1/ Tổng Liên đoàn Lao động VN saong Ủy ban bhap bini tỉnh Quảng Ngãi meda peih bruk caik patau padang ngak labik pahadar nghĩa sĩ Hoàng Sa di huyện pulao Lý Sơn, tỉnh Quảng Ngãi di 10 tuk harei 11/1/2016. Tui nan, đồ án thiết kế “Urang amaik truac pui – dalah pui pahadar saong truac hadah hatai caong” hu palih ruah piah padang labik pahadar. Labik pahadar nghĩa sĩ Hoàng Sa hu padang ngak piah hadar dhar phon muk kei, dom urang kak kajap haong Hoàng Sa tapa dom samar saong dom urang anek taneh Việt ndih trun piah khik caga Hoàng Sa – chủ quyền di taneh ia palei negar.

2/ Di palei ilamu – DL dom bangsa Việt nam, Đồng Mô, Hà Nội daok rah tabiak danak dak “salam uan thun barau 2016 – pandap mbang menyum – ilamu di bangsa VN”, ngan saong dom kadha: parang iek, yaih khan ilamu pandap mbang menyum, dom pandap biak karei di yaok bhum palei; pok meyaom adat cambat tanarakun, me-in dui brak barau hu UNESCO brei angan lac inem krung ilamu phi vật thể lambaok ka menuac sia dunya; dom bruk ngak ilamu meng kan di bhap bini bangsa Mông (tỉnh Hà Giang), bhap bini bangsa Tày, bangsa Nùng (tỉnh Lào Cai), dom nghệ nhân huyện Sóc Sơn (HN) saong hu mbaok di dom palei ngak.

3/ Cih rup cih, ngak mbao lì xì, thiệp tết, abih di nyu nan lac hu mbaok tame dom bruk di tuk in tranh tết lac dom bruk ngak chreih chrai dalam danak dak “gam saong uranaih ngak tranh tết” kayua họa sĩ, urang phê bình mỹ thuật Trang Thanh Hiền saong dom giảng viên, sinh viên sang bac Đại học Mỹ Thuật Việt Nam ba mai ka dom adei uranaih di miuyim Mỹ thuật VN harei 17/1 tal. Dom adei sit hu mbaok tame danak dak hu ba drei tame dom bruk ngak piah duah thau, cih, in blah rup cih bhap bini, đố vui ka blah rup cih bhap bini.   

4/ Meng harei 1 tal harei 3/1/2016 di Rạp xiếc Trung ương, Hà Nội, Liên đoàn Xiếc Việt Nam peih Xiếc đặc biệt “Salam uan thun barau 2016”. Danak dak hu dom kadha di rilo janih xiếc, abih di nyu nan lac xiếc athur yau xiếc saih, xiếc cagau, xiếc kara…. Tuk salam uan thun barau, dom adei hu thaot haong dom ong hề, dom nhân vật dalam danak dak. 

5/ Ủy ban bhap bini ban Đà Nẵng barau brei thau bruk cuh phao bingu di 4 labik dalam melam giao thừa tết anek sak kara 2016. Abih tih phao tầm glaong hu cuh nan lac 2.000 baoh, yaok labik 500 baoh saong 100 giàn phao tầm biar, yaok labik 25 giàn,  tukvak cuh di yaok labik lac 15 minit, meng 0tuk tal 0tuk15 minit harei 8/2/2016, lac sa bingun tết tui saka ia bulan.  

6/ Melam ini 3/1/2016, di sang daoh Hòa Bình, ban raya HCM, mbao Thanh Niên peih danak dak daoh tamia “ Salam umo 30 – meng duyên dáng Việt Nam tal khát vọng trẻ”, hu mbaok di ralo ca sĩ dalam taneh ia. Danak dak hu papar binguk tapak angaok VTV9 – rayo papar binguk Việt Nam./.