1/ Daok dalam dom bruk ngak di nyaom roya quảng cáo châu Á mbang ka 28 peih tabiak di VN, meng harei 30/8 tal 4/10 di pasak nyom biai pakat negar di HN, hu rah tabiak mbang pakacah Miss AdAsia. Ini lac mbang pakacah urang siam binai dalam khu vực ngan saong dom urang mai meng Hàn Quốc, Nhật Bản, Thái Lan, Ấn Độ, Lào..., hu umo meng 18 tal 28, quốc tịch VN atau châu Á. Tapa 3 vòng pakacah, meng pilih ruah di ban giám khảo saong di cộng đồng mạng, mban peih bruk palih ruah tabiak urang siam binai xứng đáng di abih ka vương miện Hoa hậu thaot châu Á (Miss AdAsia). Melam gala saong lễ jao giải bruk pakacah hu peih tabiak di pasak nyom biai pakat negar (HN), hu mbaok di dom nghệ sĩ HQ saong VN di melam 4/10.

2/Pasak khik ramik inem krung Thăng Long-Hà Nội daok ba tabiak parang iek 24 jalan pakacah palih ruah thiết kế kiến trúc khik ramik saong patagok yaom glaong labik inem krung khảo cổ học 18 Hoàng Diệu, di pasak Hoàng thành Thăng Long - Hà Nội, piah mek panuac di bhap bini, panuac kapul nghề nghiệp chuyên môn, pataom tame 6 jalan ngak mek hu giải chính thức di mbang pakacah. Ini jeng lac mbang ka 2 parang iek hu peih bruk mek panuac bhap bini. Hadei di tuk parang iek tamat di harei 30/8, dom panuac di bhap bini, gah chuyên môn hu pataom iek veik, patahu tagok UB bhap bini ban sit HN ngak cơ sở pok tagok thủ tướng rajaei likau panuac palih ruah jalan padang ngak.

3/ Tỉnh đoàn Ninh Thuận hu pambuak bruk saong Tổ chức Oxfam, Viện ruah duah xã hội, kinh tế, môi trường peih parang iek thaot binguk uranaih bangsa takik tỉnh Ninh Thuận, ngan saong kadha “dahlak ndom ka ayut pang”. Parang iek hu parang tabiak labaih 120 blah thaot palih ruah meng yaok ribau blah thaot kayua dom adei anek saih urang bangsa Mông, Chăm, Raglai mai meng 3 tỉnh Lào Cai, Đắc Nông saong Ninh Thuận thaot. Ini lac dom blah thaot brei thau ka rai diuk di mikva, adat cambat, tanarakun bangsa drei, ndom ka gru pato, sang bac, ayut sahabat… hu dom adei thaot veik biak gheih, biak mekre.  

4/ Meng harei 15 tal harei 17/8, di ban sit Phan Thiết, tỉnh Bình Thuận hu rah tabiak rija Nghinh Ông Quan Thánh Đế Quân Phan Thiết thun 2014. Rija nan 2 thun peih tabiak sa mbang (dalam dom thun chẵn tui saka ia harei) ngan saong makna caong likau ka taneh ia sron mbon, anek menuac siam mekre, hajan siam ngin lagaih, sa rai diuk salamat ka yaok baoh sang hu trei sil hanem phon. Rija yau brei mboh adat cambat tanarakun di urang Hoa di Phan Thiết jeng yau bhap bini Bình Thuận. 

5/ “Ala hala dok quyết thắng” nan lac angan ieu di harei pataom daoh tamia chuyên nghiệp toàn quân thun 2014 daok rah tabiak di ban raya HCM kayua Tổng cục Chính trị bol bala bhap bini Việt Nam peih tabiak. Thun ini hu 1.200 urang jakar, diễn vein, kỹ thuật di 15 đơn vị hu mbaok tame pakacah me-in dom danak dak daoh tamia tổng hợp, hòa tấu quân nhạc, cải lương, kịch ndom, chèo, parang iek khan ao văn công bol bala. Dom danak dak hu padang ngak biak siam, asal ndom tal tapon nyaom bol pan phao kraong saong chiến tranh cách mạng, pok meyaom chủ tịch HCM, taneh ia saong anek menuac VN, pok meyaom hatung hatian siam mekre di bộ đội wa Hồ tapa dom mbang mesruh metak, dalam rai diuk, bac daa, pasram megru, halan hatian chiến đấu saong chiến đấu khik caga taneh ia palei negar… Harei pataom rah tabiak tal harei 18/8./.