janih, meng sajarah dak rai, dahlau deih tal urak ini,  ye di đề tài ini saong đề tài daih nyu oh hu hagait dalam tiêu chí chấm giải. Kol dahlak taong yaom di labik ini lac tư tưởng di vở diễn, taong yaom chất lượng asal vở diễn, chất lượng nghệ thuật di vở diễn./.