1/ Meda hu labaih 200 nghệ sỹ mai hu mbaok dalam Harei pataom lagu lagam dunya Hangin bilan thụn2015 hu peih tabiak di Hoàng thành Thăng Long Hà Nội meng harei 8 tal harei 11/10. Dom ca sỹ VN mai pataom mbaok hu: Uyên Linh,Tóc Tiên, Kimmese, Dàn nhạc Rhapsody Philharmonic, Trung Quân Idol, Tiên Tiên, Phạm Anh Khoa, Đông Hùng, Tạ Quang Thắng, Lê Cát Trọng Lý…Song 2 DJ  ranaih umo Cao Vịnh SlimV, Hoàng Touliver song dom thành viên nyaom Spacespeakers…Dom ban nhạc negar langiu dalam danak dak hu mbaok: WhoMadeWho (Đan Mạch), Catfish (Pháp),  From The Airport (Hàn Quốc), Great Mountain Fire (Wallonie-Bruxelles, Bỉ)…

      2/ Muinyim tỉnh Yên Bái bahrau duah mboh bãi patau sarak klak dok di palei Tà Ghênh, Mí Háng atah di jabat xã Lao Chải (Mù Cang Chải) 3 km nao gah merong. Bãi patau klak pataom rilo di palei Tàng Ghênh dalam xã Lao Chải, atah ban sit Mù Cang Chải 13km mai gah Lai Châu gah deih krong Nậm Kim. Labaih 20 khối patau, patau phiến hu thaik thaot hình tháp boh ceik, anek kara kanduh, di angaok nan hu sarak cim hạc, saih langik, bản đồ thiên văn, âm dương ngũ hành…  song rilo ký tự, meda lac akhar haroh klak. Tui dom chuyên gia di Miuyim tỉnh Yên Bái, po di dom thaot binguk sarak angaok bãi patau klak di  Mù Cang Chải lac urang Mông sarak tame di bhap XVI - XVII, atah di ni labaih 3 -400 thun

3/Ban sit Đà Nẵng hu harak ka bruk ramik pasiam Miuyim sarak Chăm dalam thun 2016. Tui nan, miuyim hu buh jien ngak pasiam veik, rami ramik veik dom labik piah pabak siam ka bruk parang iek, peih ngak dom bruk praong, paglaong bruk duh ka tuai damuai mai rivang iek, roh duah. Miuyim urak ni hu 2 khối sang prong, khối sang parang iek hu padang ngak meng thun 1915 song 1936, khối sang parang iek glaong 2 tal hu padang ngak meng thun 2002, dalam nan brei khik tamo khối sang klak hu padang ngak meng thun 1915 – 1936. Tui kuhira, yaom jien buh tame ngak danak dak ini abih tih jiak 45 tỷ đồng, meng kadung jien karja di ban sit.     

4/ Bruk pasiam veik tháp E7 di labik inum krung Cham Mỹ Sơn tỉnh Quảng Nam hu ngak salah bloh hadei di labaih 4 thun pasang iek, pasiam veik. Viện Khik ramik inum krung ( Mintri ilamu thể thao song du lịch), Sở Ilamu  Thể thao song Du lịch Quảng Nam hu peih bruk taong yaom, jao brei. Bruk ngak nan hu yaom jien buh tame labaih 9 tỷ đồng, kayua Sở Ilamu Thể thao song Du lịch Quảng Nam ngak po đầu tư. Viện Khik ramk inum krung thiết kế song padang ngak meng thun 2011

5/ Parang iek Mỹ thuật khu vực V – gah kreih negar song Tây Nguyên mbang ka 20 hu peih tabiak di Miuyim tỉnh Quảng Nam. Parang iek mbang ni hu parang tabiak 197 tác phẩm di 180 nhà điêu khắc, họa sĩ di  9 tỉnh, ban gah kreih negar saong Tây Nguyên yau Quảng Nam, Quảng Ngãi, Bình Định, Đà Nẵng. Dom tác phẩm hu mbaok parang iek mbang ini hu paneh tabiak dalam tuk vak meng bilan 6/2014 tal bilan 6/2015, hu rilo đề tài, thể loại song dom chất liệu sơn mài, sơn dầu, lụa, acrylic, kayau, ban, patau Parang iek hu peih tabiak tal harei 27/8

  6/ Gilang tapuk Khoa học Tổng hợp ban raya  Hồ Chí Minh bahrau pambuak bruk song Công ty cổ phần tư vấn song đầu tư Thái Dương peih bruk pakacah cih rup cih brei ka uranaih hu angan ieu lac “Talei rohim Việt Nam - Hoa Kỳ”. Jiak 100 anek saih tiểu học song trung học cơ sở hu mbaok di mbang pakacah song mek dom giải thưởng song harak pok meyaom. Rup cih payua tame pakacah hu parang iek di Bilik puac tapuk Thanh thiếu nhi, Gilang tapuk Khoa học Tổng hợp ban raya  Hồ Chí Minh meng harei 18 tal harei  23/8.