1/ Parang iek thaot binguk hu angan “Jalan nao inem krung 2015” barau peih tabiak di miuyim mỹ thuật VN. Parang iek yaih khan 69 blah thaot binguk hu palih ruah dalam dom bruk ngak di jalan nao inem krung 2015 kayua tạp chí Heritage peih tabiak, dalam nan hu 15 bộ thaot phóng sự, 14 blah thaot. Parang iek Jalan nao inem krung 2015 tamat di harei 21/12. Hu thau, dalam thun 2016, giải thưởng nhiếp ảnh Heritage – Jalan nao inem krung mbang ka 4 daok hu peih tabiak, rah tabiak meng harei 15/1 tal harei 31/10/2016.

2/ Di HN hu rah tabiak Harei pataom tapuk giáng sinh 2015. Harei pataom tapuk hu mbaok Nhà xuất bản: Kim Đồng; Trẻ, Phụ Nữ saong dom dơn vị pambuak bruk karei karei. Tapa nan, urang puac tapuk hu mboh yaok ribau angan tapuk sa yaom saong ralo pandap alin giáng sinh. Ini jeng lac tuk dom labik xuất bản yaih khan dom baoh tapuk barau, dalam nan hu ralo baoh tapuk uan raok giáng sinh brei ka ranaih sit.

3/ UB bhap bini tỉnh Đắc Lắc bahrau peih bruk brei thau baoh tapuk ‘Địa chí Đắc lắc”. Địa chí Đắc Lắc lac bộ tapuk pataom veik jaik ginup abih dom đặc điểm tự nhiên, bangsa, menuac sia, hành chính, chính trị, sajarah dak rai, kinh tế, ilamu, XH di tỉnh saong jeng lac sa công trình khoa học praong abih di tỉnh meng dahlau tal ini. Asal di tapuk hu 5 kadha, lac: địa lý, sajarah dak rai, ilamu, XH, kinh tế, tiềm năng kinh tế - XH, dom huyện, ban sit, ban praong.

4/ Di palei Đăk Mế, xã Bờ Y, huyện Ngọc Hồi (tinh Kon Tum), Sở ilamu, Thể thao saong Du lịch tỉnh Kon Tum pambuak bruk saong Jabat ilamu – thông tin huyện Ngọc Hồi peih bruk tamat tal pato ilamu phi vật thể bangsa Brâu ka dam dara, thiếu niên palei Đăk Mế. 50 anek saih lac dam dara, thiếu niên urang bangsa Brâu di palei Đăk Mế (xã Bờ Y) hu dom nghệ nhân puk palei hu ilamu pato me-in alat ragam meng kan yau Chiêng Tha, Đinh Pút; parang iek dom ragu daoh, ragam tamia meng kan di bangsa drei. Jien peih ngak danak dak ini kayua mintri ilamu, TT saong DL daong.

5/ Sở ilamu, TT saong DL tỉnh Ninh Thuận barau họp mek panuac dom sở, ngành saong dom jabat báo chí dalam tỉnh ka bruk parang iek, palih ruah lô gô biểu trưng tỉnh Ninh thuận. Tapa  sơ khảo, hội đồng giám khảo hu palih ruah 8 mẫu lô gô brei mboh hu đặc trưng ka ilamu, kinh tế di tỉnh. Dom lôgô ini hu brei thau angaok dom phương tiện thong tin đại chúng saong parang iek di pasak ilamu tỉnh, pasak ilamu dom huyện, ban saong angaok cổng thong tin điện tử di tỉnh piah duah thau hatai sahneng di urang jakar saong bhap bini dalam tỉnh piah palih ruah lôgô lagaih abih ngak biểu trưng di tỉnh. Tui bruk ba tabiak, tukvak parang iek saong palih ruah dui atah meng ini tal harei 25/12.

6/ UB bhap bini tỉnh Bình Thuận hu taong yaom dự án sang daoh saong parang iek ilamu nghệ thuật tỉnh, tui kuhria hu mbaoh tangin brei adat di puac bilan 10. Tui nan, sang daoh hu tabung pacang, hu meng 1.200 tal 1.600 labik daok, labik parang iek ilamu nghệ thuật praong abih tih 2.200m2. Tui kuhria yaom jien buh tame ka dự án abih tih jaik 200 tỷ đồng, dalam nan kadung jien TƯ daong 150 tỷ piah ngak dom hạng mục nhà chính saong thiết bị, tỉnh 50 tỷ peih ngak dom hạng mục phụ trợ. Công trình hu peih ngak di kreih thun 2016./.